Johan 6:39 - সান্তালী বাইবেল

³⁹ Okoeye kol akadiń uniyakʼ sana do noage je, uni okoekoe emakawạdiń onko modre mitʼṭen hõ alo jemoniń atʼko bickom mucạtʼ dinreń jiwetʼ beretʼkoa.

Santali Common Language New Testament

³⁹ Okoeye kolakadiń uniakʼ sana do noage je, uni okoekoe emakawạdiń onko modre mitʼṭen hõ alo jemoniń atʼko bickom mucạtʼ dinreń jiwetʼ beretʼkoa.

Johan 6:39 Iomraidhean Croise

Jirimiạ 23:4

Onko cetanre nonkan gukʼpikoń bahalkoa okoe do onkoko ńel todarot daṛeako; unre ińren bhiḍiko bako botorokʼa, bako asokʼ ṭayogokʼa ar okoeṭakʼge bako adokʼa. Iń Probhu Isorge niạ kathań meneda.”

Mathae 10:15

Sạrigeń metapekana, bicạr dinre ona nagraha reakʼ khon Sodom ar Gomora reakʼge boroṅ ḍher sahaokʼa.

Mathae 18:14

Nonkage, aperen sermare menae Babawakʼ hõ mone bạnukʼtaea; noko kạṭicʼko mod khon mitʼ goṭene adokʼ.

Luk 12:32

“Alope botorokʼa, E huḍiń palrenko, ente aperen Baba do apege acʼakʼ rajosṭi emapeye menjoṅkana.

Johan 12:48

Okoe iń bae bạsutạń ar ińakʼ katha bae ańjom uni lạgitʼ do bicạricʼ menaea. Oka kathań roṛakatʼ ona kathage mucạtʼ dinre uni do dusi menteye sạbudea;

Johan 17:12

Iń do tinạkʼ din onko sãoreń tahẽkan unạkʼ din amakʼ oka ńutumem emakawạdiń ona ńutumteń rukhiyạ ạguakatʼkoa. Iń doń horho akatʼkoa ar onko mod khon okoe hõ bako nosṭo akana. Eken okoeyakʼ nosṭokʼ reakʼ katha tahẽkan unigeye nosṭo akana, jemon sonot sostor reakʼ katha purạukʼ.

Johan 17:2

Am do sanam manwako cetanre ektiạriyem emakawadea, jemon okoekom emakawade onko sanamko jaejug jione emako.

Johan 17:24

“E Baba, menjoṅ kạnạń am okoekom emakawạdiń, ińakʼ ṭhonok ńel ocoko lạgitʼ onko do jemon iń okareń tahen onḍeko tahẽ daṛeakʼ. Ona ṭhonok do amgem emakawạdińa, ente dhạrti ạuri sirjạu khonge am dom dulạṛedeń kana.

Johan 17:6

“Dhạrtirenko mod khon okoekom emakawạdiń onko ṭhen amiń sodor akatʼmea. Onko do amrengeko tahẽkana, ar am do ińem emakawạdińa. Onko do amakʼ kathako batao akada.

Johan 17:9

“Sanamko lạgitʼ do bạń nehõrokʼkana, menkhan okoekom emakawạdiń onko lạgitʼ iń nehõramkana, ente amren kangeako.

Johan 18:9

Noa do hoyena Jisui menletʼ katha jemon purạukʼ, “Okoekom emakawạdiń onko modre mitʼ hoṛ hõ bạń atʼakadea.”

Johan 5:28

Noa katha ańjomkate alope hahaṛakʼa, ente nonkan okte daraekana, okoe topare menakʼko onko sanamkoge manwa Hoponakʼ aṛaṅ ańjomteko oḍokʼ hijukʼa.

Johan 6:37

Baba okoekoe emawạń onko jotoge iń ṭhenko hijukʼa. Okoe iń ṭhene hijukʼ uni do oka lekate hõ ohoń oḍok giḍilea,

Johan 6:40

Ińren Babawakʼ sana do nõkʼõe jemon Hoponko beṅgetʼae ar unire pạtiạukʼ mitʼke mitʼ hoṛ do jaejug jion tahentako. Ińge onko do mucạtʼ dinreń jiwetʼ beretʼkoa.”

Johan 6:44

Ińren Baba, one okoeye kol akadiń uni bae ore khan okoe hõ iń ṭhen ohoe hecʼ daṛelena. Ar ińge mucạtʼ dinre uniń jiwetʼ beredea.

Johan 6:54

Jãhãege ińakʼ jele jom ar mãyãme ńũi uni do jaejug jione ńama, ar mucạtʼ dinre uni doń jiwetʼ beredea.

Romiko lạgitʼ Pạul Apostolakʼ ciṭhi 8:11

Okoe do Jisu gocʼko khone jiwetʼ beretʼakade uni Isorren Jiu apeakʼ ontorreye girobas akan khan, enḍekhan Isor do acʼren uni Jiu hotete apeakʼ gujukʼakʼ hoṛmo hõe jiwetʼ ocoytapea.

1 Korinthiko 6:14

Isor do acʼakʼ daṛete gocʼko khon Probhu Isore jiwetʼkedea ar abo hõe jiwetʼ beretʼ bona.

2Timothi 2:19

Enrehõ Isorakʼ gathaoakʼ kajak rehetʼ do teṅgo akana, ar ona cetanre mohor chapakatʼ leka noa kathako ol menakʼa, “Probhu Isor do acʼrenkoe baḍaeyetʼkoa, ar Mạsi do Probhu mente okoeko hohowaekan onko do sanam lekan bedhorom kạmi khonko sahaṛokʼma.”

Jakob 5:15

Ar pạtiạuteakʼ koejoṅ do uni ruạkʼkan hoṛe bogeyea; Probhu Isorge uni doe bogeyea. Ar uniye kại akatʼ khan Isor do uniye ikạyea.

1 Patras 1:5

Ar purạ puri bańcao ạuripe ńam hạbicʼ Isorakʼ daṛete biswạs hotete ape dope horho jaṅge ocoakana. Ar mucạtʼ oktere sodorokʼ lạgitʼ ona bańcaokʼ reakʼ do tear dohoakana.

Jihudạwakʼ ciṭhi 1:1

Iń do Jisu Mạsiren golam ar Jakobren boeha Jihudạ kạnạń. Isor Baba okoekoe hoho are dulạṛ akatʼko ar Jisu Mạsi okoekoe rukhiyạ akatʼko onko ṭhen noa ciṭhi doń oletʼkana.

1 Samuel 25:29

Ińren mạlik goje lạgitʼ jãhãeye khudạulere hõ ińiń baḍaea Probhu Isor do uniyakʼ jiwiye poṭom okokataea are rukhiyạyea. Menkhan amren bạirikoakʼ jiwi do ginḍwạrite dhiri ghiriyạ giḍikakʼ lekageye capatʼ giḍikoa.