Johan sodor 13:16 - সান্তালী বাইবেল

¹⁶ Uni do kạṭicʼ lạṭu, reṅgecʼ kisạ̃ṛ, sạdhinko ar golamko, sanamko jojom tire baṅkhan moloṅre mitʼṭecʼ cinhại hatao ocoketʼkoa.

Santali Common Language New Testament

¹⁶ Uni do kạṭicʼ lạṭu, reṅgecʼ kisạ̃ṛ, sạdhinko ar golamko, sanamko jojom tire baṅkhan moloṅre mitʼṭen cinhại hatao ocoketʼkoa.

Johan sodor 13:16 Iomraidhean Croise

2 Bõsbudạ 15:13

ar onko modren huḍińko ar lạṭuko, herelko ar maejiuko jãhãege Israelren Probhu Isorakʼ sana leka bae calakʼ uni doe gocʼ giḍi ocokʼa.

Jobakʼ 34:19

Uni do rapajkoakʼ mẽtʼãhã bae beṅgetʼatako kana, nacarko bạgi giḍikate kisạ̃ṛko maraṅ mente bae moneyako kana, ente onko jotoge uniyakʼ ti teakʼ kạmiko kangeako.

Sereńko 115:13

Uni do acʼ botoraekan kạṭicʼ lạṭu sanamkoe bhorakoa.

Sereńko 49:2

Napṛakʼko huḍińko, kisạ̃ṛko, reṅgecʼko, ape sanamkoge ańjompe.

Exodus 13:9

Nonkate Probhu Isorakʼ emakʼ noa hukum reakʼ kathape cetʼakoa. Noa niạm manao do nonkan mitʼṭecʼ cinhạ hoyokʼa one ona do ti ar moloṅ reakʼ cinhạ lekae disạ ocopea, Probhu Isor do acʼakʼ daṛete Misor disạm khone oḍok ạguakatʼpea.

Jeheskel 9:4

Uni doe metadea, “Am do Jerusalem nagraha talate parom calakʼme ar ona talare okako bạṛicʼakʼ kạmi hoyakan ar ona iạte okoeko kũhrạuetʼkan onkoakʼ moloṅre mitʼṭecʼ cinhạ emakom.”

Sakariạ 13:6

Ar jãhãege uniye kuliye, ‘amakʼ hoṛmore noako do cetʼ reakʼ dag kana?’ Uni doe roṛ ruạṛa, ‘ińren gatekoakʼ oṛakʼre oneń ghạllen onako reakʼ dag kangea noako do.’ ”

Aposkạmi 26:22

Menkhan Isor do teheń hạbicʼe goṛo akawạdińa ar onate nonḍe teṅgokate kạṭicʼ lạṭu sanamko ṭhen gohań emeda. Nạbiko ar Mose hõ okaṭakʼ hoyokʼgea menteko roṛakatʼ ona bahre do cetʼ hõ bạń roṛeda.

1 Korinthiko 12:13

Abon do baṅ dobon Jihudikan, baṅ dobon boṅgan hoṛ jạtrenkokan, baṅ dobon golamko kan, baṅ dobon sạdhinko kan, jotoge ini mitʼ sonot Jiu hotete bon bạptis akana; ar jotokoge ini sonot Jiuge bon ńam akadea.

Galathiko lạgitʼ Pạul Apostolakʼ ciṭhi 3:28

Jihudi ar boṅgan hoṛ jạtrenko talare, golam ar sạdhin hoṛko talare, maejiu ar herel talare jãhãn begar do bạnukʼa, ente Mạsi Jisu tulucʼpe joṛao mitʼ akante jotoko Mạsirepe mitʼgea.

Galathiko lạgitʼ Pạul Apostolakʼ ciṭhi 6:17

Mucạtʼreń menkea, okoe hõ aloko duk ocoyińma, ente Jisuakʼ ghạl dagko reakʼ cinhạkoge ińakʼ hoṛmoreń asen baṛayeda.

Ephesiko lạgitʼ Pạul Apostolakʼ ciṭhi 6:8

mimitʼ hoṛ jãhãnakʼ bogeye kạmi khan onatege Probhu Isor ṭhen khon kuṛạiye ńama, baṅ doe golam kan ar baṅ doe sạdhinicʼ kan.

