Johan 5:3 - সান্তালী বাইবেল

³ Ar onako jaegare ạḍi utạr rugiko tahẽnkan tahẽkana. Onko modre kãṛãko, leḍhako, ar hoṛmo rohoṛ akantako hoṛ hõ onḍeko tahẽkana.

Santali Common Language New Testament

³ Ar onako jaegare ạḍi utạr rugiko tahẽnkan tahẽkana. Kãṛãko, leḍhako, ar hoṛmo rohoṛ caba akan hoṛko hõ onko modreko tahẽkana.

Johan 5:3 Iomraidhean Croise

1 Rapajko 13:4

Bethel reakʼ pinḍ upạrte Isorren hoṛakʼ katha ańjomkate Jerobiam do pinḍ cetanre ti tiạrkateye menkeda, “Uni sabepe.” Menkhan uni hoṛ sabe lạgitʼ okaṭakʼ tiye tiạrketʼtae ona do borocʼentaea. Ona do ar bae or ruạṛ daṛeada.

Kạhtukko 8:34

Okoe hoṛ ińakʼ kathako ańjom ar dinạm hilokʼ ińakʼ duạr ṭhen ebhen akane tahen ar ińakʼ silpińko ṭhene tạṅgi hataṛ uni doe bhạgangea.

Rak̕joṅ 3:26

Probhu Isor khon bańcao ạuri hoyokʼ hạbicʼ jiwi hataṛkate koyokʼ horge bhagea.

Sakariạ 11:17

“Hae, uni lelha gupiyicʼ do, one okoe do palrenko bạgikateye calakʼ kan! Tarwaṛe do uniyakʼ ti ar jojomsa reakʼ mẽtʼgeye ghạltaea. Onate uniyakʼ ti do borojokʼtaea ar uniyakʼ jojomsa reakʼ mẽtʼ do kãṛãkʼtaea.”

Mathae 15:30

Unre gadel hoṛ do soṅgete, leḍhako, kãṛãko, ṭhunṭạko, guṅgạko ar eṭakʼkoko ạgu daraketʼkoa. Ar uniyakʼ jaṅga ṭhenko dohoketʼko khan uni doe bogeketʼkoa.

Mathae 4:24

Uniyakʼ katha do Siriạ disạm reakʼ sanam jaegakore pasnao idiyena. Ar hoṛko do ạḍi lekan rog bighinte sasetokʼkanko, bhut capaṛ akawatʼko, mirgi ar mitʼ kaṛ gocʼ rogteko jạbun akanko Jisu ṭhenko ạguketʼkoa. Ar uni do onko sanamkoe bogeketʼkoa.

Luk 7:22

Ona tayom Johanren cela roṛ ruạṛatʼkinteye metatʼkinạ, “Okako ben ńelketʼ arben ańjomketʼ ona calaokate Johan lạiyae ben. Ar baḍae ocoyeben je, kãṛã hoṛko ńeńel kana, leḍhakoko taṛameda, murhucʼ jom hoṛko bogekʼkana, kala hoṛko ańjomeda, gocʼkoko jiwetʼ beredokʼ kana ar reṅgecʼ orecʼko ṭhen do bhage sombat porcarokʼ kana.

Johan 5:2

Jerusalemre bhiḍi-phaṭokʼ ṭhen mitʼṭecʼ pukhri menakʼa; onḍe do mõṛẽ goṭecʼ umul akatʼ jaega menakʼa. Ibri pạrsite ona pukhri reakʼ ńutum do Bethsaedako metakʼkana.

Johan 5:4

Ar mitʼṭen serma goḍet do okte oktere ona pukhrire pheḍkate dakʼe laṛao oṭokakʼkan tahẽkana ar ona tayom pạhilre okoe ona dakʼreye pheḍ maṛaṅokʼ uni do joto lekan rog khone boge utạrokʼkan tahẽkana. Ar rugiko do dakʼ laṛaokʼ reakʼko koyokʼ horetʼ tahẽkana.

Romiko lạgitʼ Pạul Apostolakʼ ciṭhi 8:25

Menkhan oka baṅ ńam akan ona reakʼ aboakʼ as tahen khan enḍekhan abo do sombhurikatere hõ ona lạgitʼ bon ńel hohorkana.

Jakob 5:7

Onate E boehako, tin hạbicʼ Probhu Isor bae hijukʼ unhạbicʼ jiwi hataṛkate jotowakʼ sahaope. Cetʼleka casa do khet reakʼ damanakʼ phosol lạgitʼe ńel horetʼkan ar pạhil ar mucạtʼ dakʼ lạgitʼe sombhuriyetʼ, ona mape ńeletʼkange?