Johan sodor 1:15 - সান্তালী বাইবেল

¹⁵ Ar uniyakʼ jaṅga do seṅgelre jhalkao akatʼ pitạl leka jhak jhak, ar aṛaṅ do aema dakʼko ạtukʼ reakʼ saḍe leka tahẽkana.

Santali Common Language New Testament

¹⁵ Ar uniakʼ jaṅga do seṅgelre jhalkao akatʼ pitạl leka jhak jhak, ar aṛaṅ do aema dakʼko ạtukʼ reakʼ saḍe leka tahẽkana.

Johan sodor 1:15 Iomraidhean Croise

Sereńko 93:4

Ḍubạ dakʼ reakʼ saḍe khon ar jalapuri reakʼ rakabokʼkan ḍheoko khon Probhu Isor doe daṛeangea, uni do coṭre menaea.

Jesaea 17:13

Disạm disạmrenko do aema dakʼ lekako hud hudạukʼkanre hõ, enhõ uniye dhomkao lekore onko do sạṅgińteko ńirjoṅa. Onko do oṭaṅokʼkan bhusạ leka, ar hoete gurlạu baṛaekan dhuṛi lekae oṭaṅ cabakoa.

Jeheskel 1:24

Jiwiyankoko calaoen tayom iń do onkoakʼ phạ̃kṛạ̃kʼ reakʼ sabadiń ańjomkeda; ona do banbạsi ar ạtukʼ dakʼ reakʼ saḍe leka ańjomokʼkan tahẽkana, sanam daṛeanicʼ reakʼ aṛaṅ leka tahẽkana, mitʼṭen lạṛhại phạdkoakʼ kạumạu lekage. Jiwiyankoko teṅgokan tahẽkanre phạ̃kṛạ̃kʼ doko samṭaokatako kan tahẽkana.

Jeheskel 1:7

Onkoakʼ jaṅga do sojhege ar jaṅga thopa do mĩhũwakʼ khurạ leka tahẽkana; onako do jhalkaokʼkan pitạl leka tahẽkana.

Jeheskel 40:3

Uni do onḍe ińe idikedińa ar iń do mitʼṭen manwań ńelkedea one uniyakʼ hoṛmo do tama leka jhak jhakaokʼkan tahẽkantae. Uniyakʼ ti re do musnạ reakʼ baber ar jokha reakʼ ḍaṅ tahẽkana ar uni do phaṭok duạr ṭhene teṅgo akan tahẽkana.

Jeheskel 43:2

Ar iń do purub secʼ khon Israelren Isorakʼ ṭhonok hijukʼ kaniń ńelkeda. Uniyakʼ aṛaṅ do aema dakʼko reakʼ sabad leka tahẽkana ar dhạrti do uniyakʼ ṭhonokte marsalena.

Daniel 10:6

Uniyakʼ hoṛmo do Boidorjomuni leka, mẽtʼãhã do bijli leka, mẽtʼãhã do jolokʼkan mosal leka, ti-jaṅga do pạlis akatʼ tamba leka ar uniyakʼ aṛaṅ do ḍher hoṛkoakʼ sabad leka.

Johan sodor 10:1

Ona tayom ar mitʼṭen daṛeanicʼ serma goḍet serma khon pheḍ hijukʼ kaniń ńelkedea. Uni do rimilteye oyo akan, ar bohokʼre do liṭạ akʼ tahẽkantaea. Uniyakʼ mẽtʼãhã do siń cando leka ar jaṅga do seṅgel reakʼ khũnṭi leka tahẽkana.

Johan sodor 14:2

Ona tayom serma khon had had ạtu calakʼkan ar huḍur reakʼ sạḍeń ańjomkeda. Ar okaṭakʼ saḍeń ańjomketʼ ona do peṛesaṅ banamko phetʼetʼkan lekań ańjomkeda.

Johan sodor 19:6

Ona tayom iń do ạḍi utạr hoṛkoakʼ sabad leka, ar had had ạtukʼ dakʼ reakʼ saḍe ar kajak huḍuretʼkan saḍe leka noa kathań ańjomkeda, “Halleluyah! Aboren sanam daṛeyicʼ Probhu Isor do rajokʼe ehopʼakada.

Johan sodor 2:18

“Thuạtirạ nagraha reakʼ manḍerren goḍet ṭhen noa katha olme, Isorren Hopon, one okoeyakʼ mẽtʼ do seṅgel lepʼ leka ar jaṅga do jhak jhakaokʼkan pitạl leka uni do noa kathae meneda: