Johan 7:19 - সান্তালী বাইবেল

¹⁹ Mose do cetʼ ạn-ạriko bae emakatʼpea? Menkhan ape modre okoe hõ onako ạn do bape manaoeda. Enḍekhan cedakʼ gojeń lạgitʼ dope kurumuṭuyeda?”

Santali Common Language New Testament

¹⁹ Mose do cetʼ ạn-ạriko bae emakatʼpea? Menkhan ape modre okoe hõ onako ạn do bape manaoeda. Enḍekhan cedakʼ gojeń lạgitʼ dope kurumuṭuyeda?”

Johan 7:19 Iomraidhean Croise

Mathae 12:14

Unre Phạrusiko do barhete oḍok senkate Jisu goje lạgitʼ soṛojontroko dhurạuena.

Mathae 21:38

Menkhan onko cacasko do hopontetʼko ńelkede khan akoreko menjoṅana, ‘nuige sompottiren mạlik doe hoyokʼa. Dela bon gojea,

Mark 11:18

Maraṅ naekeko ar sostor baḍaeko do noa katha ańjomkate Jisu goje lạgitʼ ạt ńam baṛaeko ehopʼena. Onko do Jisuko botoraekan tahẽkana, ente hoṛko do Jisuakʼ cecetʼakʼteko bhaṛo caba akan tahẽkana.

Mark 3:4

Ona tayom Phạrusikoe kuliketʼkoa, “Jirạukʼ mãhãre bhage kạmi ganokʼa se bạṛicʼ kạmi ganokʼa? Jiwi bańcao se bạṛicʼ giḍikakʼ ganokʼa?” Menkhan Phạrusiko do cetʼge bako roṛ ruạṛadea.

Mark 3:6

Unre Phạrusiko do bahrete oḍok hecʼkate Jisu cetʼlekateko gojea ona reaṅ Herod secʼrenko sãote sopolhako dhurạuena.

Johan 1:17

Mose hotete ạn-ạriko em hoylena, menkhan daya ar sạriyakʼtetʼ do Jisu Mạsi hotetege hecʼakana.

Johan 10:39

Unre Jihudi mukhiyạko do Jisu sabe lạgitʼko kurumuṭukeda, menkhan uni do onkoakʼ ti khone paskao calaoena.

Johan 11:53

Ado enhilokʼ khon Jihudi mukhiyạko do Jisu goje lạgitʼ soṛojontroko ehopʼena.

Johan 5:16

Jirạukʼ mãhãre Jisu do noakoe kạmiketʼte Jihudi mukhiyạko do goje lạgitʼko kurumuṭukeda.

Johan 5:18

Jisuakʼ noa katha iạte mukhiyạko do goje reakʼ artetʼ dão ńam baṛaeko ehopʼena, ente uni do eken jirạukʼ mãhã reakʼ niạme rạputʼeda ona do baṅ, bickom Isor do acʼren Baba menteye metaekante acʼ do Isor somane benaokʼkana.

Johan 5:45

Alope hudisa, Baba ṭheniń dusipea; menkhan okoe Mose ṭhenpe as akan uni Mosege ape doe dusipea.

Johan 7:1

Noa tayom Jisu do Gạlilregeye dãṛãnkan tahẽkana. Ar Jihudi mukhiyạko gojeko menetʼ tahẽkante uni do Jihudạ disạmre dãṛãne bạgikeda.

Johan 7:25

Unre Jerusalemren adom adom hoṛko menkeda, “Mukhiyạko gojeko menetʼkan hoṛ do cetʼ nui kangeae?

Aposkạmi 7:38

Nui Mosege hahaṅkarre Israelkoren ona dol modre aboren hapṛamko sãoteye tahẽkana. Ar okoeṭakʼ serma goḍet do sinại burure kathae roṛletʼ tahẽkan, onḍe do nui Mosege serma goḍet sãoteye tahẽkana. Ar abo emabon lạgitʼ jiwetʼ kathako do nui Mosege onḍeye ńamleda.

Galathiko lạgitʼ Pạul Apostolakʼ ciṭhi 3:19

Enḍekhan cetʼ lạgitʼ ạn do? Ona do manwae kạiyetʼkante Isorakʼ gokʼakʼ tulucʼ em juṭucʼena. Ar okoe reaṅe gokʼ dohoakatʼ tahẽkan uni Abrahamren bõs ạuriye hijukʼ hạbicʼ bahal tahen lạgitʼ iạte ạn-ạriko do emlena. Serma goḍetko hotete mitʼṭen dene banarrenicʼ hotete noa ạn do bahal tahẽkana.

Galathiko lạgitʼ Pạul Apostolakʼ ciṭhi 6:13

Khatna ocoakanko hõ coṅ ạn ma bacoko manaoetʼkan. Onko do khatna ocope lạgitʼ sanayetʼkoa jemon noa iạteko sarhao daṛeakʼ baṅma, ape hõ onko dolrepe hecʼakana mente.

Dosar Biboron 1:17

Ar bicạrre okoeyakʼ mẽtʼãhã hõ alope beṅgetʼakʼa ar kạṭicʼ lạṭu sanamkoakʼ kathape ańjomtakoa. Bicạr reakʼ kạmi do Isorakʼkangea; onate okoe manwage alope botorakoa. Ar jãhãṭakʼ bicạr kuṭhingepe bujhạu khan ona do iń ṭhenpe ạguiya, ar iń do onań bicạr chinḍạukatakoa.

Dosar Biboron 33:4

Abo ṭhen Mose okako ạn-ạrikoe emakan, ona do Jakob bõsrenkoakʼ dhon kana.