Johan 8:15 - সান্তালী বাইবেল

¹⁵ Manwa cetʼlekako bicạretʼkan onkage ape hõpe bicạretʼ kana, menkhan iń do okoe hõ bạń bicạretʼkoa.

Santali Common Language New Testament

¹⁵ Manwa cetʼlekako bicạretʼkan onkage ape hõpe bicạretʼ kana, menkhan iń do okoe hõ bạń bicạretʼkoa.

Johan 8:15 Iomraidhean Croise

Amos 5:7

Ape do hok reakʼ bicạrpe haṛhatʼ ocoyetʼkana ar dhorom do otrepe lebda giḍikakʼkana.

Amos 6:12

Khaṛa burure cetʼ sadom doko kamsaokʼgea? Jalapurire cetʼ jãhãe do ḍaṅgrateye sikeya? Menkhan hok reakʼ bicạr ape do bis lekape hoyocoakada ar dhorom reakʼ jo dope haṛhatʼ ocoakada.

Habakkuk 1:4

Ạn-ạriko nijor idikʼkana ar dhorom reakʼ bicạr do baṅge hoyokʼkana. Dhorom hoṛko khon dusṭạmi hoṛkoakʼ ektiạrige ḍherokʼkante bicạr do ulṭạukʼkana.

Luk 12:14

Jisu do uniye metadea, “Henda ho abenakʼ bicạr lạgitʼ se aben talare sompotti hạṭińa ben lạgitʼ ektiạri do okoeye emakawạdińạ?”

Johan 12:47

Jãhãege ińakʼ kathae ańjom ar onaleka bae senokʼ enḍekhan uni do bạń bicạrea, ente manwa dusiko lạgitʼ do baṅ, bickom kại khon bańcaoko lạgitʼgeń hecʼ akana.

Johan 18:36

Jisui menkeda, “Ińakʼ raj do noa dhạrti reakʼ do baṅkana. Ente noa dhạrti reakʼ tahẽlen khan enḍekhan ińren hoṛko lạṛhạikokʼa jemon Jihudi mukhiyạkoakʼ tire aloń paṛaokokʼ; menkhan ińakʼ raj do nonḍenakʼ do baṅkana.”

Johan 3:17

Uni do manwa dusire paṛaoko lạgitʼ acʼren Hopon bae kolakadea bickom Hopon hotete jemon kại khon bańcaoko ńam ona lạgitʼgeye kolakadea.

Johan 7:24

Mẽtʼãhã ńelte do alope bicạra bickom hok reakʼge bicạrpe.”

Johan 8:11

Uni maejiue roṛ ruạṛkeda, “Okoe hõ baṅ Probhu.” Unre Jisui menkeda, “Iń hõ bạń dusiyetʼmea. Do calakʼme ar kạire jion alom khemaoa.”

Romiko lạgitʼ Pạul Apostolakʼ ciṭhi 2:1

Jãhãege noa iạte eṭakʼkoe dusiko enḍekhan uniń metaea, amakʼ ạnḍuṅteakʼ do okortam? Am do eṭakʼkom dusiyetʼkore apnarge cetʼ dusi mente bam sạbudokʼ kana? Ente eṭakʼko dom dusiyetʼkoa menkhan am do onagem kạmikana.

1 Korinthiko 2:15

Okoe hoṛ doe Jiutenicʼkan uni do jotowakʼkoe tojbijeda, menkhan okoe hõ uni do bako tojbij daṛeaea.

2 Korinthiko 5:16

Onate ńit khon manwawakʼ bahre secʼ ńelte do bale bicạra. Ale hõ Mạsi do pạhilte onkagele baḍaeledea, menkhan ńitokʼ onka do ar bale baḍaeyede kana.

Jakob 2:4

Enḍekhan apnar talare cetʼ kạṭicʼ ar lạṭu reakʼ bape sirjạueda ar bạṛicʼ monsubạte bape bicạreda?

1 Samuel 16:7

Menkhan Probhu Isor do Sạmuele metadea, “Uniyakʼ rup se tinạkʼe usula ona do alom ńela, ente uni doń nihạ̃t akadea. Manwa okaṭakʼe ńel onate do jãhãnakʼ do baṅ cekakʼa, ente manwa do bahre rupko ńela menkhan Probhu Isor do ontorgeye ńeleda.”