Johan sodor 11:3 - সান্তালী বাইবেল

³ Menkhan ińren banar gohakin nonkan ektiạriń emakinạ onate unkin do gõṛẽ kicricʼ horokʼkate mitʼ hajar bar sae turui gel din hạbicʼ kin nạbiya.”

Santali Common Language New Testament

³ Menkhan ińren banar gohakin nonkan ektiạriń emakinạ onate unkin do gõṛẽ kicricʼ horokʼkate mitʼ hajar bar sae turui gel din hạbicʼ kin nạbiya.”

Johan sodor 11:3 Iomraidhean Croise

Genesis 37:34

Jakob do acʼakʼ kicricʼe oṛecʼketʼa ar ḍanḍare gõṛẽ kicricʼe horokʼketʼte ḍher din hạbicʼ hopontetʼ lạgitʼte homor halaṅkeda.

2 Samuel 3:31

Inạ tayom Dạud do Joab ar uni soṅgeten sanam hoṛkoe metatʼkoa, “Ape do apan ạpin kicricʼ oṛecʼkate coṭ horogpe ar homor halaṅate Abnerakʼ mạ̃ṛĩ laha lahate calakʼpe.” Ar Dạud hõ mạ̃ṛĩ gokʼ idikoe pańja idiketʼkoa.

1 Rapajko 21:27

Ahab do Probhu Isorakʼ katha ańjomkate acʼakʼ kicricʼe oṛecʼketʼtaea ar gõṛẽ kicricʼe horokʼketʼte upạse ehopʼena. Uni do gõṛẽ kicricʼ horokʼ kategeye giticʼkokʼ kan tahẽkana ar mạ̃hir monteye dãṛã baṛaekan tahẽkana.

2 Rapajko 19:1

Hiskiạ raj do niạ kathae ańjomketʼ khan acʼakʼ kicricʼe oṛecʼketʼtaea ar gõṛẽ kicricʼe horokʼketʼte Probhu Isorakʼ oṛakʼteye boloyena.

1 Bõsbudạ 21:16

Inạ oktere Dạud do cetan secʼ beṅgetʼketʼteye ńelkeda, Probhu Isorren goḍet do rimilreye teṅgo akana ar uniyakʼ ti reakʼ tarwaṛe do Jerusalem cetanre tul akana. Noa ńelte Dạud ar murubbiko do gõṛẽ kicricʼko horokʼ akatʼ tahẽkanrege otreko taber hapeyena.

Nehemiạ 9:1

Inạ cando reakʼ bargel ponakʼ dinre Israelko do mitʼ ṭhenko jarwayena ar gõṛẽ kicricʼko horokʼketʼte, bohokʼre dhuṛiko ojokʼana arko upạskeda,

Jobakʼ 16:15

Ińakʼ harta cetanre gõṛẽ kicricʼ iń horokʼakada; ar ińakʼ bạḍại do dhuṛireń laplonḍe akatʼtińạ.

Sereńko 69:11

Ar gõṛẽ kicricʼ iń horokʼetʼ tahẽkanre hoṛko do ińko landa dhutʼạńkan tahẽkana.

Jesaea 22:12

Enhilokʼ phạdkoren Probhu Isor do rakʼ ar homor lạgitʼ, bohokʼ reakʼ upʼ hoyo poṭortape lạgitʼ ar gõṛẽ kicricʼ horokʼ lạgitʼe hohowatʼpe tahẽkana.

Jirimiạ 1:10

Ńelme, totʼ giḍikakʼ ar rạputʼ giḍikakʼ, jarkharokʼ ar marao giḍikakʼ, benao rakapʼ ar bạisạukakʼ lạgitʼge teheń iń do jạtrenko ar rajosṭiko cetanreń dohoketʼmea.”

Rak̕joṅ 2:10

Sion hoponeraren murubbiko do otreko duṛupʼ hapeakana. Onko do akoakʼ bohokʼre dhuṛiko ojokʼ akawana ar gõṛẽ kicricʼko horokʼ akada. Jerusalemren juạn kuṛiko do dukte ot secʼko kuḍbur hapeakana.

Jeheskel 4:6

“Noako purạulen khan arhõm giticʼa; niạ dhao do jojomsa aṛete soṛtatem giticʼa ar Jihudạwakʼ kại reakʼ sạjạiyem goga. Giticʼ akan tahen lạgitʼ iń do pongel din iń ematʼmea, mimitʼ bochor lạgitʼ do mimitʼ din.

