Johan sodor 12:9 - সান্তালী বাইবেল

⁹ Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

Santali Common Language New Testament

⁹ Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

Johan sodor 12:9 Iomraidhean Croise

Genesis 3:1

“Probhu Isorre benaoketʼko otren jiwiyanko modre biń do sanamko khon cạture tahẽkana. Mitʼ din biń do uni maejiue kulikedea, “Isor do cetʼ sạrige bagwanre menakʼ joto dareko reakʼ jo jom doe mana akatʼbena?”

Genesis 3:13

Unre Probhu Isor do uni maejiue metadea, “Noa do cetʼem ceka akada?” Maejiu do roṛ ruạṛketʼteye menkeda, “Biń do ińe bulạukedińa ar onate iń do onań jomkeda.”

1 Bõsbudạ 21:1

Soetan do Israelko upạrteye teṅgoyena. Uni do Dạudakʼ monre Israelko lekhako lạgitʼe uskurkedea.

2 Bõsbudạ 18:21

Uni doe menkeda, ‘iń do senkate uniren sanam nạbikoakʼ mocare eṛe roroṛ jiu iń hoyokʼa.’ Probhu Isore menkeda, ‘amge uni dom bulạu idi daṛeaea. Amge senkate onkaeme.’

Sereńko 109:6

Onko upạrte am do bedhorom bikʼcạrko bahalkom; ar okoe onkoko dusiko onko do onkoakʼ jojomsa aṛereko teṅgokʼma.

Jesaea 14:12

E bhurkạkʼ ipil, aṅga marsalokʼren hopon, am do serma khonem ńur akana. Am do jạtrenkom bhagao akatʼkoa, ar ńitokʼ do dhạrtitem giḍi ocoakana.

Jesaea 27:1

Enhilokʼ Probhu Isor do acʼakʼ keṭecʼ ar maraṅ daṛean tarwaṛete uni khiṛiạpaṭeye dạṛetʼkan biń Libiathone sạjạiyea. Ar jalapurire menae uni danob doe gojea.

Jesaea 65:25

Hunḍạr ar bhiḍi hopon do mitʼtekin ạtińa, dhạcri kul do ḍaṅgra leka busupʼe joma ar dhuṛi do bińakʼ jomakʼge hoyokʼa. Onko do ińakʼ sonot burure okare hõ bako hạhạna se bako nonosṭowa.

Jeheskel 28:16

Amakʼ ạḍi utạr beparikote jor julumtem perecʼena arem kạikeda, onate Isorakʼ buru khoniń lagaketʼmea, ar E horhoyicʼ Kerub, am do seṅgel reakʼ dhiriko tala khoniń laga ńirketʼmea.

Mathae 13:39

Okoe bạiri onae er oṭoletʼ uni doe Soetan kana, ar phosol samṭao okte do jug reakʼ mucạtʼ kana, ar phosol samṭaoko do sermaren goḍetko kanako.

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Mathae 4:1

Inạ tayom Jisu do Jiu hotete hahaṅkar jaegateye idi ocoyena Soetan ṭhen biḍạu ocokʼ lạgitʼ.

Mathae 4:10

Unre Jisu do uniye metadea, “Men ńir joṅme Soetan. Sonot sostorre ol menakʼa, am do amren Probhu Isorgem sewawaea, ar uni eskargem dewa sewawaea.”

Mathae 4:5

Unre Soetan do sonot nagraha Jerusalemte Jisui idikedea ar mundil reakʼ cuṛạre teṅgokedeteye metadea,

Mathae 4:8

Soetan do arhõ mitʼṭecʼ ạḍi usul burute Jisui idikedete dhạrti reakʼ sanam rajosṭi ar onako reakʼ ṭhonok udukʼadeteye metadea,

Luk 10:18

Jisui metatʼkoa, “Soetan do serma khon bijli leka ńurokʼkaniń ńel akadea.

Luk 13:16

Menkhan Abraham bõsren nui maejiu do gel irạl bochor hạbicʼ Soetane tol akade tahẽkana, ar jirạukʼ mãhãre ona tonol khone raṛa ocokʼ do cetʼ baṅ ganokʼtaea?”

Luk 22:3

Unre okoe Jihudạ Iskạriotko metaekan tahẽkan unire do Soetane boloyena. Nui do Jisuren gelbar celako modren mitʼ hoṛe tahẽkana.

Luk 22:31

E Simon, E Simon, ńelpe, Soetan do guhum leka calape lạgitʼe khojakada.

Luk 8:12

Hor aṛere ńũren itạte do onko lạgitʼge roṛ akana, okoe do kathako ańjomketʼ, menkhan unrege Soetan do hecʼkate onkoakʼ mon khon onae halaṅ idiya. Ar bako pạtiạukʼte onko do kại khon bańcao bako ńama.

Johan 12:31

Noa dhạrtiren hoṛkoakʼ bicạr reakʼ okte do seṭer akana, ar dhạrtiren rajakʼ ti khon ńitokʼ do recʼ ocokʼa.

Johan 14:30

Iń do ape tulucʼ ar ḍher ghạṛicʼ do bạń galmaraoa, ente noa dhạrtiren raje hijukʼkana. Ińre uniyakʼ jãhãn ektiạri do bạnukʼtaea.

