Johan 8:53 - সান্তালী বাইবেল

⁵³ Uni mae gocʼenge ar nạbiko hõko gocʼena. Am do apnarte celeyem benaokʼ kana?”

Santali Common Language New Testament

⁵³ Uni mae gocʼenge ar nạbiko hõko gocʼena. Am do apnarte celeyem benaokʼ kana?”

Johan 8:53 Iomraidhean Croise

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Mathae 12:6

Ińiń metapekana, nonḍe do mundil khon hõ mitʼṭen maraṅicʼge menaea.

Mathae 3:9

Ar Abraham bõsren hoṛ kanape, mente monre alope hudisjoṅa. Ińiń metapekana, noako dhiri khon Isor do Abrahamren bõskoe benao daṛeakoa.

Johan 10:33

Mukhiyạkoko menkeda, “Bhage kạmi iạte tińme do bale meneda, menkhan Isor upạrte henosta reakʼ katham roṛetʼkan iạtege. Ente am do manwa hoekate hõ Isorem benaokʼkana.”

Johan 12:34

Unre hoṛko do Jisuko metadea, “Sonot sostor khonle baḍae akada Mạsi do jaejug hạbicʼe tahena. Enḍekhan am do cekatem meneda, Manwa Hopon do coṭte rakapʼ ocokʼ hoyokʼtaea? Enḍekhan nui Manwa Hopon doe okoe kana?”

Johan 19:7

Khange Jihudi mukhiyạko do Pilạtko metadea, “Ale do mitʼṭecʼ ạn menakʼtalea, ar ona ạn lekate uni do gocʼ ocokʼ lek kanae, ente uni do acʼte Isorren Hopone ńumogokʼ kana.”

Johan 4:12

Aleren baba Jakob khon do bam maraṅa. Noa kũń do unigeye emakatʼlea. Uni ar acʼren hoponko noa kũń reakʼ dakʼko ńũiyetʼ tahẽkana ar uniren mihũ meromko hõko ńũiyetʼ tahẽkana.”

Johan 5:18

Jisuakʼ noa katha iạte mukhiyạko do goje reakʼ artetʼ dão ńam baṛaeko ehopʼena, ente uni do eken jirạukʼ mãhã reakʼ niạme rạputʼeda ona do baṅ, bickom Isor do acʼren Baba menteye metaekante acʼ do Isor somane benaokʼkana.

Johan 8:58

Menkhan Jisui metatʼkoa, “Sạrigeń metapekana, iń do Abraham ạuriye janamokʼ khonge minạńạ.” Noa katha ańjomkate mukhiyạko do Jisu tińe lạgitʼ dhiriko halaṅkeda. Menkhan Jisu do apnartetʼe danaṅente mundil khone oḍok calaoena.

Romiko lạgitʼ Pạul Apostolakʼ ciṭhi 9:5

Isorren maraṅ sekʼwako do onkoren hapṛamgeko tahẽkana ar manwa lekate Mạsi do onko bõsregeye janamlena. Uni kangeae Isor do, one uni sanamakʼko cetanre menae; jaejug hạbicʼ uniyakʼge sarhao hoyokʼtae ma. Amen.