Johan 7:20 - সান্তালী বাইবেল

²⁰ Onkoko roṛ ruạṛadea, “Amre do bhut menaea; okoe am gocʼme lạgitʼ doe kurumuṭukana?”

Santali Common Language New Testament

²⁰ Onkoko roṛ ruạṛadea, “Amre do bhut menaea; okoe am gocʼme lạgitʼ doe kurumuṭu kana?”

Johan 7:20 Iomraidhean Croise

Mathae 10:25

Cela lạgitʼ do niạge ḍhera acʼren guru lekae hoyokʼ ar golam hõ acʼren kisạ̃ṛ leka. Oṛakʼren kisạ̃ṛge Beelsebulko metaekan khan gharońjrenko do tinạkʼ artetʼgeko metakoa.

Mathae 12:24

Noa katha ańjomkate Phạrusikoko menkeda, “Nui do bhutkoren raj Beelsebul hotete bhutkoe oḍok giḍiyetʼkoa.”

Mathae 9:34

Unre Phạrusikoko menkeda, “Bhutkoren sordar hotete uni do bhutkoe oḍok giḍiyetʼkoa.”

Mark 3:30

Sostor baḍaeko oneko menletʼ tahẽkan, “Unire do bạṛicʼ jiu menaea,” Onkoakʼ ona katha iạtege Jisu do noa kathae menkeda.

Johan 10:20

Onko modren ḍher hoṛko menkeda, “Unire do bhut menaea, uni doe bạulạha akana; cedakʼ uniyakʼ katha dope ańjometʼtaea?”

Johan 8:48

Unre Jihudi mukhiyạko do Jisuko metadea, “Ale do cetʼ ṭhik kathage bale meneda baṅma, am dom Samariạ kana ar amre do bhut menaea mente?”

Johan 8:49

Jisui roṛ ruạṛatʼkoa, “Ińre bhut do bạnuya. Iń do ińren Babań manot edekana, menkhan ape dope be manot edeńkana.

Johan 8:52

Jihudi mukhiyạko do uniko metadea, “Ale do ńitokʼ sạrigele bujhạueda je, amre do bhut menaea. Abraham ar nạbiko hõko gocʼena, ar am dom meneda, ‘jãhãege ińakʼ katha lekae senokʼ uni do tis hõ bae gujukʼa.’ Am do cetʼ baba Abraham khon hõm maraṅgea?

Aposkạmi 26:24

Ado Pạul nonkae roṛ dogokʼkan tahẽkanre Phestus do tạkicʼ daramkedete ãṭ aṛaṅteye menkeda, “E Pạul, am dom pagla akana. Ente ḍher bidiyạm hameṭ akada ar ona bidiyạgeye pagla oco akatʼmea.”