Johan 5:44 - সান্তালী বাইবেল

⁴⁴ Ape do eṭakʼko ṭhen khon sarhao ocokʼpe ńamkana, menkhan okaṭakʼ sarhao eken Isor ṭhen khon ńamokʼ ona reakʼ do bape kurumuṭuyeda. Ar noa tayom do cekatepe pạtiạu daṛekokʼa?

Santali Common Language New Testament

⁴⁴ Ape do eṭakʼko ṭhen khon sarhao ocokʼpe ńamkana, menkhan okaṭakʼ sarhao eken Isor ṭhen khon ńamokʼ ona reakʼ do bape kurumuṭuyeda. Ar noa tayom do cekatepe pạtiạu daṛekokʼa?

Johan 5:44 Iomraidhean Croise

2 Bõsbudạ 6:8

Menkhan Probhu Isor do ińren ạpuń Dạude metade tahẽkana, ‘iń lạgitʼ mitʼṭecʼ oṛakʼ benao reakʼ monsubạ ontorre menakʼtam ona do bhagegea.

Jirimiạ 13:23

Kus disạmren hoṛ do cetʼ acʼakʼ harta reakʼ roṅ se tạrupʼ do acʼakʼ ṭiklạkʼ ṭiklạkʼ dage pherao daṛeataea? Amhõ onkage bhage kạmi do bam daṛeakʼa, ente bạṛicʼakʼ kạmikoregem lobdhao akana.

Mathae 23:5

Hoṛko ṭhen ńelocokʼ lạgitʼ onko do sanamakʼko kạmiyeda. Sonot sostor reakʼ olakʼ tạbijkoko lạṭuiyeda ar dhorom ńel ocokʼ lạgitʼ oyonakʼ reakʼ ańcarkore jeleń jeleńko dạsiyeda.

Luk 19:17

“Raj do uniye metadea, ‘bes akadam. Am do bhage guti kanam. Ar thoṛawakʼkore pạtiạrem tahẽkante gel goṭecʼ nagraha reakʼ bhariń emamkana.’

Johan 12:43

Onko do Isor ṭhenakʼ man khon hoṛko ṭhenakʼ mange bạ̃ṛtiko kusiyakʼkan tahẽkana.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Johan 3:20

Okoe bạṛicʼakʼe kạmikan uni do marsale hirkhạwakʼ kana. Ar bạṛicʼ kạmiko sodorokʼtae iạte marsal ṭhen do bae hijukʼkana.

Johan 5:41

“Manwakoakʼ sabasi ńam lạgitʼ do bạń kurumuṭuyeda,

Johan 8:43

Cetʼ iạte ińakʼ kathako bape bujhạueda? Ente ape do ińakʼ roṛ bape sahao daṛeakʼ kana.

Romiko lạgitʼ Pạul Apostolakʼ ciṭhi 2:10

Menkhan bhageakʼ kạmikanko do ṭhonok, man ar sulukko hameṭ joṅa. Pạhilre Jihudiko ar ona tayom do boṅgan hoṛ jạtrenkoge.

Romiko lạgitʼ Pạul Apostolakʼ ciṭhi 2:29

Menkhan ontorte okoe doe Jihudikan uni kangeae khạṭi Jihudi. Ar khạṭigeye khatna akan reakʼ kạmi hõ ontorrege hoyokʼa. Ona do sonot Jiu reakʼakʼko kana, olakʼ ạnko pańjae reakʼ do baṅkana. Nonkan hoṛ do manwa secʼ khon sarhao do bako ńama, menkhan Isor secʼ khon sarhao doko ńamgea.

Romiko lạgitʼ Pạul Apostolakʼ ciṭhi 2:7

Okoe sombhuri salakʼ bhage kạmikote Isor ṭhen khon ṭhonok, man ar bin maraokʼ jionko khojkan, onkoge Isor do jaejug jione emakoa.

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

2 Korinthiko 10:18

ente apnarte sarhaokʼicʼ do okoe hõ bhage mente bae sạbudokʼa, bickom Probhu Isor okoeye sarhaoe unige bhage menteye sạbudokʼa.

Philipiko lạgitʼ Pạul apostolakʼ ciṭhi 2:3

Apnarakʼ porho lạgitʼ se michạ bạḍạite cetʼ hõ alope cekaya, bickom nindhạn monte eṭakʼko apnar khon soros mente bujhạukope.

1 Thessalonikikko 2:6

Hoṛko ṭhen khon, metakʼme ape ṭhen se eṭakʼ jãhãeko ṭhen khon sarhao ńam reakʼ do bale kurumuṭu akada. Ale do Mạsiren apostolko lekate aleakʼ ạidạri ape cetanrele khaṭao daṛekea,

1Timothi 1:17

Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

Ibriko 3:12

E boehako, sontor akae tahenpe! Ape modre okoeyakʼ monrehõ bạṛicʼ ar bepạtiạu jemon alo tahen. Nonkan mon do jiwetʼ Isor khon pharakokʼa.

Jakob 2:1

E ińren boehako, aboren ṭhonokte perecʼ Probhu Jisu Mạsirepe pạtiạu akan khan sanamko somante beṅgetʼ akope.

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

1 Samuel 15:30

Sạule menkeda, “Iń doń kại akada; enhõ ińakʼ nehõr do niạge, iń jạtren murubbiko ar Israelko samaṅre ińakʼ manot baṛe dohoytińme. Jemon iń do amren Probhu Isorriń sewa daṛeae onate iń sãote dela calakʼme.”

1 Samuel 2:30

“Ona iạte Israelkoren Probhu Isore meneda, ‘iń doń khạṭigeń menleda, am ar amren hapṛamakʼ bõsren hoṛ do jaejug iń sewawạń reakʼko kạmiya;’ menkhan ńitokʼ Probhu Isore meneda, ‘ona do ar baṅ hoyokʼa. Okoe ińko manotiń iń hõ onkogeń manotkoa ar okoe ińko nisṛạuiń onko do ako hõko nisṛạu ocokʼa.