Johan sodor 13:7 - সান্তালী বাইবেল

⁷ Isorren hoṛko lạṛhạikate bhagaoko reakʼ ektiạriye emocoyena ar mitʼke mitʼ bõsren, disạmren, pạrsiren ar jạtren hoṛko cetanre hõ ektiạriye emocoyena.

Santali Common Language New Testament

⁷ Isorren hoṛko lạṛhạikate bhagaoko reakʼ ektiạriye emocoyena ar mitʼke mitʼ bõsren, disạmren, pạrsiren ar jạtren hoṛko cetanre hõ ektiạriye emocoyena.

Johan sodor 13:7 Iomraidhean Croise

Exodus 9:16

Menkhan am do jiwetʼ iń dohomea jemon ińakʼ daṛeń udukʼ daṛeam ar goṭa dhạrtire ińakʼ ńutum lại pasnaokʼtiń.

Jesaea 10:15

Ṭeṅgocʼ do cetʼ mamakʼicʼ cetanreye rakapʼ kana se korat do cetʼ kaṭ mistiri samaṅreye bạḍại daṛeakʼa? Ona do baṅ hoedaṛeakʼa. Ṭheṅga do ekʼpelicʼ bae ghiriạ daṛeaea ar ladhna hõ ladhna sasapʼicʼ do bae epel daṛeaea.

Jesaea 37:26

Am do cetʼ bam ańjomakada, ḍher din laha khonge ona doń niṭakatʼ tahẽkana, ar ḍher din laharege ona reakʼ iń goṭa akatʼ tahẽkana mente? Ńitokʼ do onań hoyocokeda. Onatege pạcrite esetʼ nagrahako do dhiri puńjirem hoyocoakada.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Daniel 12:1

“Ona jokhecʼ amren hoṛkoren rurukhiyạyicʼ maraṅ serma goḍet Mikayel doe ape sejokʼa. Ar nonkan mitʼṭecʼ kosṭo okte seṭerokʼa one ona do am jạtrenko khon ehopʼkate ona okte hạbicʼ tishõ baṅ hoyakan. Menkhan ona okte do amren hoṛko modren okoekoakʼ ńutum do puthire ol tahen onko do bańcaoko ńama.

Daniel 7:21

Ona tayom iń doń ńelkeda ona dereń do Isorren hoṛko upạrte lạṛhạikate onkoe bhagaoetʼko tahẽkana,

Daniel 7:25

Maraṅ Isor upạrte uni do kathae roṛa ar uniren hoṛkoe santaokoa. Uni do niṭakatʼ dinko hạbicʼ ar ạn-ạriko bodol reakʼe kurumuṭuya. Isor do onko hoṛko pe bochor tala hạbicʼ uniyakʼ tireye jimạkoa.

Luk 4:6

“Noako joto reakʼ ektiạri ar ṭhonokiń emama, ente noako joto do ińre jimạ akana. Ar jãhãege sanań unige onań em daṛeaea.

Johan 19:11

Jisui roṛ ruạṛkeda, “Coṭ khon ektiạri baṅ emam khan iń cetanre jãhãn ektiạrige oho tahẽlentama.” Onate okoe amakʼ tireye soprot akadiń uniyakʼ kại do ḍhergetaea.”

Johan sodor 10:11

Ona tayom noa kathań menocoyena, “Am do arhõ ạḍi utạr disạmko, jạtrenko, pạrsiko ar rajko reaṅ nạbi kathako roroṛ hoyokʼtama.”

Johan sodor 11:18

Joto jạtrenko raṅgao akana, ar amakʼ edre sodorokʼ reakʼ ghuṛi hõ seṭerakana, ar amren golamko, metakʼme nạbiko ar amren hoṛko ar kạṭicʼ lạṭu jotokoge okoe amko bhoktiamkan onko kuṛại emako reakʼ okte hõ seṭerakana. Ona chaḍa okoe dhạrtiko hạ̃n akatʼ, onko ḍahao maraoko reakʼ okte hõ seṭer akana.”

Johan sodor 11:7

Unkinakʼ goha emokʼ sạtlen khan ona athan kunḍ khon mitʼṭen janwar do rakapʼ hecʼkate unkin tulucʼe lạṛhạiya ar unkine bhagaokinteye gocʼkinạ.

Johan sodor 12:17

Unre biń do uni maejiu cetanre ạḍi bạṛicʼe raṅgaoena. Ar uni maejiuakʼ bõsren sarecʼ hoṛko, metakʼme okoe do Isorakʼ hukumko manaoetʼkan ar Jisuakʼ sikhnạtko sapʼ dohoyetʼ onko upạrte lạṛhại lạgitʼe oḍok calaoena ar jalapuri aṛereye teṅgo tahẽyena.

Johan sodor 17:15

Ona tayom uni serma goḍete metadińạ, “Am do oka dakʼem ńelketʼ, okare uni kusmbiye duṛupʼakan, ona do ạḍi utạr disạm kana, ạḍi utạr hoṛ kanako, ạḍi utạr jạtrenko ar ạḍi utạr pạrsiko kana.

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.