Johan sodor 15:3 - সান্তালী বাইবেল

³ Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtkoren raj, tinạkʼ dhorom ar sạriyakʼgea amakʼ horko do!

Santali Common Language New Testament

³ Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtren raj, tinạkʼ dhorom ar sạriakʼgea amakʼ horko do!

Johan sodor 15:3 Iomraidhean Croise

Genesis 17:1

Abramakʼ umer do tinre are gel are bochor tahẽkana unre Probhu Isor do uni ṭhen ńel ocoyenteye menkeda, “Iń kangeạń sanam daṛean Isor. Am do iń sãote helmel dohoyme ar ińakʼ sana leka calakʼme.

1 Bõsbudạ 6:49

Menkhan Aron ar uni bõsren hoṛko do Isorren guti Moseyakʼ sanam hukum lekate jeredokʼ samaṅokʼakʼ pinḍ ar dhudhup pinḍ cetanre samaṅokʼakʼko samaṅetʼ tahẽkana ar sonot utạrakʼ ṭhạ̃ire jạruṛokʼakʼ kạmiko kạmiyetʼ tahẽkana ar Israel jạtrenkoakʼ kại puruchun reakʼ hõko kạmiyetʼ tahẽkana.

2 Bõsbudạ 24:6

Onatege raj do maraṅ naeke Jehoyada hoho ạgukedeteye metadea, “Goha tạmbu lạgitʼ Probhu Isorren guti Mose do Israelko cetanre oka khajnae ṭhik dohoakatʼ ona Jihudạ ar Jerusalem khon uṭhạu lạgitʼ Liwiko do cedakʼ bam kolletʼkoa?”

Nehemiạ 9:14

Amge amakʼ sonot jirạukʼ mãhã reaṅem baḍae ocoletʼkoa ar amren guti Mose hotete hukum ar ạn-ạrikom ematʼkoa.

Jobakʼ 36:24

Uniyakʼ kạmi reakʼ sarhao do alom hiṛińa; sereń talatege coṅ manwa ma uniyakʼ kạmiye sarhaoetʼtae.

Jobakʼ 5:9

Uni do nonkan maraṅakʼkoe kạmiyeda one ona reakʼ khạndritetʼ do oho jokhalena; uni do nonkan hahaṛawakʼkoe kạmikana ona do tisge oho lekha cabalena.

Sereńko 100:5

Probhu Isor doe bhạlạiyicʼkana, uniyakʼ dulạṛ do jaejug hạbicʼ tahenkana; ar uniyakʼ pạtiạr do piṛhi cetan piṛhige.

Sereńko 105:5

E uniren golam Abrahamren bõsko, uniren bachao akan Jakobren hoponko, ape do uniyakʼ maraṅ kạmi reakʼ kathako baṛe disạ dohoype; uniyakʼ hahaṛa kạmiko reakʼ katha ar bicạrre oka sạjại reakʼ kathae menetʼ ona disạ dohokakʼpe.

Sereńko 111:2

Probhu Isorakʼ sanam kạmiko do bhagegea; okoe onateko rạskạkʼkan onko do onako reaṅgeko ganḍonokʼ kana.

Sereńko 111:7

Uniyakʼ sanam kạmire uni do pạtiạr ar dhoromteye perecʼgea; uniyakʼ sanam ạnko do pạtiạrgea.

Sereńko 139:14

Iń doń gun manao joharam kana, ente iń do hahaṛa lekateń benao akana; hahaṛagea amakʼ kạmiko do, ar ona do bhagetegeń baḍaea.

Sereńko 145:17

Probhu Isor do acʼakʼ sanam horreye dhoromgea, ar sanam kạmireye pạtiạrgea.

Sereńko 145:6

Hoṛko do amakʼ botoranakʼ hahaṛa daṛe kạmi reakʼ kathako roṛa, ar iń do amakʼ maraṅtetʼ iń lại sodora.

Sereńko 18:30

Isorakʼ horre jãhãn bin sạbitanakʼ do bạnukʼanaṅ, Probhu Isorakʼ katha do khạṭi mente sạbud akana. Uni do acʼre hirlạjoṅ kan sanam hoṛren ḍhal kanae.

Sereńko 78:12

Israelren hapṛamkoakʼ mẽtʼãhã samaṅre uni do hahaṛa kạmiye kạmileda; Misor disạmre ar Soan ṭoṭhare uni do onakoe kạmileda.

Sereńko 92:5

E Probhu Isor, amakʼ kạmiko do ạḍi bhagegea ar amakʼ hudisko hõ ạḍi khạndrigea!

Sereńko 99:4

Okoe raj do dhorom bicạre kusiyakʼ uniyakʼ daṛe do amgem ṭarhao akatʼtaea, jemon uni do dhoromteye bicạr daṛeakʼ. Amge Jakob bõsrenko talare hok bicạr ar dhoromem dohoakada,

Jesaea 33:22

Probhu Isorge aboren hokren bikʼcạricʼ ar aboren cakʼlaoyicʼ do; Probhu Isorge aboren raj, unige abo doe rukhiyạbona.

Jesaea 45:21

Dela, mambla samaṅtape, dạkhiltape; ar mitʼsãote sopolhaepe. Niạ ghoṭna hoyokʼ ona do laha khon okoeye men akawatʼpea? Sedaeakʼ ona do lahare okoeye sodor akada? Iń Probhu Isorge cetʼ ona do bạń onka akada? Iń chaḍa ar cele Isorge bạnukʼkoa; iń do dhoromren Isor kạnạń, ar babańcaoicʼ hõ ińge. Iń chaḍa ar cele Isor hõ bạnuiya.

