Johan sodor 10:1 - সান্তালী বাইবেল

¹ Ona tayom ar mitʼṭen daṛeanicʼ serma goḍet serma khon pheḍ hijukʼ kaniń ńelkedea. Uni do rimilteye oyo akan, ar bohokʼre do liṭạ akʼ tahẽkantaea. Uniyakʼ mẽtʼãhã do siń cando leka ar jaṅga do seṅgel reakʼ khũnṭi leka tahẽkana.

Santali Common Language New Testament

¹ Ona tayom ar mitʼṭen daṛeanicʼ serma goḍet serma khon pheḍ hijukʼ kaniń ńelkedea. Uni do rimilte oyo akan, ar bohokʼre do liṭạ akʼ tahẽkantaea. Uniakʼ mẽtʼãhã do siń cando leka ar jaṅga do seṅgel reakʼ khũnṭi leka tahẽkana.

Johan sodor 10:1 Iomraidhean Croise

Sereńko 104:3

Amakʼ sermare tahen jaega reakʼ rehetʼ do serma reakʼ dakʼ cetanrem bạisạu akada; ar rimil do amakʼ gạḍim benao akada; ar am do hoe reakʼ phạ̃kṛạkʼtem calakʼ kana.

Sereńko 97:2

Rimil ar ńut do uni beṛhaete esetʼ ạcur akana; dhorom ar hok bicạr do uniyakʼ siṅghạson reakʼ rehetʼkana.

Exodus 16:10

Aron do tinre Israelko sãote kathae roroṛkan tahẽkana unre onko do hahaṅkar secʼko beṅgetʼketʼ khan, onḍe rimilre Probhu Isorakʼ ṭhonokko ńelkeda.

Soros sereń 5:15

Uniyakʼ bulukin do mormor khunṭi leka nirạ sona reakʼ ganḍore doṛomakʼge. Uniyakʼ rup do Lebanon reakʼ usul buru leka, debdạru dare leka sorosakʼge.

Jesaea 19:1

Misor disạm babotre Probhu Isorakʼ katha do nonka kana: Ńelpe, Probhu Isor do mitʼṭecʼ coṭkar rimilte Misor disạmteye hijukʼkana. Uni samaṅre Misorren boṅga murhutʼko doko thar tharaokʼa, ar Misorren hoṛ doko hae nisạsokʼa.

Jesaea 54:9

“Iń ṭhen noa do Noha okte reakʼ dinko leka kana. Ar cetʼ lekań kiriạlen, Noha okte reakʼ ḍubạ dakʼ leka dhạrtire ar tishõ bạń dula, onkage noa hõń kiriạkʼ kana, am cetanre ar do bạń raṅgaokʼa, ar tishõ bạń egermea.

Rak̕joṅ 3:44

Am do rimiltem danaṅ akana jemon aleakʼ koejoṅ ona talate bae parom daṛeakʼ.

Jeheskel 1:28

Dakʼ dinre rimil tala khon liṭạ akʼ leka ona beṛhaete ona marsal do ńelokʼkan tahẽkana. Okań ńelketʼ ona do Probhu Isorakʼ ṭhonokge tahẽkana. Ona ńelte iń do otreń ombakʼena ar mitʼ hoṛ katha roroṛiń ańjomkedea.

Daniel 10:6

Uniyakʼ hoṛmo do Boidorjomuni leka, mẽtʼãhã do bijli leka, mẽtʼãhã do jolokʼkan mosal leka, ti-jaṅga do pạlis akatʼ tamba leka ar uniyakʼ aṛaṅ do ḍher hoṛkoakʼ sabad leka.

Daniel 7:13

“Ńindạ jokhecʼ iń do dorsoniń ńelkeda, manwa hopon leka mitʼ hoṛ do coṭ khon rimil talate hijukʼkaniń ńelkedea. Uni do murubbi ṭhene laha idiyena ar uni samaṅreye idi ocoyena.

Levitikus 16:2

“Uniye menkeda, “Amren dadam Aron metaeme, goha sinduk cetan reakʼ daya duṛupʼakʼ samaṅre menakʼ orwal tayom secʼ reakʼ sonot utạrakʼ ṭhạ̃ire acʼakʼ kusi leka jemon aloe bolokʼ. Are onkae khan uni doe gujukʼa, ente iń do rimil khunṭire daya duṛupʼakʼ cetanreń sodorokʼa.

Mathae 17:2

Ar onko samaṅre uni doe eṭakʼ boronena. Uniyakʼ mẽtãhã do siń cando leka jhak jhak ar kicricʼko do marsal leka pĩṛĩtʼ pĩṛĩtʼ ponḍentaea. Onko do Mose ar Eliạ Jisu tulucʼ galmaraoko ńelketʼkinạ.

Luk 21:27

Unre Manwa Hopon do maraṅ daṛe ar ṭhonokante rimilte hijukʼkanko ńelea.

Aposkạmi 26:13

Menkhan E maharaj, unre tikin okte tahẽkana. Ar horre siń cando khon hõ bạ̃ṛti jhakjhak mitʼṭecʼ marsal serma khon iń ar iń sãotenko beṛhaete bamberena.

Johan sodor 1:7

Ńelpe, uni do rimilteye hijukʼkana. Ar mitʼke mitʼ mẽtʼ do uniko ńelea; ar okoeko sobokʼ bhugạkʼlede onko hõ uniko ńelea ar dhạrtiren sanam jạtrenko do uni iạte koṛamko ceṭagokʼa. Ar onage hoyokʼ ma baṛe, Amen.

Johan sodor 18:1

Inạ tayom ar mitʼṭen goḍet serma khon pheḍ hijukʼ kaniń ńelkedea. Uni do maraṅ ektiạri tahẽkantaea ar dhạrti do uniyakʼ ṭhonokte marsalena.

Johan sodor 18:21

Tayomte mitʼṭen daṛeanicʼ serma goḍet do maraṅ jante dhiri lekanakʼ mitʼṭecʼ dhiri jalapurire lebda giḍikateye menkeda, “Nonkage ona maraṅ nagraha Babel do lebda giḍi ocokʼa. Ona do ar tishõ baṅ ńamokʼa.

Johan sodor 20:1

Inạ tayom mitʼṭen goḍet do serma khon pheḍ hijukʼ kaniń ńelkedea. Uniyakʼ tire do ona athan kunḍ reakʼ choṛan ar mitʼṭen maraṅ okocʼ sikṛi tahẽkana.

Johan sodor 4:3

Uniyakʼ rup do surjokanto ar lalkanto mạnik dhiri leka. Ar siṅghạson reakʼ beṛhaete mitʼṭecʼ liṭạ akʼ tahẽkana; ona do ńelokʼte morokotʼ mạnik dhiri leka.

Johan sodor 5:2

Tayomte mitʼṭecʼ daṛeanicʼ serma goḍet do ạ̃ṭ aṛaṅte noa katha roroṛkaniń ańjomkedea, “Noa mohor chapko raṛakate puthi oṭag lạgitʼ lekmanicʼ doe okoekana?”

Johan sodor 8:13

Tayomte sermare mitʼṭen pajhaṛ cẽṛẽ ạḍi coṭte uḍạukʼkaniń ńelkedea, uni pajhaṛ do ãṭ aṛaṅte roroṛkaniń ańjomkedea, “Eṭakʼ okoe pea serma goḍet siṅgạko oroṅ lạgidokʼkan tahẽkan, onkoakʼ siṅgạ saḍelen khange dhạrtire tahenkanko lạgitʼ do hae hae.”