Daniel 12:7

Unre iń doń ańjomkeda, gaḍa dakʼ cetanreye tahẽkan mĩhĩ musnạ kicricʼ horokʼ akatʼ uni hoṛ do acʼakʼ banar ti serma secʼ rakapʼkate okoe do jaejug jiwetʼ menae uni ńutumte kiriạkateye menkeda, “Pe bochor tala okte do lagaokʼa. Ar mucạtʼre Isorren hoṛkoakʼ daṛe do tinre rạputʼ utạrokʼa unre noako katha do purạukʼa.”

Daniel 7:25

Maraṅ Isor upạrte uni do kathae roṛa ar uniren hoṛkoe santaokoa. Uni do niṭakatʼ dinko hạbicʼ ar ạn-ạriko bodol reakʼe kurumuṭuya. Isor do onko hoṛko pe bochor tala hạbicʼ uniyakʼ tireye jimạkoa.

Daniel 8:14

Uniye menkeda, “Bar hajar pe sae ńindạ ar setakʼ hạbicʼ noa do calakʼa. Ona tayom koejoṅ oṛakʼ do arhõ sapha ocokʼa.”

Joel 1:13

E naekeko, ape do gõṛẽ kicricʼ horokʼkate homor halaṅpe; ar okoeko pinḍre sewa reakʼpe kạmikan ape do rakʼ homorpe. Okoe ińren Isorpe sewawae kan ape hõ hijukʼte gõṛẽ kicricʼ horokʼkate ńindạ tahẽ aṅgakʼpe, ente aperen Isorakʼ oṛakʼre jomakʼ samaṅokʼ ar coḍor samaṅokʼakʼ porob do akoṭakana.

Jona 3:5

Unre Niniwiren hoṛko do Isorakʼ kathareko pạtiạuena. Ar upạs reakʼko lại sodorkeda ar huḍiń khon hapṛakʼ sanamkoge gõṛẽ kicricʼko horokʼkeda.

Jona 3:8

Manwa ar janwar sanamkoge jemon gõṛẽ kicricʼteko oyokʼma. Ar mitʼke mitʼ hoṛ do goṭa daṛete Isorko hohoaema ar bạṛicʼ hor khonko ruạṛokʼma ar bạṛicʼakʼ kạmiko bạgiyma.

Numeri 11:26

Unre Eldad ar Medad ńutuman bar hoṛ do ḍera bhitrire kin tahẽkana. Unkin hõ bachao akan murubbiko modre kin tahẽkana, ar ńapamokʼ tạmbu ṭhen bạkin sen akan tahẽkana. Enhõ unkin cetanre uni Jiue hecʼena. Unre unkin hõ ḍera talare nạbi lekate katha roroṛkin ehopʼena.

Mathae 11:21

“Hae amre, E Khorashin, hae amre E Bethsaeda! Aben talare oka hahaṛa kạmiko hoyakan, ona do Tur ar Sidon reakʼ nagrahare hoylen khan ḍher din laharege onko do gõṛẽ kicricʼ horokʼkate ar torocʼre duṛupʼkate kại khon monko ạcurketakoa.

Mathae 18:16

Menkhan bae ańjomletam khan eṭakʼ mitʼ se bar hoṛ soṅge torajoṅme, jemon bar se pe hoṛakʼ goha do sạriyakʼ mente sạbudokʼ.

Luk 10:13

“Hae am do E Khorasin! Hae am do E Bethsaeda! Okako hahaṛa kạmi aben talare hoyakan, ona do Tur ar Sidon nagrahare hoylen khan honaṅ ḍher din laharege onko do gõṛẽ kicricʼ horokʼkate ar torocʼre duṛupʼkate kại khon monko ạcurketakoa.

Luk 24:48

Apege noa sanamakʼko reaṅ goha do.

Johan 15:27

Ape hõ iń reaṅ gohape ema, ente pạhil khonge ape do iń são sãote menakʼpea.

Johan 3:27

Unre Johane roṛ ruạṛatʼkoa, “Serma khon baṅ emlen khan okoe hõ cetʼge ohoe ńam daṛelea.

Aposkạmi 1:8

Menkhan sonot Jiu apereye hecʼlenre ape do daṛepe ńama, ar Jerusalemre, goṭa Jihudạre ar Samariạre, hẽ, dhạrti reakʼ mucạtʼ simạko hạbicʼ ińren gohakope hoyokʼa.”

