Johan 5:35 - সান্তালী বাইবেল

³⁵ Johange ona jolokʼkan diuheye tahẽkana one okaṭakʼ do ḍig ḍigạukʼkan tahẽkan; ar ape do thoṛa okte lạgitʼ uniyakʼ ona marsalre hulạsokʼpe kusilena.

Santali Common Language New Testament

³⁵ Johange ona jolokʼkan diuheye tahẽkana one okaṭakʼ do ḍig ḍigạukʼkan tahẽkan; ar ape do thoṛa okte lạgitʼ uniakʼ ona marsalre hulạsokʼpe kusilena.

Johan 5:35 Iomraidhean Croise

2 Samuel 21:17

Menkhan Seruya hopon Abisae do Dạude rukhiyạkedea. Uni do Philisṭi hoṛe ńẽtʼkedea are gocʼkedea. Unre Dạudren hoṛko do kiriạwate Dạudko metadea, “Ar tishõ ale sãote lạṛhại do alom oḍok calakʼa, Israel reakʼ diuhe do alom ĩṛĩcʼ ocoya.”

Exodus 34:35

Ar hoṛko ńeletʼ tahẽkana, Moseyakʼ mẽtʼãhã do malkao akana. Mose do arhõ acʼakʼ mẽtʼãhãe esetʼkakʼkan tahẽkana ar Probhu Isor sãote galmaro lạgitʼ ạuriye calakʼ hạbicʼ uniyakʼ mẽtʼãhã do poṭom esetʼge tahenkan tahẽkana.

Jeheskel 33:31

Ińren hoṛ do hewa lekate am ṭhenko hijukʼkana ar amakʼ kathako ańjomeda ar am samaṅreko duṛubokʼ kana, menkhan onka do bako kạmikana. Mocatege onko do dulạṛ reakʼ kathako roṛeda menkhan onkoakʼ mon do labjoṅrege gaḍao akantakoa.

Daniel 12:3

Okoeyakʼ bujhạu reakʼ daṛe menakʼtako, metakʼme okoe do ḍher hoṛko dhorom reakʼ horteko ạguakatʼko onko do sermaren marsal ar jolokʼkan ipil leka jaejug jol akanko tahena.

Mathae 11:11

Sạrigeń metapekana, maejiuko khon janam akan modre Johan bạbạptisicʼ khon maraṅ do ar okoe hõ bạnukʼkoa. Menkhan serma rajre okoe do joto khone huḍińge uni do Johan khon hõe maraṅgea.

Mathae 21:26

Ar bon menle khan ‘manwa secʼ khon,’ enḍekhan ma gadel hoṛ bon botorakokan, ente sanamkoge Johan do mitʼṭen nạbi menteko manaoedea.”

Mark 1:5

Onate Jihudạ disạm ar Jerusalem nagraharen sanam hoṛko do oḍok hecʼente Johan ṭhen hijukʼko ehopʼena. Ar tinre onko do akoakʼ kạikoko aṅgocketʼa unre Johan do Jordan gaḍareye bạptisketʼkoa.

Mark 6:20

menkhan Herod do Johane botoraekan tahẽkana. Ente Johan do mitʼṭen dhorom ar sonot hoṛ menteye baḍae akade tahẽkana, ar onate uni do muskilakʼko khone rukhiyạyede tahẽkana. Herod do Johanakʼ kathako ańjomkate monre jut bae ạikạuetʼ tahẽkanre hõ uniyakʼ kathako ańjom doe kusikʼkan tahẽkangea.

Luk 7:28

Ińiń metapekana, manwako modre Johan khon maraṅicʼ do okoe hõ bạnukʼkoa; enrehõ Isorakʼ rajre huḍiń utạricʼ do Johan khone maraṅgea.”

Johan 6:66

Jisuakʼ noa katha iạte celako modre ḍher hoṛgeko pạcena ar uni tulucʼ ar bako dãṛãleda.

2 Patras 1:19

Sostorre nạbiko okakoko menakatʼ ona do ale ṭhen sạrikana mente sạbud akana. Ńutre apeakʼ mẽtʼ do cetʼleka diuhe secʼ tahenkan onkage, tin hạbicʼ baṅ setagokʼ ar apeakʼ ontorre bhurkạ ipil bae rakabokʼ, unhạbicʼ nạbikoakʼ kathape luturakʼ khan ape dope bhagekea.