Johan sodor 12:3 - সান্তালী বাইবেল

³ Ona tayom sermare armitʼṭecʼ cinhạ ńelena; seṅgel leka maraṅ okocʼ mitʼṭen arakʼ bińge. Uniyakʼ do eae goṭecʼ bohokʼ ar gel goṭecʼ dereń ar bohokʼre eae goṭecʼ mukuṭ tahẽkana.

Santali Common Language New Testament

³ Ona tayom sermare armitʼṭen cinhạ ńelena; seṅgel leka maraṅ okocʼ mitʼṭen arakʼ bińge. Uniakʼ do eae goṭecʼ bohokʼ ar gel goṭecʼ dereń ar bohokʼre eae goṭecʼ mukuṭ tahẽkana.

Johan sodor 12:3 Iomraidhean Croise

Jesaea 27:1

Enhilokʼ Probhu Isor do acʼakʼ keṭecʼ ar maraṅ daṛean tarwaṛete uni khiṛiạpaṭeye dạṛetʼkan biń Libiathone sạjạiyea. Ar jalapurire menae uni danob doe gojea.

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

Jesaea 9:15

Ona bohokʼ do kana murubbiko ar manotan hoṛkoge, ar canḍbol do eṛe sikhạuna emokʼ nạbiko.

Daniel 2:41

Am dom ńel akada, banar jaṅga ar jaṅga talka jotoge kuṅkạlakʼ hasa ar mẽṛhẽtʼ mesal akatʼ leka, noate do hạṭiń akatʼ rajosṭigeye bujhạu ocoyeda; menkhan ona rajosṭire do mẽṛhẽtʼ reakʼ keṭecʼtetʼ hõ tahena, ente am do hasa mesalakatʼ mẽṛhẽtʼem ńel akada.

Daniel 2:42

Ar jaṅga talka ar kạṭupʼko cetʼleka mẽṛhẽtʼ mesalakatʼ hasa leka tahẽkan, onkage rajosṭi reakʼ mitʼ hĩs do kajak tahena ar mitʼ hĩs do rạpudokʼa.

Daniel 7:20

Uniyakʼ bohokʼ reakʼ gel goṭecʼ dereń ar eṭakʼ oka dereńko janam rakapʼlen, ar okoe samaṅre pea dereń ńurlen, ar okoeyakʼ mẽtʼko ar gorbokʼ reakʼ mitʼṭecʼ moca tahẽkantae ar okaṭakʼ dereń do eṭakʼakʼko khon lạṭu idikʼkan tahẽkan, ona dereń babotre baḍae joṅ lạgitʼ iń khojkeda.

Daniel 7:24

Ona gel goṭecʼ dereń do hoyokʼ kana gel goṭecʼ rajosṭi khon gel goṭen rapajko upelokʼa. Onko tayom do ar mitʼṭen raje rakapʼ hijukʼa, uni do lahaten rapajko khon eṭakʼ lekae hoyokʼa; ar onko pea rapajkoe bhagaokoa.

Johan sodor 12:1

Tayomte sermare mitʼṭecʼ maraṅ cinhạ ńelena; mitʼṭen maejiu, one okoe do siń candoteye oyo akan ar uniyakʼ jaṅga latare do ńindạ candogeye tahẽkana. Uniyakʼ bohokʼre do gelbar goṭecʼ ipilte gathao akatʼ mitʼṭecʼ mukuṭ tahẽkana.

Johan sodor 12:13

Ado uni biń tinreye ńelkeda je, acʼ do dhạrtiteye lebda ńur ocoakana unre okoe maejiuren koṛa gidrại hoylentae uni tayomreye lagaoena.

Johan sodor 12:17

Unre biń do uni maejiu cetanre ạḍi bạṛicʼe raṅgaoena. Ar uni maejiuakʼ bõsren sarecʼ hoṛko, metakʼme okoe do Isorakʼ hukumko manaoetʼkan ar Jisuakʼ sikhnạtko sapʼ dohoyetʼ onko upạrte lạṛhại lạgitʼe oḍok calaoena ar jalapuri aṛereye teṅgo tahẽyena.

