Johan 8:31 - সান্তালী বাইবেল

³¹ Ado okoe Jihudikoko pạtiạuade Jisu do onkoe metatʼkoa, “Ińakʼ katha lekape senlen khan sạrige ińren celako kanape.

Santali Common Language New Testament

³¹ Ado okoe Jihudikoko pạtiạuade Jisu do onkoe metatʼkoa, “Ińakʼ katha lekape senlen khan sạrige ińren celako kanape.

Johan 8:31 Iomraidhean Croise

Mathae 24:13

Menkhan mucạtʼ hạbicʼ okoeye ṭarhao tahen uni do bańcaoe ńama.

Johan 1:47

Jisu do Nathanael acʼ ṭhen hijukʼkane ńelkede khane menkeda, “Hạni ńelepe, mitʼṭen sạri Israel. Uniyakʼ monre do jãhãn phạsiạrage bạnukʼ anaṅ.”

Johan 2:2

Ona baplare Jisu ar acʼren celako hõko neota ocoakan tahẽkana.

Johan 6:55

Ińakʼ jel do sạri jomakʼ kana ar ińakʼ mãyãm do sạri ńũiyakʼ kana.

Johan 8:36

Onate Isorren Hopone sạdhinlepere sạrige ape do sạdhinpe hoyokʼa.

Aposkạmi 13:43

Ar sunạgog khonko calao baṛayen khan ạḍi utạr Jihudiko ar Jihudi dhoromre pạtiạu akan Isor botoraekanko do Pạul ar Barnabas tạkinko pańjaketʼkinạ. Unre Pạul ar Barnabas do onkokin galmaraoatʼkoa, ar Isorakʼ dayare jemon khạtirko tahen ona lạgitʼkin udgạuketʼkoa.

Aposkạmi 26:22

Menkhan Isor do teheń hạbicʼe goṛo akawạdińa ar onate nonḍe teṅgokate kạṭicʼ lạṭu sanamko ṭhen gohań emeda. Nạbiko ar Mose hõ okaṭakʼ hoyokʼgea menteko roṛakatʼ ona bahre do cetʼ hõ bạń roṛeda.

Romiko lạgitʼ Pạul Apostolakʼ ciṭhi 11:22

Onate Isor do tinạkʼ dayakʼicʼ ar tinạkʼ ajhãṭicʼ kanae ona baṛe hudisme. Okoeko ńurhạ akan onko lạgitʼ doe ajhãṭena, menkhan am lạgitʼ do dayawạnicʼge, khạjuk uniyakʼ daya latarrem tahen. Ar baṅ khan am hom makʼ giḍi ocokʼa.

Romiko lạgitʼ Pạul Apostolakʼ ciṭhi 2:7

Okoe sombhuri salakʼ bhage kạmikote Isor ṭhen khon ṭhonok, man ar bin maraokʼ jionko khojkan, onkoge Isor do jaejug jione emakoa.

Kolossiko lạgitʼ Pạul Apostolakʼ ciṭhi 1:23

Onate Mạsi reaṅ bhage sombat khon oka sạri aspe ńamakatʼ ona khon alo pharakokʼte pạtiạure teṅgo ṭarhao akae tahenpe. Ona bhage sombat do goṭa dhạrtire lại jạhir akana ar ape do onape ańjom akada. Ar iń Pạul do noa bhage sombatren porcaricʼ iń hoyakana.

1Timothi 2:15

Menkhan maejiuko do gidrạ janamko hoteteko bańcaokʼa; khạjuk sambṛao salakʼ biswạs ar dulạṛ ar sonotokʼreko tahẽ idikʼ.

1Timothi 4:16

Am apnar reaṅ ar amakʼ lại cecetʼre sontor akae tahenme. Ar onakore tahẽakae tahenme, entem onka lekhan apnar hõm bańcaokʼa, ar okoeko ańjomtam onko hõm bańcaokoa.

2Timothi 3:14

Menkhan am do okaṭakʼem cetʼakatʼ ar khạṭi montem biswạs akan onare ṭarhao akae tahenme, ente okoeko ṭhen khonem cetʼakatʼ ona mam baḍaege.

Ibriko 3:14

Ente pạhilre okaṭakʼ bhorsa tahẽkan, onare mucạtʼ hạbicʼ teṅgo ṭak akan bon tahẽlen khan, abo do Mạsi tulucʼ bakhradarko bon hoyokʼa.

Ibriko 8:9

Misor disạm khon onkoren hapṛamko ti sapʼkateń oḍok ạguko jokhecʼ onko lạgitʼ oka bondobos iń doholetʼ tahẽkan, ona leka noa nãwã bondobos do baṅ hoyokʼa. Ińakʼ ona bondobos leka bako calaolente onko secʼ do bạń beṅgetʼ ruạṛeda.” Probhu Isor do noa kathae meneda.

Jakob 1:25

Menkhan okaṭakʼ purạ ạn manwa do sạdhintetʼe danae ona secʼ okoe mońjteye beṅged are hetawakʼ, uni do ona ạn reakʼ katha ańjomkate bae hiṛińa bickom ona lekae kạmiya. Onate uni do acʼakʼ sanam kạmire bhore ńama.

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.

1 Johan 2:24

Pạhil khon okaṭakʼpe ańjom ạguakatʼ ona apeakʼ ontorre tahen khan, enḍekhan ape do Hopon ar Baba tulucʼ jopoṛao akanpe tahena.

2 Johan 1:9

Okoe Mạsiyakʼ sikhnạtko taṛam parom ar ona sikhnạtre ṭarhao akae bako tahen, onkoakʼ ontorre Isor do bạnugicʼan. Menkhan okoe ona sikhnạtre ṭarhao akane tahenkan uniyakʼ ontorre do Baba ar Hopon bana hoṛge menakʼkinạ.

1 Samuel 12:14

Ape do Probhu Isorpe botorae, arpe sewawae ar uniyakʼpe bataotaete uni upạrte bape taṛam, ar okoe apeye ḍanṭaope uni aperen raj ar aperen Probhu Isorakʼ sana lekape calakʼ, enḍekhan do bhagegea.