Johan sodor 13:11 - সান্তালী বাইবেল

¹¹ Noa tayom iń do ot khon ar mitʼṭen janwar rakapʼ hijukʼkaniń ńelkedea. Uniyakʼ do bheḍa leka barea dereń tahẽkantaea, menkhan uni do biń leka kathae roṛetʼkan tahẽkana.

Santali Common Language New Testament

¹¹ Noa tayom iń do ot khon ar mitʼṭen janwar rakapʼ hijukʼkaniń ńelkedea. Uniakʼ do bheḍa leka barea dereń tahẽkantaea, menkhan uni do biń leka kathae roṛetʼkan tahẽkana.

Johan sodor 13:11 Iomraidhean Croise

Daniel 7:8

Iń do tinre ona dereńkoń kheyalkeda unre mitʼṭecʼ huḍiń dereń do onako talare janam rakapʼena; ona samaṅre lahateakʼ dereńko tala khon pea dereń do or totʼ giḍi ocoyena. Noa dereńko do manwawakʼ mẽtʼ leka tahẽkana ar mitʼṭecʼ moca hõ tahẽkana one uni do gorbokʼ salakʼe roṛetʼkan tahẽkan.

Daniel 8:3

Iń do gaḍa aṛere mitʼṭen bheḍa teṅgo akaniń ńelkedea. Uniyakʼ do barea jeleń dereń tahẽkantaea. Mitʼṭecʼ dereń do eṭakʼakʼ khon jeleńge tahẽkana ar ona do hara rakabokʼkan tahẽkana.

Mathae 7:15

“Eṛe nạbiko khon sontor akae tahenpe. Onko do bhiḍi chinte ape ṭhenko hijukʼa, menkhan bhitri bhitrite onko do jojom hunḍạr kanako.

Romiko lạgitʼ Pạul Apostolakʼ ciṭhi 16:18

ente nonkanko hoṛ do aboren Probhu Mạsiren golam hoyokʼ baṅkate apnar lacʼgeko moneyakʼkana. Onko do sebel ar luhum suhum kathate sojhe monan hoṛko bulạuetʼkoa.

2 Thessalonikiko 2:4

Isor mente cetʼko menakʼ onako sanamakʼ upạrte ar sewa ocokʼ jotowakʼ upạrteye teṅgokʼte uni do apnarte maraṅe udugokʼa; ar Isorakʼ mundilre duṛupʼkate acʼge Isor menteye udugokʼa.

Johan sodor 11:7

Unkinakʼ goha emokʼ sạtlen khan ona athan kunḍ khon mitʼṭen janwar do rakapʼ hecʼkate unkin tulucʼe lạṛhạiya ar unkine bhagaokinteye gocʼkinạ.

Johan sodor 12:17

Unre biń do uni maejiu cetanre ạḍi bạṛicʼe raṅgaoena. Ar uni maejiuakʼ bõsren sarecʼ hoṛko, metakʼme okoe do Isorakʼ hukumko manaoetʼkan ar Jisuakʼ sikhnạtko sapʼ dohoyetʼ onko upạrte lạṛhại lạgitʼe oḍok calaoena ar jalapuri aṛereye teṅgo tahẽyena.

Johan sodor 13:1

Noa tayom iń do mitʼṭen janwar jalapuri khon rakapʼ hijukʼ kaniń ńelkedea. Uniyakʼ do gel goṭecʼ dereń ar eae goṭecʼ bohokʼ tahẽkantaea. Ona dereńko cetanre gel goṭecʼ mukuṭ tahẽkana ar bohokʼko cetanre Isor henostawae reakʼ aema ńutum ol tahẽkana.

Johan sodor 13:17

Onate ona cinhạ metakʼme uniyakʼ ńutum se cinhạ chaḍa okoe hõ cetʼge bako kiriń ạkhriń daṛeada. Ona cinhạ do hoyokʼ kana uni janwarakʼ ńutum se uniyakʼ ńutum reakʼ lekha.

Johan sodor 13:4

Biń do uni janwar ektiạriye emade tahẽkante hoṛko do uni biń Isor lekako sewawadea ar janwar hõ onkage sewawadeteko menkeda, “Nũi janwar leka cele menakʼkoa? Ar okoe baṅ uni sãoteye lạṛhại daṛeke?”

Johan sodor 16:13

Unre iń do roṭe lekan pea bạṛicʼ jiu iń ńelketʼkoa. Onko do uni biń, uni janwar ar uni eṛe nạbiyakʼ moca khonko oḍok hijukʼkan tahẽkana.

Johan sodor 17:6

Ariń ńelkedea, uni maejiu do Isorren hoṛkoakʼ mãyãm ar okoe do Jisu reaṅ gohako emakatʼ onkoakʼ mãyãm ńũteye bul akana.

Johan sodor 17:8

Ar okoe janwarem ńellede uni do lahateye tahẽkana, menkhan ńitokʼ do bạnugicʼan. Tayomte ona athan kunḍ khon rakapʼ hecʼkate uni do jaejug hạbicʼ sạjạiye joma. Unre okoe doko noa dhạrtirenkan, metakʼme dhạrti sirjạu khon okoekoakʼ ńutum do jion reakʼ puthire ol bạnukʼ onko do uni janwar ńelteko hahaṛakʼa; ente janwar do pạhile tahẽkana, ńitokʼ do bạnuiya, menkhan arhõe ńel ocokʼa.