Johan sodor 12:4 - সান্তালী বাইবেল

⁴ Uni do acʼakʼ canḍbolte sermaren pe hạṭiń reakʼ mitʼ hạṭiń ipilkoe or ạguketʼkote dhạrtiteye lebda giḍikatʼkoa. Ar okoe maejiuren gidrại hoy lạgidokʼkan tahẽkan uni samaṅre biń doe teṅgoyena jemon gidrại janam lekhangeye utʼgotʼkae.

Santali Common Language New Testament

⁴ Uni do acʼakʼ canḍbolte sermaren pe hạṭiń reakʼ mitʼ hạṭiń ipilkoe or ạguketʼkote dhạrtiteye lebda giḍikatʼkoa. Ar okoe maejiuren gidrại hoy lạgidokʼkan tahẽkan uni samaṅre biń doe teṅgoyena jemom gidrại janam lekhangeye utʼgotʼkae.

Johan sodor 12:4 Iomraidhean Croise

Exodus 1:16

“Gidrạ janamko oktere Ibri maejiuko goṛowako jokhecʼ ben ńelkoa onko do koṛa hopon se kuṛi hoponko janametʼkoa; ar koṛa hoponko hoylen khan onko doben gocʼkoa ar kuṛi hopon do jiwetʼ ben dohokoa.”

Jesaea 27:1

Enhilokʼ Probhu Isor do acʼakʼ keṭecʼ ar maraṅ daṛean tarwaṛete uni khiṛiạpaṭeye dạṛetʼkan biń Libiathone sạjạiyea. Ar jalapurire menae uni danob doe gojea.

Johan 8:44

Soetange aperen baba do, ar ape do uniren hoponko kanape; onate uniyakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriyakʼre bae teṅgo akana, ente unire do sạriyakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

1 Patras 5:8

Apnar sambṛaokʼpe ar sontor akae tahenpe, ente aperen bạiri Soetan do hạnḍrạukʼkan dhạcri kul lekae dhãoṛa dhạ̃uṛi baṛaekana jãhãegeye utʼgotʼkaea mente.

Johan sodor 12:7

Ona tayom sermare lạṛhại hoyena. Mikạel ar uniren goḍetko do uni biń tulucʼko lạṛhạiyena ar uni bińren goḍetko hõ.

Johan sodor 12:9

Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

Johan sodor 13:2

Uni janwar do ńelokʼte citạ tạrupʼ lekae tahẽkana ar jaṅgako do banawakʼ leka ar moca do dhạcri kulakʼ moca leka tahẽkantaea. Ar biń do acʼakʼ daṛe, siṅghạson ar maraṅ ektiạri uni janware emadea.

Johan sodor 13:4

Biń do uni janwar ektiạriye emade tahẽkante hoṛko do uni biń Isor lekako sewawadea ar janwar hõ onkage sewawadeteko menkeda, “Nũi janwar leka cele menakʼkoa? Ar okoe baṅ uni sãoteye lạṛhại daṛeke?”

Johan sodor 16:13

Unre iń do roṭe lekan pea bạṛicʼ jiu iń ńelketʼkoa. Onko do uni biń, uni janwar ar uni eṛe nạbiyakʼ moca khonko oḍok hijukʼkan tahẽkana.

Johan sodor 17:18

Ar okoeṭakʼ maejiuem ńellede uni doe hoyokʼ kana ona maraṅ nagraha, one okoe do dhạrtiren sanam rapajko cetanre rajosṭiye calaoetʼkan.”

Johan sodor 20:2

Uni do uni biń, metakʼme okoe do mare biń Diabol Soetanko metaekan uni sapʼkate mitʼ hajar bochor hạbicʼe tolkedea ar ona athan kunḍreye khadlekadea.

Johan sodor 8:10

Tayomte tesaricʼ serma goḍet hõ siṅgại oroṅkeda. Unre maraṅ okocʼ mitʼṭecʼ ipil do diuhe leka jolokʼte serma khone ńurhạyena.

Johan sodor 8:11

Uni ipilakʼ ńutum do Nagodana tahẽkana. Uni ipil do pe hạṭiń reakʼ mitʼ hạṭiń gaḍa ar dakʼ jharnakoreye ńurhạyena. Onate pe hạṭiń reakʼ mitʼ hạṭiń dakʼ do haṛhatʼena ar haṛhatʼ dakʼ iạte ạḍi utạr hoṛ doko gocʼena.

Johan sodor 8:12

Inạ tayom ponicʼ serma goḍet hõ acʼakʼ siṅgại oroṅkeda. Onate siń cando reakʼ pe hạṭiń reakʼ mitʼ hạṭiń, ńindạ cando reakʼ pe hạṭiń reakʼ mitʼ hạṭiń ar ipilko reakʼ pe hạṭiń reakʼ mitʼ hạṭiń doko ńutena. Ar din reakʼ pe hạṭiń reakʼ mitʼ hạṭiń ar ńindạ reakʼ pe hạṭiń reakʼ mitʼ hạṭiń do jãhãn marsalge baṅ tahẽlena.

Johan sodor 8:7

Ar pạhilicʼ serma goḍet do acʼakʼ siṅgại oroṅketʼ khan mãyãm mesalakatʼ arel ar seṅgel do dhạrtirte lebda giḍiyena. Onate pe hạṭiń reakʼ mitʼ hạṭiń dhạrti, ar pe hạṭiń reakʼ mitʼ hạṭiń dareko ar sanam hạriạṛ ghãsko do lo roṅgoyena.

Johan sodor 8:8

Inạ tayom dosaricʼ serma goḍet do acʼakʼ siṅgại oroṅkeda. Unre mitʼṭecʼ jolokʼkan maraṅ buru leka mitʼṭecʼ jinis do jalapurire khadle ocoyena. Onate jalapuri reakʼ pe hạṭiń reakʼ mitʼ hạṭiń dakʼ do mãyãm cabayena,

Johan sodor 8:9

ar jalapuriren pe hạṭiń reakʼ mitʼ hạṭiń jiwiyanko doko gocʼena, ar pe hạṭiń reakʼ mitʼ hạṭiń jahajko do bhaṅla bhaṭ cabayena.

Johan sodor 9:10

Onkoakʼ canḍbol ar suṅgạ do kidiń kaṭkomakʼ canḍbol ar suṅgạ leka tahẽkana. Mõṛẽ cando hạbicʼ hoṛko hạ̃nko reakʼ ektiạri onkoakʼ canḍbolre tahẽkana.

Johan sodor 9:19

Onko sadomkoakʼ do moca ar canḍbolrege daṛe tahẽkantakoa, ente onkoakʼ canḍbol do biń leka tahẽkana. Onko do canḍbolko reakʼ agalte manwakoko hạ̃netʼko tahẽkana.