Johan 6:37 - সান্তালী বাইবেল

³⁷ Baba okoekoe emawạń onko jotoge iń ṭhenko hijukʼa. Okoe iń ṭhene hijukʼ uni do oka lekate hõ ohoń oḍok giḍilea,

Santali Common Language New Testament

³⁷ Baba okoekoe emawạń onko jotoge iń ṭhenko hijukʼa. Okoe iń ṭhene hijukʼ uni do oka lekate hõ ohoń oḍok giḍilea,

Johan 6:37 Iomraidhean Croise

Sereńko 102:17

Uni do nandankoakʼ koejoṅ reakʼ roṛ ruạṛe emokʼa; onkoakʼ koejoṅ do bae nihạ̃t gidikatakoa.

Sereńko 110:3

Lạṛhại hilokʼ amren hoṛko do akotege lạṛhạiko hijukʼa; ar sonot reakʼ sajte sajkate aṅgakʼ reakʼ kulhi khon sisirdakʼ cetʼleka, onkage am ṭhen amren juạnko do.

Jesaea 41:9

iń do dhạrti reakʼ ses simạna khoniń hoho ạguakatʼmea. Ińiń metatʼmea, ‘am do ińren guti kanam,’ iń do amiń bachao akatʼmea, ar bạń dea gidiakatʼmea.

Jesaea 42:3

Ar talga tạuạkʼ akan chuci do bae rạpuda ar ńũṛũ ńũṛũkʼkan diuhe hõ bae ĩṛĩja. Uni do dhoromte hok reakʼe bicạra.

Jesaea 55:7

Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

Mathae 11:28

“Ape okoe do laṅga ar bojhatepe ten akan, dela iń ṭhen hijukʼpe, ińgeń jirạu ocopea.

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Johan 17:11

Iń do noa dhạrtire ar bạń tahen kana, menkhan onko do noa dhạrtire menakʼkoa; iń do am ṭheniń hijukʼkana. E sonoticʼ Baba, amakʼ oka ńutumem emakawạdiń ona ńutumte noko rukhiyạkom, jemon alaṅ cetʼ leka laṅ mitʼge noko hõ onkage mitʼko tahen.

Johan 17:2

Am do sanam manwako cetanre ektiạriyem emakawadea, jemon okoekom emakawade onko sanamko jaejug jione emako.

Johan 17:24

“E Baba, menjoṅ kạnạń am okoekom emakawạdiń, ińakʼ ṭhonok ńel ocoko lạgitʼ onko do jemon iń okareń tahen onḍeko tahẽ daṛeakʼ. Ona ṭhonok do amgem emakawạdińa, ente dhạrti ạuri sirjạu khonge am dom dulạṛedeń kana.

Johan 17:6

“Dhạrtirenko mod khon okoekom emakawạdiń onko ṭhen amiń sodor akatʼmea. Onko do amrengeko tahẽkana, ar am do ińem emakawạdińa. Onko do amakʼ kathako batao akada.

Johan 6:39

Okoeye kol akadiń uniyakʼ sana do noage je, uni okoekoe emakawạdiń onko modre mitʼṭen hõ alo jemoniń atʼko bickom mucạtʼ dinreń jiwetʼ beretʼkoa.

Johan 6:65

Ona iạteye menkeda, “Onateń metapekana, Ạpuń daṛe bae emape khan okoe hõ iń ṭhen do ohope hecʼ daṛelena.”

Johan 9:34

Khange mukhiyạko doko metadea, “Am ma kạirem janam akan ar alem cetʼale kana?” Noa menkate onko do somaj khonko oḍok gotʼkadea.

Romiko lạgitʼ Pạul Apostolakʼ ciṭhi 5:20

Ạn-ạriko emena jemon behokakʼko ḍherokʼ, menkhan okare behokakʼ ḍherena onḍege Isorakʼ daya hõ artetʼge bạ̃ṛtiyena.

Philipiko lạgitʼ Pạul apostolakʼ ciṭhi 1:29

Ape do eken Mạsirepe biswạs akante dayape ńam akada ona do baṅ, menkhan ona lạgitʼ duk jojom reakʼ daya hõpe em ocoakana.

1Timothi 1:16

Onate Isor do ińe mãyã akawạdińa, jemon iń maraṅ kạiyan hotete Jisu Mạsi do acʼakʼ asambheṛ soboriye udukʼ daṛeakʼ. Ar unire pạtiạukʼ hotete okoe jaejug jionko ńam onko jemon iń ńelteko cetʼ daṛeakʼ onate uni do ińreye nonka akada.

2Timothi 2:19

Enrehõ Isorakʼ gathaoakʼ kajak rehetʼ do teṅgo akana, ar ona cetanre mohor chapakatʼ leka noa kathako ol menakʼa, “Probhu Isor do acʼrenkoe baḍaeyetʼkoa, ar Mạsi do Probhu mente okoeko hohowaekan onko do sanam lekan bedhorom kạmi khonko sahaṛokʼma.”

Ibriko 4:15

Aboren maraṅ naeke do nonkanicʼ doe baṅkana one okoe aboakʼ ńijortetʼre abo tulucʼ duk bae ńam, ente abo leka uni hõ joto secʼ khonge kại reakʼ biḍạu samaṅreye teṅgolena menkhan bae kạileda.

Ibriko 7:25

Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.

Johan sodor 22:17

Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.