Johan 16:11

Bicạr reaṅ hõ cehaonae emokʼa, ente dhạrtiren rajakʼ bicạr do hoyakana.

Johan 8:44

Soetange aperen baba do, ar ape do uniren hoponko kanape; onate uniyakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriyakʼre bae teṅgo akana, ente unire do sạriyakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

Aposkạmi 5:3

Unre Patrase menkeda, “Henda Ananiạs, Soetan do amakʼ mon cekate nonkae perecʼketʼtama, am do sonot Jiu ṭhen eṛe katham roṛ akada ar jumi ạkhriń reakʼ ṭaka khon thoṛa do am lạgitʼem dohokeda?

Romiko lạgitʼ Pạul Apostolakʼ ciṭhi 16:18

ente nonkanko hoṛ do aboren Probhu Mạsiren golam hoyokʼ baṅkate apnar lacʼgeko moneyakʼkana. Onko do sebel ar luhum suhum kathate sojhe monan hoṛko bulạuetʼkoa.

Romiko lạgitʼ Pạul Apostolakʼ ciṭhi 16:20

Sulukren Isor do ạḍi usạrage apeakʼ jaṅga latarre Soetane lebetʼ gańjaoea. Aboren Probhu Jisuakʼ daya ape cetanre baṛe tahenma.

2 Korinthiko 11:14

Noa iạte hahaṛakʼ reakʼ do cetʼge bạnukʼa, ente Soetan hõ marsalre do serma goḍet lekae udugokʼ lạgitʼ apnartetʼe bodolokʼ kana.

2 Korinthiko 11:3

Menkhaniń botorokʼ kana, uni biń do acʼakʼ bạṛicʼ phorphundite cetʼleka Hawae bulạulede onkage Mạsire menakʼtape soṛatetʼ ar napaetetʼ khon apehõkoe bulạu botecʼpea.

2 Korinthiko 12:7

Iń ṭhen ạḍi lekanakʼko sodorakante alo jemoniń usulokʼ, onate kosṭo emạń lạgitʼ ińakʼ hoṛmore mitʼṭecʼ jạnum, metakʼme Soetanren goḍete emadiń tahẽkana.

2 Korinthiko 2:11

jemon Soetan do abo bulạu bon lạgitʼ jãhãn dão aloe ńam. Ar uniyakʼ monsubạ dobon baḍaegea.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiyakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

Ephesiko lạgitʼ Pạul Apostolakʼ ciṭhi 4:14

Bạṛicʼ bulạuakʼte eṭakʼko bhul horte idiko lạgitʼ oka bhul sikhnạtko emakokan, ona bhul sikhnạt iạte abo do hoete sokojokʼkan ḍheoko leka hante nate alo bon sokojokʼma.

2 Thessalonikiko 2:3

Okoe hõ jemon aloko bulạupe, ente ona din hijukʼ lahare Isor upạrte maraṅ bhiṅgṛạu do hoyokʼa, ar uni nonosṭoren hopon, one okoe do maraokʼ reakʼ katha menakʼtae uniye sodorokʼa.

1Timothi 2:14

Ona chaḍa Adam do bae bulạu maṛaṅ ocolena, menkhan maejiugeye bulạu ocolena ar Isorakʼ hukume bebataokeda.

2Timothi 3:13

Menkhan bạṛicʼko ar bhonḍko do din din artetʼgeko bạṛicʼ idikʼa. Onko do eṭakʼko bhul horteko idikoa ar apnarhõ bhul horteko calakʼa.

Ibriko 2:14

Onko gidrạko doko hoyokʼ kana mãyãm ar jelren manwage. Onate Jisu acʼtetʼ hõ jel ar mãyãmren manwae hoyena, jemon gujukʼ reakʼ daṛe okoeyakʼ tire menakʼ uni Soetan do acʼakʼ gujukʼ hoteteye bhagaoe.

1 Patras 5:8

Apnar sambṛaokʼpe ar sontor akae tahenpe, ente aperen bạiri Soetan do hạnḍrạukʼkan dhạcri kul lekae dhãoṛa dhạ̃uṛi baṛaekana jãhãegeye utʼgotʼkaea mente.

1 Johan 5:19

Baḍaeabon abo do Isorren kanabon, ar goṭa dhạrti do Soetanakʼ ektiạri latarre menakʼa.

Jihudạwakʼ ciṭhi 1:9

Menkhan mukhiyạ serma goḍet Mikạyel do Moseyakʼ hoṛmo iạte Soetan sãoteye reṭe peṭekʼkan tahẽkanre uni upạrte jãhãn henosta reakʼ katha menkate dusiye do bae dilleda. Bickom uni doe menleda, “Probhu Isor do ame dhomkaome ma.”

Johan sodor 12:12

“Onate E serma, hulạsokʼme; ar ape okoe do onḍepe tahenkan, hulạsokʼpe. Menkhan dhạrti ar jalapuri abenre do hae hae, ente Soetan do aben cetanreye pheḍ hecʼakana. Soetan do raṅgaoteye phulạu akana, enteye baḍaea uniyakʼ do ḍher somoe bạnukʼtaea.”

