Johan 6:30 - সান্তালী বাইবেল

³⁰ Unreko kulikedea, “Enḍekhan cetʼlekan hahaṛa kạmim udukʼ alete amrele pạtiạu daṛekokʼa? Ar am do cetʼkom kạmikana?

Santali Common Language New Testament

³⁰ Unreko kulikedea, “Enḍekhan cetʼlekan hahaṛa kạmim udukʼ alete amrele pạtiạu daṛekokʼa? Ar am do cetʼem kạmiya?

Johan 6:30 Iomraidhean Croise

1 Rapajko 13:3

Ar enhilokʼge Isorren hoṛ do mitʼṭecʼ cinhạ reakʼ kathae menkeda. Uni doe menkeda, “Probhu Isor do niạ cinhạ reakʼ kathae roṛeda, noa pinḍ do oṛejokʼa ar ona cetan reakʼ torocʼ hõ taral basal ocokʼa.”

1 Rapajko 13:5

Ona chaḍa Probhu Isorakʼ katha leka Isorren hoṛe roṛketʼ cinhạ leka pinḍ do oṛecʼena ar ona reakʼ torocʼ do taral basalena.

Exodus 4:8

Unre Probhu Isore menkeda, “Onko bako pạtiạuam se pạhilakʼ cinhạ reakʼ jãhãn dam bako emam enḍekhan onko do hoedaṛeakʼa dosarakʼko pạtiạuakʼa.

Exodus 7:9

“Pharao tinre hahaṛa kạmi udukʼ lạgitʼe metabena, unre Aronem metaea, ‘Pharao samaṅre amakʼ ṭheṅgam giḍiytama,’ ar unre ona ṭheṅga do bińe hoy godokʼa.”

Jesaea 5:19

Onkoko mena, “Isor doe usạrae ma; uni do acʼakʼ kạmi usạrateye kạmima jemon onale ńel. Israelren uni sonoticʼakʼ goṭawakʼ baṛeye purạukʼtae jemon onale baḍae daṛeakʼa.”

Mark 15:32

Uni do Mạsi, Israelkoren raj! Ńitokʼ kurus khone pheḍ hijukʼma; jemon ona ńelte ale hõle pạtiạukʼ.” Jisu sãote kurus akankin hõ onkage kin siṛogadea.

Mark 8:11

Ado onḍe Phạrusikoko oḍok hecʼen khan Jisu sãote reṭe peṭekʼko ehopʼena, ar biḍạue lạgitʼ serma khon mitʼṭecʼ cinhạko khojkeda.

Johan 10:38

Menkhan ińiń kạmikan khan iń bape pạtiạuạńre hõ ińakʼ kạmiko baṛe pạtiạuakʼpe. Onatepe baḍaea arpe bujhạu daṛeakʼa, Baba do ińre menaea ar iń do Babare minạńa.”

Johan 12:37

Menkhan onko samaṅre cinhạ lekate unạkʼ hahaṛawakʼkoe kạmiketʼre hõ hoṛko do unire bako pạtiạulena.

Johan 2:18

Unre Jihudi mukhiyạko do Jisuko kulikedea, “Noako kạmi reakʼ ektiạriạ je sạrige menakʼtam ona reakʼ cinhạ lekate cetʼ hahaṛa kạmim udukʼ daṛealea?”

Johan 6:14

Jisuakʼ noa hahaṛa kạmi ńelte gadel hoṛkoko menkeda, “Dhạrtite okoeṭakʼ nạbi hijukʼ reakʼ katha menakʼtae sạrige uni nạbi doe nuikangea.”

Johan 6:2

Ar ạḍi utạr hoṛ do Jisuko pańja idikedea, ente rugiko cetanre cinhạ kạmi lekate okako hahaṛa kạmiye kạmi akatʼ tahẽkan onko do onakoko ńelakatʼ tahẽkana.

Johan 6:36

Iń doń lại akawatʼpea, ńel akadińạpe menkhan enhõ ape do bape pạtiạukʼkana.

Aposkạmi 4:30

Amakʼ ti tiyạrtam jemon amren sonot guti Jisu ńutumte onko do hoṛkoko boge daṛeako ar hahaṛa kạmi ar cinhạkoko udukʼ daṛeakʼ.”

1 Korinthiko 1:22

Jihudiko do cinhạ lekate hahaṛa kạmi ńeńelko khojkana ar Junạniko do akelko ńam baṛayetʼ kana;

Ibriko 2:4

Ona salakʼ Isor hõ ạḍi utạr cinhạko ar hahaṛawakʼko ar daṛe kạmiko ar acʼakʼ monejoṅ leka sonot Jiuakʼ daya dankote ona reaṅ gohae emakada.