Johan 9:22 - সান্তালী বাইবেল

²² Uniren go-baba do Jihudi mukhiyạko botorte noa dokin menkeda, ente Jihudi mukhiyạko do laha khongeko goṭa ạguakatʼ tahẽkana je, jãhãege Jisu do Mạsi menteye aṅgoce uni doe biṭlạha ocokʼa.

Santali Common Language New Testament

²² Uniren go-baba do Jihudi mukhiạko botorte noa dokin menkeda, ente Jihudi mukhiạko do laha khongeko goṭa ạguakatʼ tahẽkana je, jãhãege Jisu do Mạsi menteye aṅgoce uni doe biṭlạha ocokʼa.

Johan 9:22 Iomraidhean Croise

Kạhtukko 29:25

Manwa okoeye botorae ona botor do uniyakʼ jhampa leka hoyokʼa. Menkhan okoe Probhu Isorreye bhorsakʼkan uni do khạtirjomae tahena.

Jesaea 51:12

Probhu Isore meneda, “Iń kangeạń apeakʼ jiwi rakʼṛecʼicʼ do. Manwa do cedakʼpe botorako kana? Onko doko gujukʼgea. Manwa hopon do ghãs baragge thoṛa okteko tahena.

Jesaea 51:7

“Ińakʼ ańjomtińpe E ape dhorom bakʼḍaeko one okoeyakʼ monre ińakʼ ạnko menakʼ. Ape do manwakoakʼ henosta kathate alope botorokʼa ar onkoakʼ nindạu kathate hõ alope torasokʼa,

Jesaea 57:11

“Okoeyem botoraekante iń ṭhen eṛe katham roṛkeda, ar ińem hiṛińkedeńạ ar bam moneyạń kana? Ḍher din khon hape akae minạńte cetʼ bam botorạń kana?

Luk 6:22

Bhạgangeape, Manwa Hopon iạte hoṛko hirkhạwapere, ar somaj khonko oḍoklepere arko landa dhutʼapere ar apeakʼ ńutum ańjomteko tholere.

Johan 1:19

Jihudi mukhiyạko do Jerusalem nagraha khon naekeko ar Liwiko Johan ṭhenko kolketʼko khan Johan do onko ṭhen gohae emkeda. Onko doko kulikedea, “Am dom okoe kana?”

Johan 16:2

Sunạgog khonko oḍok idipea; ar nonkan okte hijukʼ kana one okoe apeko gocʼpe onko doko monejoṅa, Isorgeko sewawae kana mente.

Johan 19:38

Noako sanamakʼ hoyen tayom Arimạthiạ atoren Joseph do Jisuakʼ mạ̃ṛĩ iditae lạgitʼ Pilạt ṭhene koekeda. Joseph hõ Jisuren celae tahẽkana menkhan sodorte do baṅ, ente uni do Jihudi mukhiyạkoe botorako kan tahẽkana. Ado Pilạte aṛakʼade khan uni do hecʼkate Jisuakʼ mạ̃ṛĩye idikeda.

Johan 20:19

Ado enhilokʼge, hapta reakʼ pạhil din ạyupʼ jokhecʼ celako do Jihudi mukhiyạko botorte duạr sińkate mitʼ ṭhenko jarwa akan tahẽkana. Unre Jisu do hecʼkate onko talare teṅgoyenteye metatʼkoa, “Suluk apema.”

Johan 7:13

Menkhan Jihudi mukhiyạko botorte okoe hõ uni reaṅ sodorte do cetʼge bako roṛetʼ tahẽkana.

Johan 9:18

Menkhan Jihudi mukhiyạko do uniren go-baba ạuriko kulikin hạbicʼ bako pạtiạulena je, uni do jonom kãṛãye tahẽkana ar ńitokʼ doe ńeńelkana mente.

Johan 9:21

Menkhan cekate ńitokʼ doe ńeńelkana ona do bạliń baḍaea; ar okoe nuiyakʼ mẽtʼe beṅgetʼ ocoakatʼtae ona hõ bạliń baḍaea. Uni doe sẽṛãgea, unige kuliyepe. Uni do acʼ reaṅ acʼtegeye lại ocoge.”

Johan 9:34

Khange mukhiyạko doko metadea, “Am ma kạirem janam akan ar alem cetʼale kana?” Noa menkate onko do somaj khonko oḍok gotʼkadea.

Johan 9:35

Ado Jisui ańjomkeda je, mukhiyạko do uni hoṛ bahreteko oḍok akadea. Tayomte Jisu do uni hoṛ sendra ńamkedeteye metadea, “Am do cetʼ Manwa Hoponrem pạtiạukʼ kana?”

Aposkạmi 4:18

Noa tayom Patras ar Johan do arhõ bhitriteko hohowatʼkinte noako hukumatʼkinạ jemon unkin do Jisu reaṅ ar cetʼge alokin lạiyako se alokin cetʼako.

Aposkạmi 5:13

Ar hoṛko do ạḍiko manotetʼko tahẽkanre hõ onko tulucʼ midokʼ do bako diletʼ tahẽkana.

Aposkạmi 5:40

Unre Gamalielakʼ katha leka mukhiyạko doko mitʼ motena. Onko do apostolko bhitrite hoho idikate dalko lạgitʼko hukumkeda. Ar ona tayom doko aṛakʼkatʼkoa arko hukumatʼkoa Jisu reaṅ jemon jãhãnakʼ ar aloko roṛ baṛae.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”