Johan sodor 1:16 - সান্তালী বাইবেল

¹⁶ Uni do acʼakʼ jojom tite eae goṭecʼ ipile sapʼ akatʼko tahẽkana ar moca khon do banarsa dharanakʼ mitʼṭecʼ laser tarwaṛe oḍokokʼkantae tahẽkana. Uniyakʼ mẽtãhã do tạpiste jolokʼkan siń cando leka jhak jhakaokʼkan tahẽkana.

Santali Common Language New Testament

¹⁶ Uni do acʼakʼ jojom tite eae goṭecʼ ipile sapʼakatʼko tahẽkana ar moca khon do banarsa dharanakʼ mitʼṭen laser tarwaṛe oḍokokʼkantae tahẽkana. Uniakʼ mẽtãhã do tạpiste jolokʼkan siń cando leka jhak jhakaokʼkan tahẽkana.

Johan sodor 1:16 Iomraidhean Croise

Jobakʼ 38:7

Unre setakʼren ipilko do mitʼ sãoteko sereńleda ar serma goḍetko do rạskạteko anḍoṛleda.

Sereńko 45:3

E birbanṭa, amakʼ ḍanḍare tarwaṛe toltam; ṭhonok ar mante sajaokʼme.

Soros sereń 6:10

Onkoko menkeda, “Okoe kanae uni do, one aṅga marsalokʼ leka pĩṛĩtʼ pĩṛĩtʼe rakapʼ hijukʼkan, ńindạ cando leka mońj, ar siń cando leka jhak jhak, nisạnkoante phạdko leka ṭhonokicʼge?”

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Jesaea 24:23

Ńindạ cando doe nak kaṭakʼa ar siń cando doe lajaokʼa, ente phạdkoren Probhu Isor do Sion buru ar Jerusalemreye rajokʼa, ar onaren murubbiko do uniyakʼ ṭhonokko ńela.

Jesaea 49:2

Ińakʼ moca do laser tarwaṛe lekae hoyoco akatʼtińạ. Uni do acʼakʼ ti reakʼ umulreye danaṅ akadińạ. Uni do jhak jhak ạ̃pạ̃ṛi lekae benao akadińạ ar acʼakʼ sar ṭhoṅgareye doho akadińạ.

Daniel 12:3

Okoeyakʼ bujhạu reakʼ daṛe menakʼtako, metakʼme okoe do ḍher hoṛko dhorom reakʼ horteko ạguakatʼko onko do sermaren marsal ar jolokʼkan ipil leka jaejug jol akanko tahena.

Daniel 8:10

Ona do hara harate sermaren ipilko hạbicʼ seṭerena ar adom ipil do otreye ńurhạketʼkoa ar jaṅgateye lebetʼ gańjaoketʼkoa.

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Mathae 17:2

Ar onko samaṅre uni doe eṭakʼ boronena. Uniyakʼ mẽtãhã do siń cando leka jhak jhak ar kicricʼko do marsal leka pĩṛĩtʼ pĩṛĩtʼ ponḍentaea. Onko do Mose ar Eliạ Jisu tulucʼ galmaraoko ńelketʼkinạ.

Aposkạmi 26:13

Menkhan E maharaj, unre tikin okte tahẽkana. Ar horre siń cando khon hõ bạ̃ṛti jhakjhak mitʼṭecʼ marsal serma khon iń ar iń sãotenko beṛhaete bamberena.

Ephesiko lạgitʼ Pạul Apostolakʼ ciṭhi 6:17

Ar bańcaokʼ lạgitʼ bohokʼ reakʼ aḍokʼakʼ hatao joṅpe ar sonot Jiu reakʼ tarwaṛege, metakʼme Isorakʼ katha ataṅ joṅpe.

Ibriko 4:12

Isorakʼ katha do jiwetʼgea ar jojaoakʼ kangea ar dene banar dharanakʼ tarwaṛe khon hõ bạ̃ṛti lasergea. Noa katha do manwa jiwi ar jiu, uṭi ar tumul hạṭiń begar hạbicʼ hõ sobokʼakʼ kana ar manwa ontor reakʼ sanam monejoṅakʼ ar hudisko biḍạu aṭkarakʼ kana.

