Johan 6:31 - সান্তালী বাইবেল

³¹ Aboren hapṛamko ma hahaṅkarre Mannako jomletʼ. Sonot sostorre olakana, ‘Isor do serma khon jom lạgitʼ piṭhại ematʼkoa,’ ”

Santali Common Language New Testament

³¹ Aboren hapṛamko ma hahaṅkarre Mannako jomletʼ. Sonot sostorre olakana, ‘Isor do serma khon jom lạgitʼ piṭhại ematʼkoa,’ ”

Johan 6:31 Iomraidhean Croise

Nehemiạ 9:15

Lacʼ bi ocoytako lạgitʼ amge serma khon jomakʼem ematʼko tahẽkana ar tetaṅ marao ocoytako lạgitʼ do dhiri khon dakʼem oḍok ocoleda. Ar okaṭakʼ disạm emako reakʼem gokʼletʼ tahẽkan onḍe senkate am do ona ạidạri lạgitʼem hukumatʼko tahẽkana.

Nehemiạ 9:20

Ar onko cetʼako lạgitʼ do amren bhạlạiyicʼ atmam danatʼko tahẽkana. Am do onko jom ocoko lạgitʼ serma khon Mannam emalena ar ona do bam bondleda; ar onkoakʼ tetaṅ maraotako lạgitʼ do dakʼem ematʼkoa.

Sereńko 105:40

Onko do jomakʼko khojletʼte uni do gunḍri cẽṛẽkoe kolketʼkoa; ar serma khon piṭhại ematʼkoteye bi ocoketʼkoa.

Exodus 16:35

Hoṛko girobas akan nonkan mitʼṭecʼ jaegare, metakʼme Kanan disạm reakʼ simạnate ạuriko hijukʼ hạbicʼ Israelko do pongel bochor hạbicʼ ona Mannako jomkeda.

Johan 6:32

Jisu do onkoe metatʼkoa, “Sạrigeń metapekana, serma khon oka piṭhạpe ńamletʼ ona do Mose hõ bae emakatʼpea, menkhan ińren Babage sạri piṭhạ serma khone ematʼpe tahẽkana.

Johan 6:49

Aperen hapṛamko do hahaṅkarre Mannako jomleda ar enhõko gocʼena.

Johan 6:58

Noage serma khon pheḍ hecʼakan piṭhạ do. Aperen hapṛamko okaṭakʼ piṭhạ jomkateko gocʼen onkan piṭhạ noa do baṅkana. Noa okoeye joma uni do jaejug hạbicʼ jiwetʼe tahena.

1 Korinthiko 10:3

Isor emakʼ ona mitʼ jiuanakʼ jomakʼgeko jomleda; ar ona mitʼ jiuanakʼ ńũńũakʼgeko ńũleda. Isor emakʼ okaṭakʼ dhiri onko são sãote calakʼkan tahẽkan ona khonge ńũi lạgitʼ dakʼko ńametʼkan tahẽkana; ar Mạsige ona dhiri doe tahẽkana.

Dosar Biboron 8:3

Uni doe nindhạn ocoketʼpea, reṅgecʼ ocoketʼpea ar Mannae jom ocoketʼpea one ona reakʼ katha ape ar aperen hapṛamkoakʼ baḍae baṅ tahẽkan. Onate niạ sikhnạte emapekana, manwa do eken piṭhạ motote jiwetʼ bako tahena, menkhan Probhu Isorakʼ moca khon oḍokokʼkan mitʼke mitʼ kathatege jiwetʼko tahena.

Josuạ 5:12

Onko do oka hilokʼ ona disạm reakʼ jomakʼko jomketʼ ona dosar hilokʼ khonge Manna ńurokʼ do thirena. Ar inạ tayom Israelko do Manna ar bako ńamleda. Ona bochor khon onko do Kanan disạm reakʼ phosol jojomko ehopʼena.

Johan sodor 2:17

Ańjom lạgitʼ lutur menakʼtae hoṛ doe ańjomma, sonot Jiu do manḍerrenko cetʼe metakokana. Ar okoeye jitạukʼ uni do okoakatʼ Manna khon thoṛa Manna ar mitʼṭecʼ ponḍ dhiriń emaea. Ona dhiri cetanre mitʼṭecʼ nãwã ńutum ol tahena one okoehõ ona do bako baḍaekan, eken okoe onae ńam unigeye baḍae daṛeakʼa.