Johan sodor 11:18 - সান্তালী বাইবেল

¹⁸ Joto jạtrenko raṅgao akana, ar amakʼ edre sodorokʼ reakʼ ghuṛi hõ seṭerakana, ar amren golamko, metakʼme nạbiko ar amren hoṛko ar kạṭicʼ lạṭu jotokoge okoe amko bhoktiamkan onko kuṛại emako reakʼ okte hõ seṭerakana. Ona chaḍa okoe dhạrtiko hạ̃n akatʼ, onko ḍahao maraoko reakʼ okte hõ seṭer akana.”

Santali Common Language New Testament

¹⁸ Joto jạtkoko raṅgao akana, ar amakʼ edre sodorokʼ reakʼ ghuṛi hõ seṭer akana, ar amren golamko, metakʼme nạbiko ar amren hoṛko ar kạṭicʼ lạṭu jotokoge okoe amko bhoktiamkan onko kuṛại emako reakʼ okte hõ seṭer akana. Ona chaḍa okoe dhạrtiko hạn akatʼ, onko ḍahao maraoko reakʼ okte hõ seṭer akana.”

Johan sodor 11:18 Iomraidhean Croise

Sereńko 103:11

Dhạrti khon serma tinạkʼ usul, unạkʼge uni do acʼ botoraekanko cetanre dulạṛ hõ ḍhergetaea.

Sereńko 110:5

Probhu Isor do amakʼ jojomsa aṛere menaea; uniyakʼ edre hilokʼ do rajkoe caba utạrkoa.

Sereńko 147:11

menkhan okoe uniko botorae ar uniyakʼ dulạṛre asko dohoyetʼ, onko iạtege Probhu Isor doe rạskạkʼa.

Sereńko 2:5

Uni do edreteye dhomkaokoa, ar acʼakʼ jaljalaokʼkan raṅgaoteye alatʼolotʼ cabakoa.

Sereńko 85:9

Okoe uniko botoraekan sạrige uniyakʼ bańcao reakʼ okte onko ṭhen do hecʼ akana; onate uniyakʼ ṭhonok do aboakʼ disạmre girobasokʼa.

Sosolhayic̕ 12:13

Kathako reakʼ mucạtʼ do nokʼõe; tobe ses katha do hoyokʼkana, Isor botoraeme ar uniyakʼ hukumko dohoyme; ente noa kangea manwakoakʼ dạyik do.

Sosolhayic̕ 8:12

Kạkại hoṛ mitʼsae bạṛicʼakʼe kạmi ar ḍher dine bahaokʼre hõ ińiń baḍaea Isor botoraekan hoṛ do bhạlại hoyokʼtakoa.

Daniel 11:44

Menkhan purub ar utạr reakʼ khobor ńamkate uni doe torasokʼa ar edre iạte ḍher hoṛ gocʼko lạgitʼe oḍokʼ hijukʼa.

Daniel 7:26

Menkhan tayomte uni doe bicạr ocokʼa ar uniyakʼ ektiạri do uni khon rejogokʼa, ar ona do jaejug lạgitʼ marao giḍikʼteaa.

Daniel 8:25

Uniyakʼ phorphundi iạte uni do eṛekateye jo bahakʼa ar jotoko khon maraṅe hudisokʼa. Ar hoṛko do tinre nirdạndiko hudisokʼa unre uni do ḍher hoṛe maraokoa ar disạm cakʼlaokoren mukhiyạko upạrteye teṅgona. Ar mucạtʼre uni doe marao ocokʼa, menkhan manwawakʼ daṛete do baṅa.

Mathae 5:12

Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.

Luk 1:50

Ar okoe uniko sewawaekan uni do onkoreye dayakʼ kana, piṛhi cetan piṛhige.

Ibriko 9:27

Isor doe ṭhik dohoakada je, manwako mitʼ dhaoko gujukʼa, ar ona tayom do bicạr hoyokʼtakoa.

Johan sodor 10:7

Menkhan eaeyicʼ serma goḍetakʼ siṅgạ oroṅ dinkore Isorakʼ okoakʼ monsubạko do purạukʼa. Ar Isor do acʼren gutiko ṭhen, metakʼme nạbiko ṭhen okae baḍae ocoletʼ ṭhik onkage hoyokʼa.”

