Johan sodor 14:7 - সান্তালী বাইবেল

⁷ Uni do ãṭ aṛaṅte noa kathae menetʼ tahẽkana, “Isor botoraepe ar uni sarhaoepe, ente bicạr reakʼ okte do seṭerakana. Okoe dhạrti, serma, jalapuri, doreão ar jharna dakʼkoe sirjạu akatʼ uni sewawaepe.”

Santali Common Language New Testament

⁷ Uni do ãṭ aṛaṅte noa kathae menetʼ tahẽkana, “Isor botoraepe ar uni sarhaoepe, ente bicạr reakʼ okte do seṭer akana. Okoe dhạrti, serma, jalapuri, doreão ar jharna dakʼkoe sirjạu akatʼ uni sewawaepe.”

Johan sodor 14:7 Iomraidhean Croise

Genesis 22:12

Goḍete menkeda, “Hoponme teṅgene lạgitʼ ti do alom tul tama se unire cetʼge alom cekaea. Isor botorae hoṛkanem ona do ńitokʼ bujhạuena, ente iń ńutumte amren sadher hopon teṅgene lạgitʼ do bam pạclena.”

Nehemiạ 9:6

Eken amkangeam aleren Probhu Isor do. Amge serma, maraṅ serma ar onare menakʼ jotowakʼko, dhạrti ar ona cetanre menakʼ jotowakʼko, jalapuri ar onare menakʼ jotowakʼkom sirjạu akada. Amge sanamko jiwim emakawatʼkoa ar sermaren sanamkoge amko sewawam kana.

Sereńko 115:15

Probhu Isor, okoe do ot ar sermae sirjạu akatʼ, unige ape doe bhorapema.

Sereńko 124:8

Probhu Isor, okoe do ot ar sermae sirjạu akatʼ uni ṭhen khonge aboakʼ goṛo do hijukʼa.

Sereńko 33:6

Probhu Isorakʼ kathatege serma do sirjạu akana; ar ona reakʼ sanamakʼ do uniyakʼ sahẽtʼte sirjạu akana.

Sereńko 36:1

Bạṛicʼkoakʼ ghạṭ reaṅ ińakʼ ontor do Isorakʼ noa kathae ńam akada, “Bạṛicʼko do Isor bako botoraea.”

Sereńko 89:7

Sonot goḍetkoakʼ bạisire sanamkoge Isor do botor arko bhoktiaea; uni beṛhaeten sanamko khon uni kangeae ḍher botoranicʼ do.

Sereńko 95:5

Jalapuri hõ uniyakʼ kangea, ente unige ona doe benao akada; ar ot hõ uniyakʼ titege benao akana.

Exodus 20:11

Probhu Isor do turui dinre serma ar ot ar jalapuri ar onare menakʼ jotowakʼe sirjạukeda, menkhan eae din hilokʼ doe jirạuena. Ona iạte Probhu Isor do ona dine bhoratʼa ar acʼ lạgitʼe begar dohokada.

Jesaea 40:3

Mitʼṭecʼ ãṛaṅ doe hohokana “Hahaṅkarre Probhu Isor reakʼ hor tearkataepe; khaṅkarre aboren Isor lạgitʼ mitʼṭecʼ ḍahar mitʼsãope.

Jesaea 40:6

Mitʼ hoṛakʼ aṛaṅe meneda, “Hohoeme” Ińiń menkeda, ‘Cetʼ menteń hohoea?” “Manwako do ghãs leka kanako, onkoakʼ ṭhonoktetʼ do ṭạnḍi reakʼ bahako lekage.

Jesaea 40:9

E Sion, bhage sombat jạkʼhiricʼ, am do usul burute rakapʼ calakʼme. E Jerusalem, bhage sombat jạkʼhiricʼ, am do ãṭ aṛaṅte hohoeme, ar alom botorokʼa; Jihudạ reakʼ nagraharen hoṛko metakom, “Hạni ńelepe aperen Isor!”

Jesaea 42:12

Onko do Probhu Isorko sarhaoema; ar sạṅgiń disạmkoren do uniyakʼ sarhaoko jạhirtaema.

Jesaea 44:23

E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.

Jesaea 58:1

Probhu Isore meneda, “Kajakte hohoeme, amakʼ goṭa daṛete hohoeme; sakwa saḍe leka ãṭ aṛaṅte hohoeme. Ińren hoṛko ṭhen onkoakʼ bedhorom reakʼ katha ar Jakobren bõsko ṭhen onkoakʼ ghạṭ akatʼ reakʼ katha baḍae ocokom.

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Jeheskel 7:2

“E manwa hopon, Israel disạm ṭhen iń Probhu Isor do noa kathań menetʼkana, ‘ńelme, sesokʼ reakʼ okte! Sesokʼ do disạm beṛhae khon daraekana!

Jeheskel 7:6

Ses okte do seṭer akana! Ape upạrte ona do rakapʼ akana, ar hecʼ seṭerakana!

Daniel 8:19

Uni doe menkeda, “Edre okte reakʼ mucạtʼ dinkore oka hoyokʼ ona do amiń lạiyam kana, ente dorson do hoyokʼkana mucạtʼ dinko reakʼ niṭ akatʼ okte reaṅ.