Johan sodor 1:20

Ar oka eae goṭecʼ sona reakʼ diuhe dohowakʼ ar ińakʼ jojomtire eae goṭecʼ ipilem ńelketʼko ona reakʼ mane do noage, onko eae goṭecʼ ipil do, eae goṭecʼ manḍerren eae goṭen goḍet kanako ar eae goṭecʼ diuhe dohowakʼ do ona eae goṭecʼ manḍer kana.

Johan sodor 10:1

Ona tayom ar mitʼṭen daṛeanicʼ serma goḍet serma khon pheḍ hijukʼ kaniń ńelkedea. Uni do rimilteye oyo akan, ar bohokʼre do liṭạ akʼ tahẽkantaea. Uniyakʼ mẽtʼãhã do siń cando leka ar jaṅga do seṅgel reakʼ khũnṭi leka tahẽkana.

Johan sodor 12:1

Tayomte sermare mitʼṭecʼ maraṅ cinhạ ńelena; mitʼṭen maejiu, one okoe do siń candoteye oyo akan ar uniyakʼ jaṅga latare do ńindạ candogeye tahẽkana. Uniyakʼ bohokʼre do gelbar goṭecʼ ipilte gathao akatʼ mitʼṭecʼ mukuṭ tahẽkana.

Johan sodor 19:15

Sanam jạtrenko jemone ḍanṭao daṛeako ona lạgitʼ uniyakʼ moca khon mitʼṭecʼ laser tarwaṛe do oḍokokʼ kan tahẽkana. Uni do mẽṛhẽtʼ reakʼ ṭheṅgate sanam jạtrenkoe ḍanṭaokoa ar darkha jo do lelen kunḍre jaṅgateye lena. Noa darkha lelen kunḍ do hoyokʼ kana sanam daṛeyicʼ Isorakʼ botoranakʼ edre.

Johan sodor 19:21

Ar okoe uni ponḍ sadomreye decʼakan tahẽkan, ar uniyakʼ moca khon okaṭakʼ tarwaṛe oḍokokʼkan tahẽkan onate unkinren eṭakʼ sanam soṅgetenkoko gocʼ ocoyena. Onate cẽṛẽko do onkoakʼ jel jomteko biyena.

Johan sodor 2:1

“Ephesus nagraha reakʼ manḍerren goḍet ṭhen noa katha do olme: “Okoe acʼakʼ jojomtire eae goṭecʼ ipil sapʼkate sona reakʼ eae goṭecʼ diuhe dohowakʼ talareye dãṛãbaṛae kan uni do noae meneda.

Johan sodor 2:12

“Pergamom nagraha reakʼ manḍerren goḍet ṭhen noa katha olme. Okaṭakʼ laser tarwaṛe banar secʼ dhar menakʼ ona ạidạrige noa kathae meneda:

Johan sodor 2:16

Onate noa khon mon ạcurtam. Ar mon bam ạcurtam khan enḍekhan iń do usạrage am ṭheniń hijukʼkana ar ińakʼ moca reakʼ tarwaṛete onko upạrteń lạṛhạiya.

Johan sodor 3:1

“Sạrdis nagraha reakʼ manḍerren goḍet ṭhen noa katha olme, Isorren eae goṭen Jiu ar eae goṭecʼ ipilko okoeye sapʼ akatʼko uni do noa kathae meneda: iń do amakʼ kạmi reakʼ kathań baḍaegea. Ar jiwetʼ menamte am do ạḍi ńutum menakʼtama, menkhan am dom gocʼgea.

Bikʼcạrko 3:16

Uni do banar secʼ dharanakʼ mitʼ moka jeleń mitʼṭecʼ chorae benao ocokeda ar acʼakʼ kicricʼ latarre jojomsa bulureye bedhaoana.

Bikʼcạrko 5:31

E Probhu Isor, amren bạiriko nonkageko marao cabakʼma; menkhan okoe amko dulạṛme Onko do siń cando leka daṛeanko hoyokʼma. Inạ tayom disạmre pongel bochor hạbicʼ suluk tahẽkana.