Johan 6:57 - সান্তালী বাইবেল

⁵⁷ Iń do jiwetʼicʼ Babageye kol akadińạ ar uni iạtege jiwetʼ minạńa. Onkage iń jojomicʼ hõ iń hotete jiwetʼe tahena.

Santali Common Language New Testament

⁵⁷ Iń do jiwetʼicʼ Babageye kolakadińạ ar uni iạtege jiwetʼ minạńa. Onkage iń jojomicʼ hõ iń hotete jiwetʼe tahena.

Johan 6:57 Iomraidhean Croise

Sereńko 18:46

Probhu Isor doe jiwetʼgea. Ińakʼ asray cạṭạini do sarhao hoyokʼtae ma, ar ińakʼ bańcaokʼren Isor doe usulokʼma.

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Mathae 16:16

Simon Patrase roṛ ruạṛkeda, “Am do Mạsi, jiwetʼ Isorren Hopon kanam.”

Johan 14:19

Ar thoṛa ghạṛicʼ khange dhạrtiren hoṛko do ar bako ńel ńameńa, menkhan ape dope ńeleńgea. Iń do jiwetʼge minạńte ape hõ jiwetʼpe tahena.

Johan 14:6

Jisu do Thomae metadea, “Ińge hortetʼ, sạriyakʼtetʼ ar jion do. Iń hotete baṅkhan okoe hõ Baba ṭhen do ohoko calao daṛelena.

Johan 17:21

E Baba cetʼleka ińre jopoṛao menam ar ińhõ amre minạń onkage onko hõ jemon alaṅ soṅge jopoṛaoko tahen. Onate dhạrtiren hoṛkoko pạtiạukʼa je, amgem kol akadińạ.

Johan 3:17

Uni do manwa dusire paṛaoko lạgitʼ acʼren Hopon bae kolakadea bickom Hopon hotete jemon kại khon bańcaoko ńam ona lạgitʼgeye kolakadea.

Johan 5:26

Ente, Baba do cetʼleka acʼre jion menakʼtae onkage uni do Hopon hõ jion tahentae lạgitʼe emakawadea.

Johan 6:29

Jisui metatʼkoa, “Isor okoeye kolakade unire pạtiạukʼge hoyokʼ kana Isorakʼ kạmi.”

Johan 6:38

ente ińakʼ sanaleka kạmi lạgitʼ do baṅ, bickom okoeye kol akadiń uniyakʼ monejoṅ leka kạmi lạgitʼge serma khoniń pheḍ hecʼakana.

1 Korinthiko 15:22

Adam tulucʼ mitʼakante cetʼleka sanam manwageko gujukʼkan, onkage Mạsi tulucʼ mitʼakanko do jotogeko jiwetʼ beretʼ ocokʼa.

1 Korinthiko 15:45

Sostorre nonkage olakana, “Pạhil manwa Adam do jiwetʼ jiwiyanicʼe hoyena.” Ar sesicʼ Adam do jiwetʼ Jiugeye hoyena.

2 Korinthiko 13:4

Uni do nijorreye kurus ocolena, menkhan Isorakʼ daṛete jiwetʼ menaea. Ale do uni sãote mitʼakantele nijorakana, menkhan ape lạgitʼ Isorakʼ daṛete uni tulucʼ jiwetʼle tahena.

Galathiko lạgitʼ Pạul Apostolakʼ ciṭhi 2:20

Iń do Mạsi tulucʼ iń kurus ocoakana. Onate jiwetʼ do bạnuńa, menkhan Mạsige ińre jiwetʼ menaea. Ar okaṭakʼ hoṛmote jioniń khemaokan ona do Isorren Hoponre pạtiạu hotetegeń khemaoeda. Uni do ińe dulạṛkedeńte acʼ apnartetʼe emena.

1 Thessalonikikko 1:9

ente cetʼ lekape ataṅ daram akatʼle ona do hoṛkoko baḍae ocoyetʼlea. Onko do arhõko baḍae ocoakatʼlea je, ape do boṅga buruko ṭhen khon ruạṛkate cetʼleka jiwetʼ ar sạri Isor ṭhenpe hecʼakana jemon unipe sewawaete,

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

1 Johan 4:9

Abo lạgitʼ Isorakʼ dulạṛ do nonkate sodor akana, uni do acʼren eskar janam Hopon noa dhạrtiteye kolkedea jemon uni hotete jion bon ńam.