Johan 7:39 - সান্তালী বাইবেল

³⁹ Noa do uni Jiu reaṅe roṛkeda, one okoe acʼre pạtiạukʼte sonot Jiuko ńame. Unre sonot Jiu do bae emakan tahẽkana, ente unhạbicʼ Jisu hõ bae ṭhonok ocoakan tahẽkana.

Santali Common Language New Testament

³⁹ Noa do uni Jiu reaṅe roṛkeda, one okoe acʼre pạtiạukʼte sonot Jiuko ńame. Unre sonot Jiu do bae emakan tahẽkana, ente un hạbicʼ Jisu hõ bae ṭhonok ocoakan tahẽkana.

Johan 7:39 Iomraidhean Croise

Sereńko 68:18

Tinre am do sermatem rakapʼena unre lạṛhại kạidikom idiketʼkoa. Ar hoṛko talare, teṅgo daramko talare tahen jokhecʼ am ṭhen do ạḍi utạr dan hecʼlena, jemon am do, E Probhu Isor, onko talarem tahẽ daṛeakʼ.

Kạhtukko 1:23

Ińakʼ ḍanṭaope luturakʼ khan, ińren Jiu do apereń dulkea, ar ińakʼ mon reakʼ kathań baḍae ocokepea.

Jesaea 12:3

Ona iạte ape do hulạsate bańcao reakʼ kũń khon dakʼpe loya.

Jesaea 44:3

ente tetaṅokʼkan disạmre dakʼ iń dula. Ar amren hoponko cetanre ińren Jiu iń dulea ar amakʼ bõsren hoṛkoń bhorakoa.

Joel 2:28

“Ona tayom iń do sanam hoṛko cetanre ińren Jiu iń dulea. Onate aperen hopon ar hoponerako do nạbi lekate Isorakʼ kathako roṛa, ar aperen haṛam hoṛ do kukmũko ńela ar aperen juạnko hõ dorsonko ńama.

Mathae 16:14

Onkoko menkeda, “Adomko doko meneda am dom Johan bạbạptisicʼ kana; ar adomko doko meneda Eliạ kanam; arhõ adomko doko meneda Jirimiạ; ar baṅkhan nạbiko modren mitʼ hoṛ.”

Mathae 21:11

Gadel hoṛko menkeda, “Nui do Gạlil reakʼ Nasaretren nạbi Jisu kanae.”

Luk 24:49

Ńelpe, ińren Baba okaṭakʼ emokʼ reakʼe gokʼakatʼ, onań kolapea. Serma khon daṛe ạuripe ńam hạbicʼ ape do noa nagraharege tahẽ hataṛokʼpe.”

Luk 3:16

Unre Johan do sanamkoe metatʼkoa, “Iń do dakʼteń bạptisetʼpea, menkhan okoe iń khone daṛeange uni doe daraekana. Iń do uniyakʼ panahi reakʼ phitạ raṛaetae lek geń baṅkana. Uni do sonot Jiu ar seṅgelteye bạptispea.

Luk 7:16

Noate sanam hoṛ do botor caṛhaoatʼkoa ar Isor sabasiaete memenko ehopʼena, “Abo talare mitʼṭen maraṅ nạbigeye upel akana. Isor do acʼren hoṛkoe hiri akatʼbona.”

Johan 1:21

Unre onko do Johanko kulikedea, “Okoe enḍekhan? Eliạ kanam?” Uni doe menkeda, “Baṅ, iń do Eliạ hõń baṅkana.” Onkoko metadea, “Enḍekhan am do cetʼ uni nạbi kanam?” Uniye roṛ ruạrkeda, “Baṅ.”

Johan 1:25

“Am do Mạsi hõ baṅ, Eliạ hõ baṅ, ar uni nạbi hõm baṅkan khan enḍekhan cedakʼem bạptisetʼkoa?”

Johan 1:33

Uni do bạń oromakade tahẽkana, menkhan okoe dakʼte bạptisko lạgitʼe kol akadiń unigeye men akadińa, ‘okoe cetanre sonot Jiu pheḍ hijukʼkanem ńelea, unige sonot Jiuteye bạptispea.’

Johan 12:16

Jisuren celako do pạhilre noako bako bujhạu daṛeada. Ado tinre Jisuakʼ ṭhonok sodorena unre onko doko disạkeda sonot sostor reakʼ ona katha do Jisu reaṅge olakan tahẽkana mente. Onko do arhõ disạ hecʼatʼkoa hoṛko do Jisu lạgitʼgeko onkaleda.

Johan 12:23

Unre Jisu do Andreas ar Philipe metatʼkinạ, “Manwa Hopon do ṭhonok sodorokʼ reakʼ okte seṭer akantaea.

Johan 14:13

Jãhãnakʼge iń ńutumtepe koe iń do onań onkaea, jemon Babawakʼ ṭhonok Hopon hotete sodorokʼtae.

Johan 14:26

Uni sohotʼicʼ sonot Jiu one okoe do Baba iń ńutumteye kolape, unige sanamakʼkoe cetʼapea, ar okakoń lại akatʼpe onako joto doe disạ ocopea.