Daniel 6:20

Ar ona khandṛaṅ ṭhen senkate botorokʼ salakʼ Daniele hohoadea, “E jiwetʼ Isorren guti Daniel, jao okte okoeyem sewawae kan uni amren Isor do cetʼ dhạcri kulkoakʼ moca khone rukhiyạ akatʼmea?”

Daniel 9:11

Israelko jotoge amakʼ hukumko bebatao akada ar amakʼ hor khonko ghańgeṛ akana; onko do amakʼ katha bako ańjomleda. Ona iạte amren guti Moseyakʼ ạn-ạrikore olakʼ okaṭakʼ sarap reakʼ katha kiriạkatem roṛletʼ ona do ale cetanrege upʼ akana, ente ale do am upạrtele kại akada.

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.

Mikạ 7:20

Ḍher din lahare am do aleren hapṛamko ṭhen cetʼlekam gokʼletʼ onkage Abraham ar Jakob bõsrenko ṭhen pạtiạranicʼ baṛe tahenme ar amakʼ asambheṛ dulạṛ baṛe sodorme.

Sephaniạ 3:5

Unireye tahenkan Probhu Isor doe dhoromgea; uni do bae behoka; uni do setakʼre acʼakʼ dhorom bicạre udukʼeda; oka hilokʼ hõ bae gạphileda. Menkhan bedhorom kạmikoakʼ lajao do bạnukʼtakoa.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Johan 1:17

Mose hotete ạn-ạriko em hoylena, menkhan daya ar sạriyakʼtetʼ do Jisu Mạsi hotetege hecʼakana.

Dosar Biboron 31:30

“Ona tayom Mose do noa sereń reakʼ kathako pạhil khon mucạtʼ hạbicʼ sanam Israelkoe ańjomatʼkoa:

Dosar Biboron 32:3

Iń do Probhu Isorakʼ ńutumiń jạhirtaea. Ape do aboren Isorakʼ ṭhonok reakʼ sarhaotaepe.

Dosar Biboron 34:5

Probhu Isor okae menletʼ onkage Probhu Isorren guti Mose do Moab disạmreye gocʼena.

1Timothi 1:17

Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

Ibriko 3:5

Sạrige Mose do Isorakʼ gharońjren sapʼdapʼicʼ lekate pạtiạricʼe tahẽkana, jemon uni do darakan dinkore okaṭakʼ roṛogokʼ ona reaṅ gohae emdaṛeakʼ.

Josuạ 22:5

Menkhan okako hukum ar ạn-ạriko Probhu Isorren guti Moseye em akawatʼpe ona manao reakʼ moneyakʼpe. Ar aperen Probhu Isor dulạṛepe, uniyakʼ horre taṛampe, uniyakʼ sanam hukumko manaope, unire sapʼ kajak akae tahenpe ar apeakʼ goṭa mon ar daṛete uni sewawaepe.”

Johan sodor 1:8

Probhu Isore meneda, “Ińge Alpha ar Omega, one okoe do menaege, are tahẽkan are hijukʼkan. Ar iń kangeạń sanam daṛeyicʼ do.

Johan sodor 11:17

“Sanam daṛeanicʼ Probhu Isor, am do menama arem tahẽkana. Ale do amle sarhaoetʼme kana, ente am do amakʼ maraṅ ektiạrianakʼ tite rajokʼem ehopʼkeda.

Johan sodor 14:3

Ona siṅghạson ar onko ponea jiwiyanko ar onko mukhiyạko samaṅre onko do mitʼṭecʼ nãwã sereńko sereńkeda. Menkhan okoe hõ ona sereń do bako cetʼdaṛeada; eken onko mitʼ sae pongel pon hajar hoṛko cetʼdaṛeada okoe do dhạrtiren hoṛko khonko kiriń ocolen.

Johan sodor 14:8

Tayomte dosaricʼ ar mitʼṭen serma goḍet do uni tayom tayomte hecʼkateye menkeda, “Ona Babel nagraha do ḍahao maraoena. Okaṭakʼ nagraha do acʼakʼ loṭghuṭi reakʼ botoranakʼ bubulakʼ sanam jạtrenkoe ńũ ocoletʼko ona naṅgrha do ḍahao marao akana.”

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Johan sodor 19:16

Ar uniyakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”

Johan sodor 19:2

ente uniyakʼ bicạr do sạri ar dhoromgea. Okoe acʼakʼ loṭghuṭite goṭa dhạrtiye bhõnḍ akatʼ tahẽkan uni maraṅ kusmbi do Isor sạjạiye emadea ar acʼren golamkoakʼ mãyãm reakʼ unireye halakeda.”

Johan sodor 4:8

Noko ponea jiwiyanko do hoṛo hoṛo turui goṭecʼkate phạ̃kṛạ̃kʼ ar sanam jaegakore mẽtʼkote perecʼ tahẽkantakoa. Onko do siń ńindạ mitʼ kathageko roṛetʼ tahẽkana, “Sanam daṛeanicʼ Probhu Isor, okoe doe tahẽkan, okoe do menaege, okoe doe hijukʼkan uni doe sonot, sonot, sonotgea.”