Hosea 8:1

“Am do siṅgạ oroṅme. Probhu Isorren hoṛko upạrte bạiri do pajhaṛ cẽṛẽ lekae hijukʼkana, ente hoṛko do iń emakʼ bondobos reakʼko bebatao akada ar ińakʼ ạn-ạri upạrteko hul akada.

Mathae 25:13

“Onate jagwar akae tahenpe, ente ona din se ona okte reakʼ katha do bape baḍaea.”

Luk 17:18

Isor gun manao joharae lạgitʼ nui eṭakʼ jạtren chaḍa ar okoe hõ cetʼ bako ruạṛlena?

Aposkạmi 14:15

“E ho gateko, ape do cedakʼ noakope onkayeda? Ạliń hõ coṅ ape leka duk suk jojom manwakange liń. Ạliń do ape ṭhen bhage sombat liń porcareda jemon noa ạuṛiyakʼko khon jiwetʼ Isor secʼpe, ạcurokʼ. Unige serma ar ot ar jalapuri ar onare menakʼ jotowakʼe sirjạu akada.

Josuạ 7:19

Josuạ do unre Akhane metadea, “E bạbu, sạri katha menkate Israelkoren Isor sarhao ar ṭhonokʼ emaeme; ar am okam ceka akatʼ ona lạiyạńme, alom okoea.”

1 Patras 4:7

Nitokʼ do sanamakʼ reakʼ mucạtʼ okteko seṭer akana. Onate apeakʼ mon do kajak akae dohoytape ar apnarte sambṛaokʼpe jemonpe koejoṅ.

Johan sodor 11:13

Unre ạḍi botor dhạrti laṛaoena ar ona nagraha reakʼ gel hạṭiń reakʼ mitʼ hạṭiń do rạputʼ ńurena. Ar ona dhạrti laṛaore eae hajar hoṛko gocʼena. Onate sarecʼko sanamge botor caṛhaoatʼkote sermaren Isorko sarhaokedea.

Johan sodor 11:18

Joto jạtrenko raṅgao akana, ar amakʼ edre sodorokʼ reakʼ ghuṛi hõ seṭerakana, ar amren golamko, metakʼme nạbiko ar amren hoṛko ar kạṭicʼ lạṭu jotokoge okoe amko bhoktiamkan onko kuṛại emako reakʼ okte hõ seṭerakana. Ona chaḍa okoe dhạrtiko hạ̃n akatʼ, onko ḍahao maraoko reakʼ okte hõ seṭer akana.”

Johan sodor 15:4

E Probhu Isor okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”

Johan sodor 16:9

Unre ãṭ elaṅte hoṛko loyena, ar noako sạjại cetanre okoeyakʼ ektiạri menakʼtako onko do uni Isorko henostawadea. Menkhan onko do enrehõ mon bako ạcurleda ar Isor bako sabasiwadea.

Johan sodor 18:10

Onko do uniyakʼ saset ńelte botorte sạṅgińre teṅgokateko mena, “Hae Babel, hae! Ona maraṅ nagraha, ar daṛeanakʼ nagraha do, ente mitʼ ghạṛite amakʼ sạjại do seṭerena!”

Johan sodor 18:17

Ente mitʼ ghạṛitege amakʼ joto dhon-durib do nosṭo cabayena!” Ar mitʼke mitʼ jahaj cakʼlaoko, ar jahajte dãṛãn hoṛko, ar lạuṛiạko, ar jalapurire okoe doko bạnij beparetʼkan onko sanamko do sạṅgińreko teṅgo tahẽyena.

Johan sodor 18:19

Onko do akoakʼ bohokʼre dhuṛiko er joṅa ar rakʼ rakʼteko mena, “Hae, hae, ona maraṅ nagraha do! Ar jalapurire okoekoakʼ jahaj menakʼtako onko do uniyakʼ dhon-duribtegeko kisạ̃ṛlena; ar ńelpe mitʼ ghuṛitege ona do ḍahao maraoena!”

Johan sodor 19:5

Unre siṅghạson khon mitʼ hoṛe menkeda, “E Isorren golamko ar okoe do Isorpe sewawaekan, lạṭu ar kạṭicʼko ape jotokoge aboren Isor sarhaoepe.”

Johan sodor 4:11

“E aleren Probhu Isor, amge man ar ṭhonok ar daṛe ńam lek kanam, ente amge jotowakʼem sirjạu akada; ar amakʼ monejoṅakʼ lekage onako do sirjạu akana ar ṭikạu menakʼa.”

Johan sodor 4:9

Onko jiwiyanko do siṅghạsonre duṛupʼakanicʼ one uni jug cetan jug jiwetʼe tahenkan ṭhonok ar man ar gun manao joharko emae jokhecʼ,

Johan sodor 8:10

Tayomte tesaricʼ serma goḍet hõ siṅgại oroṅkeda. Unre maraṅ okocʼ mitʼṭecʼ ipil do diuhe leka jolokʼte serma khone ńurhạyena.

1 Samuel 6:5

Okaṭakʼ ojo ruạ do apeakʼ hoṛmore hoyakan ar okoe goḍoko apeakʼ disạmko jarkharetʼkan onkoakʼ muṭhạn benaope ar Israelkoren Isor mạhimawaepe. Ado pasecʼ uni do ape cetan khon ar aperen Debotako ar disạm cetan khon acʼakʼ keṭecʼ tiye ocogtaea.