Johan sodor 12:4

Uni do acʼakʼ canḍbolte sermaren pe hạṭiń reakʼ mitʼ hạṭiń ipilkoe or ạguketʼkote dhạrtiteye lebda giḍikatʼkoa. Ar okoe maejiuren gidrại hoy lạgidokʼkan tahẽkan uni samaṅre biń doe teṅgoyena jemon gidrại janam lekhangeye utʼgotʼkae.

Johan sodor 12:7

Ona tayom sermare lạṛhại hoyena. Mikạel ar uniren goḍetko do uni biń tulucʼko lạṛhạiyena ar uni bińren goḍetko hõ.

Johan sodor 12:9

Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

Johan sodor 13:1

Noa tayom iń do mitʼṭen janwar jalapuri khon rakapʼ hijukʼ kaniń ńelkedea. Uniyakʼ do gel goṭecʼ dereń ar eae goṭecʼ bohokʼ tahẽkantaea. Ona dereńko cetanre gel goṭecʼ mukuṭ tahẽkana ar bohokʼko cetanre Isor henostawae reakʼ aema ńutum ol tahẽkana.

Johan sodor 13:2

Uni janwar do ńelokʼte citạ tạrupʼ lekae tahẽkana ar jaṅgako do banawakʼ leka ar moca do dhạcri kulakʼ moca leka tahẽkantaea. Ar biń do acʼakʼ daṛe, siṅghạson ar maraṅ ektiạri uni janware emadea.

Johan sodor 13:4

Biń do uni janwar ektiạriye emade tahẽkante hoṛko do uni biń Isor lekako sewawadea ar janwar hõ onkage sewawadeteko menkeda, “Nũi janwar leka cele menakʼkoa? Ar okoe baṅ uni sãoteye lạṛhại daṛeke?”

Johan sodor 15:1

Tayomte iń do sermare ar mitʼṭecʼ maraṅ ar hahaṛa cinhạń ńelkeda. Ona do eae goṭen serma goḍet ar onkoakʼ tire mucạtʼ eae goṭecʼ sạjại kana. Noako do mucạtʼ sạjại ńumogokʼ kana, ente noakote Isorakʼ edre do caba utạrokʼa.

Johan sodor 16:13

Unre iń do roṭe lekan pea bạṛicʼ jiu iń ńelketʼkoa. Onko do uni biń, uni janwar ar uni eṛe nạbiyakʼ moca khonko oḍok hijukʼkan tahẽkana.

Johan sodor 17:12

“Oka gel goṭecʼ bohokʼem ńelakatʼ onako do gel goṭen rapajko kanako. Onko do ńit hõ rajosṭi bako ńam akada, menkhan onko do uni janwar tulucʼ mitʼ ghuṛi lạgitʼ rapajko lekate ektiạriko ńama.

Johan sodor 17:16

Ar oka gel goṭecʼ dereńem ńelketʼ onako ar uni janwar do uni kusmbiko hirkhạwaea. Onko do uniko maraoe giḍiyea arko uluṅea ar uniyakʼ jelko joma; ona tayom uni do seṅgelreko atar giḍikaea.

Johan sodor 17:7

Uni ńelte iń do ạḍi ãṭiń hahaṛayena. Unre uni serma goḍet doe metadińạ, “Am do cedakʼem hahaṛakʼ kana? Maejiuakʼ ar okoe do uniye asen baṛayede kan uni janwarakʼ okoakʼ reakʼ bhediń bujhạuam kana. Nui doe uni janwar kana one okoeyakʼ do eae goṭecʼ bohokʼ ar gel goṭecʼ dereń tahẽkantae.

Johan sodor 19:12

Uniyakʼ mẽtʼ do jolokʼkan seṅgel leka ar uniyakʼ bohokʼre do ạḍi utạr mukuṭ tahẽkana. Uniyakʼ hoṛmore nonkan mitʼṭecʼ ńutum ol tahẽkana, one okaṭakʼ ńutum do acʼ chaḍa ar okoe hõ bako baḍae.

Johan sodor 20:2

Uni do uni biń, metakʼme okoe do mare biń Diabol Soetanko metaekan uni sapʼkate mitʼ hajar bochor hạbicʼe tolkedea ar ona athan kunḍreye khadlekadea.