Johan sodor 14:4 - সান্তালী বাইবেল

⁴ Noko do onko hoṛ kanako, one okoe do maejiuko tulucʼ bako laṭghaṭ akatʼte saphage menakʼko. Ar jãhã secʼge Bheḍa Hopone calakʼ onko hõ uni tayomteko calakʼa. Isor ar Bheḍa Hopon ṭhen pạhil jo lekate dãṛẽ lạgitʼ hoṛko mod khon onko doko kiriń akan tahẽkana.

Santali Common Language New Testament

⁴ Noko do onko hoṛ kanako, one okoe do maejiuko tulucʼ bako laṭghaṭ akatʼte saphage menakʼko. Ar jãhã secʼge Bheḍa Hopone calakʼ onko hõ uni tayomteko calakʼa. Isor ar Bheḍa Hopon ṭhen pạhil jo lekate dãṛẽ lạgitʼ hoṛko mod khon onko doko kiriń akan tahẽkana.

Johan sodor 14:4 Iomraidhean Croise

Sereńko 45:14

Noksa akatʼ horoakʼte uni do raj ṭhenko idiyea; ar uni tayomte soṅgeten kũạ̃ri kuṛiko hõ am ṭhenko idi ocokʼa.

Sereńko 74:2

Hudiskate ńelme amren onko hoṛkoakʼ katha okoe do sedae khonge amren hoṛem hoyocoakatʼko, okoe bõsrenko do amren ạidạriko lekatem chaḍao ạguletʼko. Disạime ona Sion buru reakʼ katha one okaṭakʼ amakʼ tahen oṛakʼem benao akatʼ.

Soros sereń 1:3

Amakʼ sunum reakʼ mońj so doe rạskạ ocoyediń kana; dul akatʼ mońj so sunum lekage amakʼ ńutumtam do. Onatege am do kuṛikoko dulạṛetʼmea.

Soros sereń 6:8

Turuigel rạni ar irạl gel chuṭki erako ar alekha kuṛikoko tahẽdaṛeakʼa,

Jirimiạ 2:3

Israel do Probhu Isor lạgitʼ sonoticʼgeye tahẽkana; uniyakʼ pạhil phosol reakʼ gelege. Ar okoe onako jomketʼko onko do jotoge dusiko hoyena, ar onko sanamko cetanrege muhin do hecʼ paṛaoena. Iń Probhu Isorge noa katha doń meneda.”

Amos 6:1

Hae ape do! Ape do Sionre nicindpe tahenkana ar Samariạ buru do khạtirjomape hudisetʼkana. Ape do sanam khon maraṅ jạt Israelren namḍak hoṛ kanape ar ape ṭhenge Israelren hoṛ doko hijukʼkana.

Mathae 19:12

Ente adom do eṅgat kukhi khon mạ̃yạ̃ṛigeko janam akana, onate onko do bako baplakʼ kana. Ar adom do hoṛgeko mạ̃yạ̃ṛi ocoyetʼkoa, onate onko hõ bako baplakʼkana, arhõ adomko do serma rajre bolokʼ iạte baṅ baplakʼko muruk akada. Onate okoeye manao daṛeakʼ uni doe manaoma.”

Mathae 25:1

“Unre serma raj do nonkan gel tetre kuṛiko leka hoyokʼa one okoe do gate kuṛiren Jãwãe daram ạguiye lạgitʼ diuhewante bahreteko oḍok calaoen.

Mathae 8:19

Unre mitʼṭen sostor baḍae hoṛ do Jisu ṭhen hecʼenteye menkeda, “E Guru, jãhãtegem calakʼ iń hõ am sãote onḍegeń calakʼa.”

Johan 10:27

Ińren bhiḍiko do ińakʼ aṛaṅko ańjomeda. Ar iń doń baḍae oromakatʼkoa ar onko do ińko pańjayediń kana.

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiyạko hõ onḍegeko tahena. Jãhãege ińakʼe kạmikan khan Baba do uniye manotea.

Johan 13:37

Patras do uniye metadea, “E Probhu Isor, cedakʼ ńitokʼ do am sãote bạń calao daṛeakʼa? Am lạgitʼ ińakʼ jiwi hõń emokʼa.”