Johan sodor 12:3

Ona tayom sermare armitʼṭecʼ cinhạ ńelena; seṅgel leka maraṅ okocʼ mitʼṭen arakʼ bińge. Uniyakʼ do eae goṭecʼ bohokʼ ar gel goṭecʼ dereń ar bohokʼre eae goṭecʼ mukuṭ tahẽkana.

Johan sodor 12:7

Ona tayom sermare lạṛhại hoyena. Mikạel ar uniren goḍetko do uni biń tulucʼko lạṛhạiyena ar uni bińren goḍetko hõ.

Johan sodor 12:8

Biń do bae daṛelena ar sermare onko do ar bako tahẽ ocowatʼkoa.

Johan sodor 13:14

Ar okako hahaṛa kạmi lạgitʼ ektiạriye emocolen onako kạmikate hoṛko bhul horte idikoe ehopʼkeda. Ar Pạhilicʼ janwar okoe do tarwaṛeteye ghạl ocolenre hõ jiwetʼe tahẽkan, uni dosaricʼ janwar do hoṛkoe metatʼkoa jemon onko do uniyakʼ muṭhạnko benaotae.

Johan sodor 16:14

Onko bạṛicʼ jiu do hahaṛa kạmiko kạmikan tahẽkana. Ar sanam daṛean Isorakʼ ona maraṅ dinre lạṛhại lạgitʼ onko do goṭa dhạrtiren rapajko mitʼ ṭhenko jarwaketʼkoa.

Johan sodor 18:2

Uni do ãṭ aṛaṅte hohowateye menkeda, “Lạnduṛena, ona maraṅ nagraha Babel do lạnduṛena, ona do ńitokʼ bạṛicʼ jiukoakʼ tahen reakʼ jaega hoyakana ar mitʼke mitʼ bạṛicʼ jiuakʼ dander ar besapha ar hirkhạwan cẽṛẽkoakʼ khańca hoyakana,

Johan sodor 18:23

Amre diuhe reakʼ marsal do tishõ baṅ jolokʼa. Jãwãe beṭa ar bạhu kuṛiyakʼ aṛaṅ amre ar tishõ baṅ ańjomokʼa. Amren bạnij bepariko do dhạrtire joto khon napṛakʼko tahẽkana, ar sanam jạtrenko do amakʼ jạduteko bulạulena.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

Johan sodor 2:13

Am okarem tahenkan ona doń baḍaegea; onḍe do Soetanakʼ siṅghạson menakʼa. Enhõ am do ińre pạtiạr menama ar iń cetanre amakʼ pạtiạu do bam baṅ akada. Okare Soetane tahenkan onḍe ińren pạtiạricʼ goha Antipas do ape samaṅreye khũn ocolenre hõ am do amakʼ pạtiạu bam baṅlakʼa.

Johan sodor 2:24

E Thuạtirạren sarecʼ hoṛko, okoe ona sikhnạt leka bape calakʼkan ar Soetanakʼ oka khạnḍri cecetʼakʼko metakʼkan ona bape baḍae akatʼ, apeń metapekana: Ape cetanre ar eṭakʼ bojha do bạń ladeapea.

Johan sodor 2:9

Amakʼ kosṭo ar reṅgecʼ reakʼ kathań baḍaegea, menkhan enhõ am dom kisạ̃ṛgea. Apnarte Jihudiko ńumugokʼkan, menkhan Jihudiko baṅkan, bickom Soetanakʼ dolren kanko, onko do am upạrte okako roṛetʼkan ona doń baḍaegea.

Johan sodor 20:10

Ar okoe onko eṭakʼ horteye bulạu idiletʼko tahẽkan uni Soetan do jolokʼkan gondhok reakʼ doreãoreye khadle ocoyena. Uni janwar ar eṛe nạbi do laharege onḍekin khadle ocoakan tahẽkana. Onko do onḍe jaejug hạbicʼko sasetokʼa.

Johan sodor 20:8

Unre uni do goṭa dhạrtire senkate jạt jạtrenko, metakʼme Gog ar Magoge bulạukinạ ar onkin do lạṛhại lạgitʼe jarwakinạ. Ar onko do lekhare jalapuri reakʼ gitil lekako hoyokʼa.

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.

Johan sodor 9:1

Ona tayom mõṛẽyicʼ serma goḍet siṅgại oroṅkeda, ar unre mitʼṭecʼ ipiliń ńel ńamkedea. Uni do serma khon dhạrtiteye ńurhạ akan tahẽkana. Ar uni ipil do athan kunḍ reakʼ choṛane emocoyena.

Johan sodor 9:20

Menkhan noako duk tayom hõ okoeko manwa jiwetʼko tahẽyen, onko do apnar tite benaoakʼ muṭhạnko khon mon bako ạcurletʼtakoa. Onko do bạṛicʼ jiuko ar baṅ ńeńelko, baṅ ańjomko, baṅ taṛam daṛeakʼ sona, rupạ, pitạl, dhiri ar kaṭren muṭhạnko benaokateko sewawakokan tahẽkana.