Johan sodor 11:2

Menkhan mundil bahrere okaṭakʼ raca menakʼ ona do badkakʼme, alom soṅa, ente ona do boṅgan hoṛ jạtrenkoko em ocoakana. Onko do pongel bar cando hạbicʼ sonot nagrahako lebetʼ gańjaoa.

Johan sodor 13:10

Okoe kạidi hoyokʼ reakʼ katha menakʼtae uni do kạidiye hoyokʼa. Okoe tarwaṛeteye gogocʼ uni do tarwaṛetegeye khũn ocokʼa. Onate Isorren hoṛko do sombhuri ar pạtiạu reakʼ jạruṛ menakʼtakoa.

Johan sodor 13:16

Uni do kạṭicʼ lạṭu, reṅgecʼ kisạ̃ṛ, sạdhinko ar golamko, sanamko jojom tire baṅkhan moloṅre mitʼṭecʼ cinhại hatao ocoketʼkoa.

Johan sodor 14:10

enḍekhan uni do Isorakʼ edre reakʼ bubulakʼ ńũńũi hoyokʼtaea. Ar noa bubulakʼ sãote dakʼ baṅ mesal akatʼ Isorakʼ edre reakʼ bạṭire dul akana. Sonot sermaren goḍetko ar Bheḍa Hopon samaṅre seṅgel ar gondhokte uni hoṛ doe saset ocokʼa.

Johan sodor 15:1

Tayomte iń do sermare ar mitʼṭecʼ maraṅ ar hahaṛa cinhạń ńelkeda. Ona do eae goṭen serma goḍet ar onkoakʼ tire mucạtʼ eae goṭecʼ sạjại kana. Noako do mucạtʼ sạjại ńumogokʼ kana, ente noakote Isorakʼ edre do caba utạrokʼa.

Johan sodor 15:7

Onko ponea jiwiyankoren mitʼṭen do onko eae goṭen serma goḍetko eae goṭecʼ bạṭiye ematʼkoa. Ar Isor, okoe do jug jug khon jaejug hạbicʼ jiwetʼ menae, uniyakʼ edrete onako bạṭi do perecʼ akan tahẽkana.

Johan sodor 18:6

Ar eṭakʼko tulucʼ cetʼ lekae beohar akatʼ onkage acʼ sãote hõ beoharpe; uniyakʼ kạmiko leka purạ puri kuṛại emaepe. Okaṭakʼ bạṭire uni do eṭakʼko lạgitʼ bạṛicʼakʼe mesaletʼ tahẽkan, onare uniyakʼ purạ sạjại mesalkate jom ocoyepe.

Johan sodor 19:15

Sanam jạtrenko jemone ḍanṭao daṛeako ona lạgitʼ uniyakʼ moca khon mitʼṭecʼ laser tarwaṛe do oḍokokʼ kan tahẽkana. Uni do mẽṛhẽtʼ reakʼ ṭheṅgate sanam jạtrenkoe ḍanṭaokoa ar darkha jo do lelen kunḍre jaṅgateye lena. Noa darkha lelen kunḍ do hoyokʼ kana sanam daṛeyicʼ Isorakʼ botoranakʼ edre.

Johan sodor 19:18

Jemon rapajko reakʼ, subedarkoakʼ, daṛean hoṛkoakʼ, sadomko ar sadomre decʼakan hoṛkoakʼ, sạdhinko ar golamko ar kạṭicʼ lạṭu sanam manwakoakʼ jelpe jom daṛeakʼ.”

Johan sodor 19:5

Unre siṅghạson khon mitʼ hoṛe menkeda, “E Isorren golamko ar okoe do Isorpe sewawaekan, lạṭu ar kạṭicʼko ape jotokoge aboren Isor sarhaoepe.”

Johan sodor 20:12

Ona tayom iń do, kạṭicʼ lạṭu joto gocʼ hoṛko ona siṅghạson samaṅre teṅgo akaniń ńelketʼkoa. Inạ tayom do puthiko oṭakʼ ocoyena. Ona tayom ar mitʼṭecʼ puthi hõ oṭakʼ ocoyena. Ona do jion reakʼ puthi tahẽkana. Ar ona puthire noko gocʼ hoṛkoakʼ kạmi reaṅ cetʼleka ol tahẽkan onkage onkoakʼ bicạr do hoyena.

Johan sodor 22:12

Jisui meneda, “Ńelme, hako pakogeń hijukʼkana ar mimitʼko akoakʼ kạmiko reakʼ kuṛại do iń soṅgerege menakʼa.