Johan 9:35 - সান্তালী বাইবেল

³⁵ Ado Jisui ańjomkeda je, mukhiyạko do uni hoṛ bahreteko oḍok akadea. Tayomte Jisu do uni hoṛ sendra ńamkedeteye metadea, “Am do cetʼ Manwa Hoponrem pạtiạukʼ kana?”

Santali Common Language New Testament

³⁵ Ado Jisui ańjomkeda je, mukhiạko do uni hoṛ bahreteko oḍok akadea. Tayomte Jisu do uni hoṛ sendra ńamkedeteye metadea, “Am do cetʼ Manwa Hoponrem pạtiạukʼ kana?”

Johan 9:35 Iomraidhean Croise

Sereńko 2:12

Ape do uni hopon manot emaete cokʼaepe, jemon ape cetanre bekusi aloe tahen ar calakʼ horre alope maraokʼ; ente mitʼ ripitʼrege uniyakʼ edre do jolokʼtaea. Bhạgangeako, one okoe do unireko hilrạjoṅ kan.

Sereńko 2:7

Raj doe mena, Probhu Isor okae gathao akatʼ Iń do onań lại jạhira; Uni doe metadińạ, am dom ińren hopon kana, teheńge iń do amren apatiń hoyena.

Sereńko 27:10

Ińren go-baba do ińkin bạgi giḍiyińre hõ Probhu Isor do ińe hạr sãohãyińạ.

Mathae 14:33

Ar lạukạre okoeko tahẽkan onko do Jisu sewawadeteko menkeda, “Sạrige am dom Isorren Hopon kana.”

Mathae 16:16

Simon Patrase roṛ ruạṛkeda, “Am do Mạsi, jiwetʼ Isorren Hopon kanam.”

Mathae 4:3

Unre Soetan do hecʼkate uniye metadea, “Isorren Hopon kan khanem enḍekhan noako dhiri baṛe piṭhạ hoeocoyme.”

Mark 1:1

Isorren Hopon Jisu Mạsiyakʼ bisoetege bhage sombat reakʼ etohopʼ do hoyakana.

Johan 1:18

Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

Johan 1:34

Iń do onań ńelakada ar gohań emetʼkana nui kangeae Isorren Hopon do.”

Johan 10:36

Enḍekhan Baba okoeye sonot akade ar dhạrtiteye kolkede uni ińge tinreń metapekana ‘Iń doń Isorren Hopon kana,’ unre cekatepe meneda, ‘am do Isor upạrte henosta katham roṛeda?’

Johan 11:27

Marthae menkeda, “Hẽ Probhu, iń doń pạtiạukʼ kangea, amge Isorren Hopon dhạrtite hijukʼicʼ do.”

Johan 20:28

Unre Thomae menkeda, “E ińren Probhu, E ińren Isor.”

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Johan 3:36

Hoponre pạtiạukʼicʼ do jaejug jion menakʼtaea, menkhan Hopon reakʼ bebataoicʼ do jion ohoe ńamlea, bickom Isorakʼ edre uni cetanre paṛaokʼa.

Johan 5:14

Ona tayom Jisu do mundilre uni hoṛ ńel ńamkedeteye metadea, “Ńelme, am dom boge akana. Ar alom kạiya, jemon jãhãnakʼ bạṛicʼ alo hoyokʼtam.”

Johan 6:69

Alele biswạs akana arle baḍae akada, am do Isorren uni sonoticʼ kanam.”

Johan 9:22

Uniren go-baba do Jihudi mukhiyạko botorte noa dokin menkeda, ente Jihudi mukhiyạko do laha khongeko goṭa ạguakatʼ tahẽkana je, jãhãege Jisu do Mạsi menteye aṅgoce uni doe biṭlạha ocokʼa.

Johan 9:34

Khange mukhiyạko doko metadea, “Am ma kạirem janam akan ar alem cetʼale kana?” Noa menkate onko do somaj khonko oḍok gotʼkadea.

Aposkạmi 8:36

Ado hortekin calakʼkan tahẽkanre nonkan mitʼṭecʼ jaegarekin hecʼena one okare do dakʼ tahẽkan. Unre uni raj kạmiyạ hoṛ doe menkeda, “Nõkʼõe ńelme, nonḍe do dakʼ menakʼa; ar ińiń bạptis ocokʼre tạkicʼakʼ jãhãnakʼ cetʼ menakʼa?” Unre Philipe menkeda, amakʼ goṭa montem pạtiạu akan khan ma bogege. (Uni hoṛ do roṛ ruạṛketʼteye menkeda pạtiạukʼ kangeạń Jisu Mạsi do Isorren Hopon kanae mente).

Aposkạmi 9:20

Ona tayom uni do bin bilomte eṭakʼ eṭakʼ sunạgogkore noa menkate porcare ehopʼena je, Jisu kangea Isorren Hopon do.

Romiko lạgitʼ Pạul Apostolakʼ ciṭhi 1:4

ar acʼren sonot Jiute uni do maraṅ daṛe salakʼ gocʼko khone jiwetʼ beretʼente Isorren Hopon menteye sodorlena.

Romiko lạgitʼ Pạul Apostolakʼ ciṭhi 10:20

Ona tayom Jesaea do arhõ murukteye menakada, “Onko ṭhengeń tahẽkana, menkhan jãhãn goṛo ńam lạgitʼ iń ṭhen do bako hecʼlena. Iń do onko hoṛko nehõrokʼ lạgitʼ ạtiń ematʼko tahẽkana, menkhan iń ṭhen do cetʼge bako arojlakʼa.”

1 Johan 4:15

Ar jãhãege Jisu do Isorren Hopon kanae menteye aṅgoce, Isor do unireye tahena ar uni hõ Isorreye tahenkana.

1 Johan 5:10

Isorren Hopon cetanre okoeye pạtiạukʼkan uniyakʼ ontorre ona goha do menakʼa. Ar Isorre okoe bako pạtiạukʼkan onko do eṛeyicʼko benao akadea, ente Isor acʼren Hopon reaṅ oka gohae emakatʼ onare onko do bako pạtiạu akana.

1 Johan 5:13

Ape okoeko Isorren Hoponrepe biswạs akan, ape ṭhen iń do noakoń olkeda jemonpe baḍae daṛeakʼ, ape do jaejug jionpe ńam akada mente.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

1 Johan 5:5

Okoeko pạtiạukʼkan Jisu do Isorren Hopon kanae mente, eken onkoge dhạrtiko bhagaoa.

3 Johan 1:10

Onate uni okaṭakʼe cekayetʼ ona do iń hecʼ tayom sanamkoń baḍae ocokoa. Uni do ale upạrte hiskạte aema eṛe kathae roṛakada. Onate hõ bae suklente boehako hõ bae ataṅetʼkoa ar okoe onkoko ataṅetʼko onko hõe tạkicʼ darametʼkoa ar manḍer khone oḍoketʼkoa.