Johan sodor 13:15 - সান্তালী বাইবেল

¹⁵ Ar uni do ona muṭhạnre jiwi emokʼ reakʼ daṛe hõe emocoyena, jemon muṭhạn do kathae roṛ daṛeakʼ ar okoe ona muṭhạn bako sewawakʼ onko doko gocʼ ocokʼa.

Santali Common Language New Testament

¹⁵ Ar uni do ona muṭhạnre jiwi emokʼ reakʼ daṛe hõe emocoyena, jemon muṭhạn do kathae roṛ daṛeakʼ ar okoe ona muṭhạn bako sewawakʼ onko doko gocʼ ocokʼa.

Johan sodor 13:15 Iomraidhean Croise

Genesis 2:7

Unre Probhu Isor do hasaren mitʼṭen herel manwae benaokedea ar mũreye oṅadete jiwiye aderadea. Onate manwa do jiwiyanicʼe hoyena.

Sereńko 115:5

Onkoakʼ moca do menakʼtakogea menkhan katha do bako roṛ daṛeakʼa, mẽtʼ hõ menakʼtakoa menkhan bako ńeńela;

Jirimiạ 10:14

Sanam manwage bin ạkilan ar bebuj kanako; mimitʼ sonhar do akoren benao boṅga muṭhạn iạteko lajao ocokʼa. Uniren dul boṅga muṭhạnko doko ạuṛiyakʼgea, onkore do sahẽtʼge bạnukʼa.

Jirimiạ 10:5

Onkoren boṅgako do taher goḍare bitʼ akatʼ bhibhiṛkạu khunṭiko leka kanako, onko do katha bako roṛ daṛeakʼa; onko do gokʼ idiko hoyokʼa; ente bako taṛam daṛeakʼa. Alope botorakoa; onko do apeakʼ bako loksan daṛeakʼa, ar bhạlại hõ bako bhạlại daṛeapea.”

Jirimiạ 51:17

Sanam manwage bin ạkilan ar bebuj kanako; mimitʼ sonhar do akoren boṅga muṭhạn iạteko lajao ocokʼa. Uniren dul boṅga muṭhạnko doko ạuṛiyakʼgea, onkore do sahẽtʼge bạnukʼa.

Daniel 7:20

Uniyakʼ bohokʼ reakʼ gel goṭecʼ dereń ar eṭakʼ oka dereńko janam rakapʼlen, ar okoe samaṅre pea dereń ńurlen, ar okoeyakʼ mẽtʼko ar gorbokʼ reakʼ mitʼṭecʼ moca tahẽkantae ar okaṭakʼ dereń do eṭakʼakʼko khon lạṭu idikʼkan tahẽkan, ona dereń babotre baḍae joṅ lạgitʼ iń khojkeda.

Daniel 7:25

Maraṅ Isor upạrte uni do kathae roṛa ar uniren hoṛkoe santaokoa. Uni do niṭakatʼ dinko hạbicʼ ar ạn-ạriko bodol reakʼe kurumuṭuya. Isor do onko hoṛko pe bochor tala hạbicʼ uniyakʼ tireye jimạkoa.

Habakkuk 2:19

Jạt jạtrenko doko mena, ‘Hae uni hoṛ do, one okoe kaṭ do jiwetʼakʼe metakʼkan se jiwi bạnukʼ dhiri do beredokʼe metaekan.’ Onako do cetʼ uni sikhnạte em daṛeaea? Onako ma eken sona ar rupạte muṛạu esetʼ akan; onakore do cetʼ sahẽtʼge bạnukʼa.

Jakob 2:26

Jiwi begor hoṛmo cetʼleka gocʼge onkage kạmi begor biswạs hõ gocʼgea.

Johan sodor 13:1

Noa tayom iń do mitʼṭen janwar jalapuri khon rakapʼ hijukʼ kaniń ńelkedea. Uniyakʼ do gel goṭecʼ dereń ar eae goṭecʼ bohokʼ tahẽkantaea. Ona dereńko cetanre gel goṭecʼ mukuṭ tahẽkana ar bohokʼko cetanre Isor henostawae reakʼ aema ńutum ol tahẽkana.

Johan sodor 13:12

Nui janwar do pạhilicʼ janwar reakʼ joto ektiạri calaoe ehopʼena; ar okoe doko noa dhạrtiren kan onko hotete uni pạhilicʼ janwar, metakʼme okoeyakʼ ghạl boge akantae uni do Isor menteko sewawadea.

Johan sodor 13:14

Ar okako hahaṛa kạmi lạgitʼ ektiạriye emocolen onako kạmikate hoṛko bhul horte idikoe ehopʼkeda. Ar Pạhilicʼ janwar okoe do tarwaṛeteye ghạl ocolenre hõ jiwetʼe tahẽkan, uni dosaricʼ janwar do hoṛkoe metatʼkoa jemon onko do uniyakʼ muṭhạnko benaotae.

Johan sodor 14:11

Okaṭakʼ seṅgel noko hoṛkoe sasetko ona seṅgel reakʼ dhũạ do jaejug hạbicʼ rakabokʼtege tahena. Okoe hoṛ uni janwar ar uniyakʼ muṭhạne sewawakʼ ar uniyakʼ ńutum reakʼ cinhại dohojoṅ uni do sińke ńindạ tishõ jirạu bae ńama.”

Johan sodor 14:9

Inạ tayom tesaricʼ ar mitʼṭen serma goḍet do onko tayom tayomte hecʼkate ãṭ aṛaṅteye menkeda, “Jãhãege uni janwar ar uniyakʼ muṭhạne sewawakʼ ar uniyakʼ cinhạ cạndire se tireye hatao,

Johan sodor 16:2

Unre pạhilicʼ serma goḍet do senkate acʼakʼ bạṭi dhạrtireye dulkeda. Onate okoere uni janwarakʼ cinhạ tahẽkan ar okoe do uniyakʼ muṭhạnko sewawakʼkan tahẽkan onkoakʼ hoṛmore ạḍi bạṛicʼ ar dạrun ghao ńamketʼkoa.

Johan sodor 16:5

Ar dakʼ cetanre okoeṭakʼ serma goḍetakʼ ektiạri tahẽkantae uni do noa katha roroṛiń ańjomkedea: “E sonoticʼ, am do menamgea arem tahẽkana. Am dom dhoromgea, ente am do noako sạjạiyem emakana.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Johan sodor 17:17

Noa reakʼ karon do kana, Isor do onkoakʼ monre nonkan monejoṅakʼe emakatʼkoa jemon uniyakʼ katha purạukʼtae. Onate onko do mitʼ monte uni janwar ṭhen akoakʼ sanam daṛeko danaea, jemon Isorakʼ katha ạuri purạukʼ hạbicʼ uni doe raj daṛeakʼ.

Johan sodor 17:6

Ariń ńelkedea, uni maejiu do Isorren hoṛkoakʼ mãyãm ar okoe do Jisu reaṅ gohako emakatʼ onkoakʼ mãyãm ńũteye bul akana.

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”

Johan sodor 18:24

Nạbiko, Isorren hoṛko ar okoeko hoṛ do noa dhạrtireko gocʼ ocolen onkoakʼ mãyãm do noa Babelrege ńamakana.”

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniyakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.