Johan sodor 14:15 - সান্তালী বাইবেল

¹⁵ Ona tayom mitʼṭen serma goḍet mundil oṛakʼ khone oḍok hecʼena ar okoe ona rimilreye duṛupʼ akan tahẽkan uni ãṭ aṛaṅteye metadea, “Amakʼ datrom calaotam, phosol gedme, ente phosol samṭao reakʼ okte do hoyakana; ar dhạrti reakʼ phosol do purạte beleakana.”

Santali Common Language New Testament

¹⁵ Ona tayom mitʼṭen serma goḍet mundil oṛakʼ khone oḍok hecʼena ar okoe ona rimilreye duṛupʼ akan tahẽkan uni ãṭ aṛaṅteye metadea, “Amakʼ datrom calaotam, phosol gedme, ente phosol samṭao reakʼ okte do hoeakana; ar dhạrti reakʼ phosol do purạte bele akana.”

Johan sodor 14:15 Iomraidhean Croise

Genesis 15:6

Abram do Probhu Isorakʼ kathareye pạtiạuena ar onate Isor do dhorom menteye ataṅkedea.

Jesaea 62:1

Sion ńutumte hape akan do bạń tahena, Jerusalem iạte thir akan hõ bạń tahena, tin hạbicʼ ona reakʼ dhoromtetʼ marsal leka baṅ jhak jhakoakʼ, ar ona reakʼ bańcaokʼ do jolokʼkan diuhe leka baṅ jolokʼ.

Jirimiạ 51:33

Iń phạdkoren Probhu Isorgeń meneda, “Babel kuṛi do phosol enokʼ jokhecʼ reakʼ khạrại lekageye hoyakana; ar phosol samṭao leka uni samṭaoe reakʼ okte do usạrage hijukʼa.”

Joel 3:13

Onkoakʼ dusṭạmi do ḍhergetakoa, ona iạte ma datrom calaope, ente phosol do bele akana. Ape do hecʼkate darkha jo lenpe, ente darkha jo lelen reakʼ kunḍ do cehel cepel akana. Darkha rasa reakʼ bhajan khon rasa do se oḍokokʼ kana.”

Mathae 13:30

Phosol belekʼ hạbicʼ mitʼ dhaote hara ocoakʼpe. Unre samṭao jokhecʼ phosol samṭaokoń metakoa, pạhilre sama ghãs jarwa maṛaṅpe ar ạṭikate begarpe seṅgelre atar giḍi lạgitʼ, menkhan guhum do ińakʼ golare ạgu jarwaepe.’ ”

Mathae 13:39

Okoe bạiri onae er oṭoletʼ uni doe Soetan kana, ar phosol samṭao okte do jug reakʼ mucạtʼ kana, ar phosol samṭaoko do sermaren goḍetko kanako.

Mathae 23:32

Enḍekhan aperen hapṛamko okaṭakʼko ehopʼ oṭoletʼ ona reakʼ sarecʼakʼ do apege mucạtʼ gotʼkakʼpe baṛe.

Mark 4:29

Ado phosol beleyen khan uni do datrome calaokeda, ente phosol samṭao okte do hoyena.”

1 Thessalonikikko 2:16

Onko do aleko tạkicʼ darametʼlea jemon boṅgan hoṛ jạtrenko kại khon bańcaoko lạgitʼ jãhãn kathako alole lại daṛeako. Nonkate onko Jihudiko do siń sạṭupʼ kại cetan kạiko bojha joṅkana, ar Isorakʼ edre do purạte onkore hecʼ paṛaokʼ kana.

Johan sodor 11:19

Ona tayom serma reakʼ mundil do jhicʼena ar onḍe Isorakʼ bondobos reakʼ sunduk ńel ńamena. Unre bijli malkaokʼ ar botor saḍe ar huḍur ar dhạrti laṛao ar ạḍi bạṛicʼ arel ńurokʼ ehopʼena.

Johan sodor 13:12

Nui janwar do pạhilicʼ janwar reakʼ joto ektiạri calaoe ehopʼena; ar okoe doko noa dhạrtiren kan onko hotete uni pạhilicʼ janwar, metakʼme okoeyakʼ ghạl boge akantae uni do Isor menteko sewawadea.

Johan sodor 14:14

Tayomte iń do mitʼṭecʼ ponḍ rimiliń ńelkeda, ar ona rimilre manwa Hopon leka mitʼ hoṛe duṛupʼ akan tahẽkana. Uniyakʼ bohokʼre do jitạukʼ reakʼ sona mukuṭ ar tire do laser datrom tahẽkana.

Johan sodor 14:16

Unre okoe ona rimilreye duṛupʼ akan tahẽkan uni do dhạrtire acʼakʼ datrome calaokeda ar dhạrti reakʼ phosol do getʼ hoyena.

Johan sodor 14:17

Tayomte serma reakʼ mundil khon ar mitʼṭen serma goḍete oḍok hecʼena. Ar uniyakʼ tire hõ mitʼṭecʼ laser datrom tahẽkana.

Johan sodor 14:18

Ona tayom pinḍ khon ar mitʼṭen serma goḍete oḍok hecʼena. Uni do seṅgel cetanre ektiạri tahẽkantaea. Ar okoe serma goḍet ṭhen laser datrom tahẽkan uni serma goḍet do ãṭ aṛaṅte hohowadeteye metadea, “Amakʼ laser datrom calaotam ar dhạrti reakʼ darkha nạ̃ṛĩ khon darkha thoka gedme, ente darkha jo do bele akana.”

Johan sodor 15:6

Unre onko eae goṭen serma goḍet do eae goṭecʼ sạjạiyante mundil khonko oḍok hecʼena. Onko do sapha jhak jhak kicricʼko horokʼ akatʼ tahẽkana ar koṛam do sona reakʼ pạṭkạteko tol ạcurakan tahẽkana.

Johan sodor 16:17

Ar eaeyicʼ goḍet do acʼakʼ bạṭi reakʼ hoe secʼe dulkeda. Unre mundil reakʼ siṅghạson khon ãṭ aṛaṅte noa katha roṛena, “Oka hoyokʼ reakʼ ona do hoyena.”

Johan sodor 6:10

Onko do ãṭ aṛaṅteko menkeda, “E sonoticʼ ar sạriyicʼ Probhu Isor, okoe doko noa dhạrtiren kan, onko bicạrko lạgitʼ ar aleakʼ mãyãm reakʼ hala ruạṛako lạgitʼ am do ar tinạkʼem biloma?”