Aposkạmi 13:31

Gạlil khon okoeko uni sãote Jerusalemteko hecʼlen, onko do aema din hạbicʼ uniko ńelledea. Ar onkoge ńitokʼ do aboren hoṛko ṭhen uni reaṅ gohako emeda.

Aposkạmi 2:32

Uni Jisuge Isor doe jiwetʼ beretʼkedea, ar ale do sanamkoge uniren gohako kanale.

Aposkạmi 3:15

Okoe doe jionren mạlik kan unigepe gocʼkedea, menkhan Isor do gocʼko khon uniye jiwetʼ beretʼakadea; ar ale do onaren gohako kanale.

1 Korinthiko 12:28

Isor do manḍerre pạhilte apostolko, dosarte nạbiko, tesarte cecetʼkoe dohoketʼkoa. Ona tayom noko hoṛkoe bachaoketʼkoa, one okoe do hahaṛa kạmi reakʼ ektiạriko ńamakatʼ, ar okoe do ruạ boge reakʼ daṛe, ar okoe do goṛowako reakʼ daṛe, ar okoe do calao ganao reakʼ daṛe, okoe do pạrsi torjoma reakʼ daṛeko ńamakatʼ, ar onko sanamkoge cetʼ apostol kanako?

2 Korinthiko 13:1

Iń do nõkʼõe tesar dhao ape ṭheniń hijukʼkana. Sostorre ol menakʼa “Bar se pe goha reakʼ mocate mimitʼ katha reakʼ sạṛiyakʼtetʼ do ṭarhaokʼa.”

Ephesiko lạgitʼ Pạul Apostolakʼ ciṭhi 4:11

Unige adom do apostolko, adom do nạbiko, adom do bhage sombat porcarko ar adom do sapʼdapʼko ar cecetʼko menkateye bahalketʼkoa.

Dosar Biboron 17:6

Ar gocʼ ocokʼicʼ do bar se pe hoṛakʼ gohako reakʼ gohawakʼ iạte goje hoyokʼa; menkhan eken mitʼ hoṛakʼ goha iạte do alope onkaea.

Dosar Biboron 19:15

“Jãhãe birudre dusi se behok akatʼ reakʼ lạlis rakapʼlen khan, eken mitʼ hoṛakʼ gohate ghạṭ seye kại akada mente do ohoe dusi ocolena; bar se pe hoṛakʼ goha chaḍa jãhãnakʼge sạriyakʼkana mente do ohoge sạbudokʼa.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼakana, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Johan sodor 11:2

Menkhan mundil bahrere okaṭakʼ raca menakʼ ona do badkakʼme, alom soṅa, ente ona do boṅgan hoṛ jạtrenkoko em ocoakana. Onko do pongel bar cando hạbicʼ sonot nagrahako lebetʼ gańjaoa.

Johan sodor 11:6

Nukin hoṛ tinạkʼ din kin nạbiya unạkʼ din jemon aloe dag onate serma siń lạgitʼ ektiạri tahen tạkina. Ar dakʼ mãyãm ocoy ar tinạkʼ dhao sanakin unạkʼ dhao jãhãn dukte dhạrti hạ̃n reakʼ ektiạri hõ tahen tạkina.

Johan sodor 12:6

ar uni maejiu do hahaṅkarteye dạṛkeda. Isor do ona hahaṅkar jaegare uni lạgitʼ mitʼṭecʼ jaegae ṭhik dohoakatʼ tahẽkana, jemon mitʼ hajar barsae turui gel din onḍeye ạsul ocokʼ.

Johan sodor 13:5

Uni janwar do sarhaokʼ lạgitʼ ar Isor henostawae lạgitʼ daṛeye emocoyena. Ar pongel bar cando hạbicʼ acʼakʼ ektiạri jemone khaṭao daṛeakʼ ona lạgitʼ hukume em ocoyena.

Johan sodor 19:10

Unre iń do uni serma goḍetakʼ jaṅga ṭhen ombakʼenteń sewawadea. Menkhan uni doe metadińạ, “Noa do cetʼem cekayeda? Iń do amren são kạmiyạicʼ kạnạń. Isorge sewawaeme. Amren biswạsi boehako, okoe do Jisuakʼ cecetʼakʼko sapʼ dohoakatʼ, iń do onko modren mitʼ hoṛ kạnạń. Jisuakʼ cecetʼakʼge tahẽkana nạbikoakʼ asol katha do.”

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniyakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.