Dosar Biboron 11:18

Apeakʼ mon ar ontorre ińakʼ noako kathape rebetʼ dohokakʼa, ar disạ dohoy reakʼ cinhạ lekate tire hõpe tolkakʼa ar mạndạli leka cạndirepe dohoya.

Dosar Biboron 6:8

Ar dikʼsạ dohoy reakʼ cinhạ lekate ona do apeakʼ tirepe tolkakʼa ar mạndạli leka cạndirepe dohoya.

Kolossiko lạgitʼ Pạul Apostolakʼ ciṭhi 3:11

Nonkate boṅgan hoṛ jạtrenko talare se Jihudiko talare, khatna se bin khatna ocoakanko talare, osobbho, nicạṛ jạtrenko, golam se sạdhinko talare jãhãn begar do bạnukʼa; onḍe do Mạsigeye asolicʼ kana ar uni do sanamko talare menaea.

2Timothi 3:8

Cetʼleka Jannes ar Jambres do Mose upạrtekin teṅgolen onkage noko hoṛko hõ ona sạriyakʼ upạrteko teṅgon kana. Nokoakʼ mon do bạricʼgetakoa ar Mạsiyakʼ dhorom biswạs reakʼ jãhãn cinhạge onkore do baṅ ńamokʼ kana.

Johan sodor 11:18

Joto jạtrenko raṅgao akana, ar amakʼ edre sodorokʼ reakʼ ghuṛi hõ seṭerakana, ar amren golamko, metakʼme nạbiko ar amren hoṛko ar kạṭicʼ lạṭu jotokoge okoe amko bhoktiamkan onko kuṛại emako reakʼ okte hõ seṭerakana. Ona chaḍa okoe dhạrtiko hạ̃n akatʼ, onko ḍahao maraoko reakʼ okte hõ seṭer akana.”

Johan sodor 15:2

Ona tayom iń do seṅgel mesal akatʼ mitʼṭecʼ kãc reakʼ jalapuri lekań ńelkeda. Okoe uni janwar ar uniyakʼ muṭhạn ar uniyakʼ ńutum reakʼ lekha cetanreko jitạu akan onko hõń ńelketʼkoa. Isorakʼ peṛesaṅ tire sepeńkate onko do ona kãc reakʼ jalapuri aṛereko teṅgo akan tahẽkana.

Johan sodor 19:18

Jemon rapajko reakʼ, subedarkoakʼ, daṛean hoṛkoakʼ, sadomko ar sadomre decʼakan hoṛkoakʼ, sạdhinko ar golamko ar kạṭicʼ lạṭu sanam manwakoakʼ jelpe jom daṛeakʼ.”

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

Johan sodor 19:5

Unre siṅghạson khon mitʼ hoṛe menkeda, “E Isorren golamko ar okoe do Isorpe sewawaekan, lạṭu ar kạṭicʼko ape jotokoge aboren Isor sarhaoepe.”

Johan sodor 20:12

Ona tayom iń do, kạṭicʼ lạṭu joto gocʼ hoṛko ona siṅghạson samaṅre teṅgo akaniń ńelketʼkoa. Inạ tayom do puthiko oṭakʼ ocoyena. Ona tayom ar mitʼṭecʼ puthi hõ oṭakʼ ocoyena. Ona do jion reakʼ puthi tahẽkana. Ar ona puthire noko gocʼ hoṛkoakʼ kạmi reaṅ cetʼleka ol tahẽkan onkage onkoakʼ bicạr do hoyena.

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniyakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.

Johan sodor 6:15

Dhạrtiren sanam rapajko, napṛakʼko, maraṅ subedarko, kisạ̃ṛko ar daṛean hoṛko, mitʼke mitʼ golam ar sạdhin hoṛko do danderkore ar buru reakʼ huṭupʼ dhirikoreko okoeyena.

Johan sodor 7:3

“Aboren Isorren golamkoakʼ moloṅre mohor chap ạuri emako hạbicʼ dhạrti, jalapuri ar dareko do alope hạ̃na.”