Johan 16:14

Uni sạriyakʼren Jiuge ińakʼ ṭhonoke sodora, ente jãhãnakʼgeń cekae ariń roṛ onage uni do ape ṭhene sodora. Babawakʼ oka menakʼtae onako sanamakʼge ińakʼ kana.

Johan 16:7

Enre hõ sạri kathageń lạiyape kana, ińakʼ calakʼ do ape lạgitʼ bhagegea, ente bạń senlen khan uni sohotʼicʼ do ape ṭhen bae hijukʼa. Menkhan ińiń senlenre uni do ape ṭheniń kolea.

Johan 17:1

Ado noako kathae roṛketʼ khan Jisu do serma secʼ beṅgetʼ rakapʼ kateye menkeda, “E Baba, okte do seṭerakana. Amren Hopon ṭhonok ocoyem jemon Hopon hõ amakʼ ṭhonoke sodortam.

Johan 17:5

E Baba, dhạrti ạuri sirjạure am sãote oka ṭhonok tahẽkantiń, ona ṭhonok arhõ emạńme baṛe.

Johan 20:22

Noa menkate uni do celako oṅatʼkoteye metatʼkoa, “Sonot Jiu hatao joṅpe.

Johan 6:14

Jisuakʼ noa hahaṛa kạmi ńelte gadel hoṛkoko menkeda, “Dhạrtite okoeṭakʼ nạbi hijukʼ reakʼ katha menakʼtae sạrige uni nạbi doe nuikangea.”

Johan 7:12

Ar hoṛko hõ bhiṛ talare Jisu reaṅko phasar phusuretʼ tahẽkana. Adomko doko menkeda, “Uni do bhage hoṛ kanae.” Arhõ adomko doko menkeda, “Baṅ, uni do hoṛkoe bulạuetʼkoa.”

Johan 8:54

Jisui roṛ ruạṛatʼkoa, “Iń do ińtegeń sabasikʼkan khan ona reakʼ do cetʼ damge bạnukʼa. Ińren Baba, one okoe do aperen Isor mentepe dạbiyetʼkan unige iń do manote emạń kana.

Aposkạmi 2:17

‘Mucạtʼ dinkore iń do sanam hoṛko cetanre ińren Jiu iń dulea; onate aperen hopon ar hoponerako do nạbi lekate Isorakʼ kathako lạiya, ar aperen juạnko do dorsonko ńama, ar aperen murubbiko do kukmũko ńela.

Aposkạmi 2:33

Isorakʼ jojomsa aṛere duṛubokʼ reakʼ ṭhonok do unigeye dan akawadea are gokʼade tahẽkana sonot Jiu do Isor Baba ṭhen khongeye ńam akadea; ar ńitokʼ ape okape ńeletʼkan arpe ańjometʼkan ona do Jisugeye emakana.

Aposkạmi 2:38

Patrase roṛ ruạṛatʼkoa, “Kại khon mon ạcurtape ar Jisu Mạsi ńutumte bạptisokʼpe. Ar ape do dan lekate sonot Jiupe ńamea.

Aposkạmi 2:4

Onate onko jotoge sonot Jiuteko perecʼena ar uni Jiue danatʼko daṛe leka eṭakʼ eṭakʼ pạrsite roroṛko ehopʼena.

Aposkạmi 3:13

Abraham, Isahak ar Jakobren Isor, metakʼme aboren hapṛamkoren Isorge noa kạmi hotete acʼren guti Jisuakʼ ṭhonoke sodor akada. Ape ma goje lạgitʼ mukhiyạkoakʼ tirepe soprotlede. Pilạt do aṛakʼkaegeye menleda, menkhan Pilạt samaṅre unipe baṅkedea.

Aposkạmi 4:31

Ado oka jaegare onkoko jarwa mitʼ akan tahẽkan, koejoṅ tayom ona jaega do dal dalaoena. Ar onko sanamkoge sonot Jiuteko perecʼente dil salakʼ Isorakʼ katha lạlạiko ehopʼena.

Romiko lạgitʼ Pạul Apostolakʼ ciṭhi 8:9

Menkhan Isorren Jiu apeakʼ ontorreye berel akan khan ape do kại gobolren dope baṅkana bickom sonot Jiu gobolren kanape. Okoeyakʼ ontorre Mạsiren Jiu bạnui uni do Mạsiren doe baṅkana.

2 Korinthiko 3:8

Ona bondobos reakʼ jo do nunạkʼ ṭhonokanakʼ hoydaṛeakʼ khan, enḍekhan sonot Jiuakʼ kạmi reakʼ jo do tinạkʼ artetʼ ṭhonokakʼge hoyokʼa!

Ephesiko lạgitʼ Pạul Apostolakʼ ciṭhi 4:30

Isorren sonot Jiu do alope mon duk ocoyea, one uni hotete Isor do chaḍaokʼ reakʼ din hạbicʼ apeye mohor chap dohoakatʼpe.