Johan 9:29 - সান্তালী বাইবেল

²⁹ Alele baḍaea Isor do Moseye galmaraoade tahẽkana, menkhan uni hoṛ do oka khone hecʼakana ona do bale baḍaea.”

Santali Common Language New Testament

²⁹ Alele baḍaea Isor do Moseye galmaraoade tahẽkana, menkhan uni hoṛ do oka khone hecʼakana ona do bale baḍaea.”

Johan 9:29 Iomraidhean Croise

1 Rapajko 22:27

Arpe metakinạ raje men akada nui hoṛ do jemon hajotreye doho ocokʼ ar nirạite raj ạuriye ruạṛ hijukʼ hạbicʼ thoṛa dakʼ ar thoṛa piṭhạ chaḍa ar cetʼge jemon alo kin emae.”

2 Rapajko 9:11

Jihui oḍok hecʼen khan onko modren mitʼ hoṛ do uniye kulikedea, “Jotowakʼ bhage gea tho? Uni pagla do cetʼ lạgitʼe hecʼlena?” Jihuye roṛ ruạṛkeda, “Uni hoṛ mape baḍae akadege ar cetʼ lekan kathakoe roṛ ona hõpe baḍaegea.”

Sereńko 103:7

Cetʼ monsubạte cetʼe cekaea ona do Moseye baḍae ocoakadea; acʼakʼ kạmi do Israelkoe ńel ocoakatʼkoa.

Sereńko 105:26

Uni do acʼren guti Mose ar uniye bachaolede Arone kolketʼkinạ;

Sereńko 106:16

Tạmbure tahen jokhecʼ Mose ńelte, ar Probhu Isorren sonoticʼ Aron ńelte onko do hiskạ hecʼatʼkoa.

Sereńko 22:6

Menkhan iń do mitʼṭen tejo kạnạń, manwa do baṅa; hoṛ do ińko siṛogạń kana ar manwa doko nihạ̃t edeńkana.

Malaki 4:4

“Ape do ińren guti Moseyakʼ ạn-ạri reakʼ katha, metakʼme Horeb burure sanam Israelko lạgitʼ okaṭakʼ ạn-ạriń emade tahẽkan ona disạipe.

Numeri 16:28

Mose do unre Israelkoe metatʼkoa, “Niạtepe bujhạu daṛeakʼa, iń okań cekayetʼ ona lạgitʼge Probhu Isor do nonḍeye kol akadińạ; noa do ińakʼ cetʼge baṅkana.

Mathae 12:24

Noa katha ańjomkate Phạrusikoko menkeda, “Nui do bhutkoren raj Beelsebul hotete bhutkoe oḍok giḍiyetʼkoa.”

Mathae 26:61

“Nui hoṛe men akada, Isorakʼ mundil iń dhaṅ dhasera ar pe dinte arhõń benao ruạṛa.”

Luk 23:2

Onko do noa menkate Jisu upạrte lạlisaeko ehopʼena, “Alele ńelakadea, nui hoṛ do aleren hoṛko raj upạrteye bhiṅgṛạuetʼkoa. Uni do maharaj khajna emae lạgitʼe baronetʼkoa ar acʼge Mạsi ar mitʼṭen raje ńumogokʼ kana.”

Johan 1:17

Mose hotete ạn-ạriko em hoylena, menkhan daya ar sạriyakʼtetʼ do Jisu Mạsi hotetege hecʼakana.

Johan 7:27

Tobe abo mabon baḍaege nui do oka khone hecʼakana mente. Menkhan Mạsiye hecʼlenre okoe hõ bako baḍaeyea uni do oka khone hecʼakana.”

Johan 7:28

Ona tayom Jisu do mundilreye cetʼakokan tahẽkanre ãṭ aṛaṅteye menkeda, “Ape do iń hõpe baḍae akadińạ, ar oka khoniń hecʼ akana ona hõpe baḍaegea. Ente ińte do bạń hecʼakana, menkhan sạri Isorgeye kolakadińa.

Johan 8:14

Jisui roṛ ruạṛatʼkoa, “Iń do apnarte gohań emetʼkanre hõ ińakʼ goha do sạrigea, ente oka khoniń hecʼakana ar okateń calakʼkan ona doń baḍaegea. Menkhan ape do bape baḍaea oka khoniń hecʼakana ar okateń calakʼa mente.

Johan 9:16

Noate Phạrusiko modren adomko doko menkeda, “Uni hoṛ do Isor ṭhen khon bae hecʼakana, ente uni do jirạukʼ mãhã hõ bae manaoeda.” Eṭakʼ Phạrusiko doko menkeda, “Cekate mitʼṭen kại hoṛ do nonkan hahaṛawakʼe kạmi daṛekea?” Nonkate onko talare bhinạ bhini hoyena.

Johan 9:24

Ado okoe kãṛãgeye tahẽkan mukhiyạko do arhõ dosar dhao hohowadeteko metadea, “Am do sạri katha roṛte Isorge sabasi emaeme. Alele baḍaea uni doe kại hoṛ kana.”

Johan 9:30

Unre uniye roṛ ruạṛatʼkoa, “Onage tho hahaṛa do! Ape hõ bape baḍaea uni do oka khone hecʼakana menkhan uni do ińakʼ mẽtʼe beṅgetʼ ocoketʼtińạ.”

Aposkạmi 22:22

Hoṛko do unhạbicʼ Pạulakʼ kathako ańjomkan tahẽkana, menkhan boṅgan hoṛ jạtrenkoakʼ kathae roṛketʼ khan ãṭ aṛaṅte hohowate memenko ehopʼena, “Uni do dhạrti khon ocokʼ giḍikaepe; uni do jiwetʼ tahen lek doe baṅkana.”

Aposkạmi 26:22

Menkhan Isor do teheń hạbicʼe goṛo akawạdińa ar onate nonḍe teṅgokate kạṭicʼ lạṭu sanamko ṭhen gohań emeda. Nạbiko ar Mose hõ okaṭakʼ hoyokʼgea menteko roṛakatʼ ona bahre do cetʼ hõ bạń roṛeda.

Aposkạmi 7:35

“Nui doe uni Mose kana one okoe do Israelkoko baṅlede, oneko menletʼ ‘okoe baṅ ạliń talare mukhiyạ ar bicạricʼe dohoakatʼme?’ Ar okoeṭakʼ serma goḍet ona jhạuạ talare Mose ṭhene ńel ocolen uni hotete Isor acʼge Israelkoren Mukhiyạ ar chaḍaoicʼ menkate Misorte Moseye kolledea.

Dosar Biboron 34:10

Teheń hạbicʼ Israelko talare Mose lekan ar cele nạbiyakʼ janam hõ baṅ hoyakana one uni tulucʼ Probhu Isor do gate leka samna sạmniye galmaraoetʼ tahẽkan.

Ibriko 1:1

Ḍher din lahare nạbiko hotete Isor do aboren hapṛamko ṭhen ạḍi dhao ar ạḍi lekate thoṛa thoṛateye galmaraoatʼko tahẽkana.

Ibriko 1:2

Menkhan sesa sisi dinkore uni do acʼren Hopon hotete abokoe galmarao akatʼbona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.