Johan 8:12

Jisu do arhõ hoṛkoe metatʼkoa, “Ińge dhạrti reakʼ marsal do. Okoe ińakʼ horteye calakʼ uni do tis hõ ńutre bae taṛama, bickom jion reakʼ marsale ńama.”

Aposkạmi 20:28

Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan uni lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.

1 Korinthiko 16:15

E boehako baḍaegeape, Stephan gharońjren hoṛkoge Akhaearen pạhil biswạsi kanako mente, ar Isorren hoṛko sapʼ dapʼako lạgitʼ onko do apnargeko jamaṛ akana.

1 Korinthiko 6:20

Ape do apnar lạgitʼ dope baṅkana; ente aema damtepe kiriń ocoakana; onate apeakʼ hoṛmo do Isorakʼ mạhimakʼ lạgitʼ emokʼpe.

1 Korinthiko 7:28

Menkhan amem baplalenre am do bam kạiyetʼ kana. Ar jãhãe kũạ̃ri kuṛiye baplalenre uni hõ bae kạiyeda. Menkhan okoeko baplakʼkan onko do hoṛmore jalako ńama, ar iń do ona khon rukhiyạpeyiń meneda.

2 Korinthiko 11:2

Iń do ape lạgitʼ ińakʼ ontorre Isor reakʼ khạndri ãṭteń ãṭokʼkana, ente iń do eken mitʼṭen jãwãe tulucʼ, metakʼme Mạsi tulucʼge apeakʼ bapla reaṅ iń ṭhik dohoakada, jemon niphuṭ kũạ̃ri kuṛi leka uni tireń jimạ daṛeape.

Ephesiko lạgitʼ Pạul Apostolakʼ ciṭhi 1:14

Okoe do Isorren sompottikanko onko do mitʼṭecʼ ạidạri emako lạgitʼe gokʼ akawatʼkoa. Ar tin hạbicʼ purạte chaḍao ạuriko ńam unhạbicʼ ona ạidạriren pạhil hĩs lekate onko do sonot Jiuko em ocoakana. Ar noako hotetege Isorakʼ ṭhonok reakʼ sabasi do sodorokʼa.

1Timothi 4:3

Noko do manwa baṅ baplakʼ lạgitʼko hukumako kana ar adom adom jomakʼ jojomko baron kana. Menkhan biswạsiko, okoe do Isorakʼ sạriyakʼtetʼko baḍae akatʼ, onko do gun manao joharkateko jomma ar ona iạtege Isor do noako jomakʼe sirjạu akada.

Ibriko 12:23

pạhil janam hopon reakʼ ạidạriko ńamakatʼ hoṛ lekate okoekoakʼ ńutum sermare ol akan, onko hotete benaoakʼ manḍer ṭhenpe hecʼakana; okoe doe sanamkoren bicạricʼkan uni Isor ṭhenpe hecʼakana; ar okoekoko sạbit ocoakan onko sanam dhorom hoṛkoakʼ jiu ṭhenpe hecʼakana;

Jakob 1:18

Acʼakʼ nij sanate sạriyakʼ katha hotete uni do acʼren gidrạkoe hoyocoketʼ bona, jemon uniyakʼ sirjonre pạhil utạrakʼ jo bon hoydaṛeakʼ.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Johan sodor 21:22

Ona nagrahare jãhãn mundilge bạń ńel ńamleda, ente sanam daṛeanicʼ Probhu Isor ar Bheḍa Hoponge ona nagraharen mundil do.

Johan sodor 21:23

Ona nagrahare marsalokʼ lạgitʼ siń cando se ńindạ cando reakʼ jạruṛ do bạnukʼa, ente Isorakʼ ṭhonokge onḍe doe marsala ar Bheḍa Hopon kangeae onḍenicʼ diuhe do;

Johan sodor 3:4

Menkhan Sạrdisre thoṛa nonkan hoṛ menakʼkotama one okoe do akoakʼ kicricʼ khạnḍwạkʼ, metakʼme cạl-colon bako mạilạ akatʼtako. Onko doko lekman hoṛ kante ponḍ kicricʼ horokʼkate iń sãoteko dãṛãbaṛaea.

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.