Johan sodor 11:5 - সান্তালী বাইবেল

⁵ Jãhãe unkin hạ̃nkinko menkhan, enḍekhan unkinakʼ moca khon seṅgel oḍokokʼte bạirikin atar giḍikoa. Okoe unkin hạ̃nekin menjoṅ uni do onkage gujukʼ hoyokʼtaea.

Santali Common Language New Testament

⁵ Jãhãe unkin hạnkinko menkhan, enḍekhan unkinakʼ moca khon seṅgel oḍokokʼte bạirikin atar giḍikoa. Okoe unkin hạnkine men uni do onkage gujukʼ hoyokʼtaea.

Johan sodor 11:5 Iomraidhean Croise

Sereńko 18:8

Uniyakʼ mũ khon dhũạ do coṭte rakapʼena, ar moca khon ḍahao maraoakʼ seṅgelge oḍokena. Uniyakʼ moca reakʼ seṅgelte koelako jolena.

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Jirimiạ 1:10

Ńelme, totʼ giḍikakʼ ar rạputʼ giḍikakʼ, jarkharokʼ ar marao giḍikakʼ, benao rakapʼ ar bạisạukakʼ lạgitʼge teheń iń do jạtrenko ar rajosṭiko cetanreń dohoketʼmea.”

Jirimiạ 5:14

Onatege phạdkoren Probhu Isor do nonkae meneda, “Hoṛko niạko menetʼte amakʼ mocare ińakʼ katha do seṅgel lekań hoeocoya ar noko hoṛ do kaṭ lekań hoyocokoa; ar ona seṅgel do onkoe jomkoa.”

Jeheskel 43:3

Noa dorson ńelkate iń doń ombakʼena; ar nagraha maraokʼ reakʼ oka dorson Kebar gaḍa aṛereń ńelletʼ noa dorson do ona lekage tahẽkana.

Hosea 6:5

Ona iạte ińren nạbiko hotete ape doń getʼ khanḍa khunḍi akatʼpea, ińakʼ moca reakʼ kathateń gocʼakatʼpea; ińakʼ bicạr reakʼ ray do ape cetanre bijli leka malkao rakapʼ akana.

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”

Sakariạ 2:8

Phạdkoren Probhu Isor do acʼakʼ ṭhonok sodortae lạgitʼ onko jạtrenko ṭhene kol akadińạ one okoe do aboko luṭ akatʼbon. Uni doe meneda, “Jãhãege apeye joṭetʼpe uni do ińakʼ mẽtʼ reakʼ monigeye joṭeda.

Johan sodor 13:13

Uni do maraṅ maraṅ hahaṛa kạmikoe ehopʼkeda, ar hoṛko samaṅre serma khon dhạrtite seṅgele pheḍ ạgukeda.

Johan sodor 9:17

Dorsonte sadomko ar onko cetanreko decʼakan onkoakʼ koṛam reakʼ aḍokʼakʼ do seṅgel leka arakʼ, lil ar gondhok leka sasaṅ iń ńelketʼtakoa. Sadomkoakʼ bohokʼ do dhạcri kulakʼ bohokʼ leka ar onkoakʼ moca khon do seṅgel, dhũạ ar gondhok oḍokokʼkan tahẽkana.