Johan 5:23 - সান্তালী বাইবেল

²³ Baba cetʼlekako manotede onkage jemon Hopon hõko manote. Hopon okoe bae manotede, uni do kol akadińicʼ Baba hõ bae manotea.

Santali Common Language New Testament

²³ Baba cetʼlekako manotede onkage jemon Hopon hõko manote. Hopon okoe bae manotede, uni do kolakadińicʼ Baba hõ bae manotea.

Johan 5:23 Iomraidhean Croise

Sereńko 2:12

Ape do uni hopon manot emaete cokʼaepe, jemon ape cetanre bekusi aloe tahen ar calakʼ horre alope maraokʼ; ente mitʼ ripitʼrege uniyakʼ edre do jolokʼtaea. Bhạgangeako, one okoe do unireko hilrạjoṅ kan.

Jesaea 42:8

“Iń kangeạń Probhu Isor do, ińakʼ ńutum do niạ kangea. Ińakʼ man ar sabasi do eṭakʼ boṅga murhutʼko bạń em ocoakokana.

Jesaea 44:6

Probhu Isor, okoe do Israelren raj are babańcaoicʼ kan, okoe doe phạdkoren Probhu Isor kan, uni do niạ kathae meneda, “Ińge pạhilicʼ ar Ińge sesicʼ; iń chaḍa ar cele Isorge bạnukʼkoa.

Jesaea 45:15

E Israelren Isor ar babańcaoicʼ, sạrige am do nonkan Isor kanam okoe do danaṅrem tahenkan.

Jesaea 45:21

Dela, mambla samaṅtape, dạkhiltape; ar mitʼsãote sopolhaepe. Niạ ghoṭna hoyokʼ ona do laha khon okoeye men akawatʼpea? Sedaeakʼ ona do lahare okoeye sodor akada? Iń Probhu Isorge cetʼ ona do bạń onka akada? Iń chaḍa ar cele Isorge bạnukʼkoa; iń do dhoromren Isor kạnạń, ar babańcaoicʼ hõ ińge. Iń chaḍa ar cele Isor hõ bạnuiya.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Mathae 10:37

“Jãhãege, acʼren eṅgat-apat iń khon bạ̃ṛtiye dulạṛkin uni do ińre lek doe baṅkana. Ar jãhãe acʼren gidrạko iń khon bạ̃ṛtiye dulạṛko uni hõ ińre lek doe baṅkana.

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍae edekana, Hopon okoe ṭhen Baba sodoreye menjoṅkan unige uni doe baḍaeyea.

Mathae 12:21

Ar porjạtrenko do uniyakʼ ńutumreko bhorsakʼa.

Mathae 15:8

noko hoṛ do mocategeko ganaoedeń kana, menkhan onkoakʼ ontor do iń khon sạṅgińgetakoa.

Mathae 28:19

Onate sanam jạtren hoṛko ṭhen calakʼpe ar ińren cela hoyocokope. Ar Baba, Hopon, Sonot Jiu ńutumte bạptiskope.

Luk 10:16

Jisu do arhõ celakoe metatʼkoa, “Okoe apeakʼ kathako ańjometʼkan onko do ińakʼ kathageko ańjomeda. Okoe apeko nihạ̃tetʼpe onko do ińgeko nihạ̃tediń kana. Ar okoe ińko nihạ̃tedińkan onko do kol akadińicʼgeko nihạ̃tedekana.”

Johan 14:1

“Apeakʼ mon do alo khad badaokʼtape ma. Isorre pạtiạukʼpe ar ińre hõ pạtiạu akae tahenpe.

Johan 16:14

Uni sạriyakʼren Jiuge ińakʼ ṭhonoke sodora, ente jãhãnakʼgeń cekae ariń roṛ onage uni do ape ṭhene sodora. Babawakʼ oka menakʼtae onako sanamakʼge ińakʼ kana.

Johan 17:10

Ińakʼ sanamakʼko do amakʼ kana, ar amakʼ sanamakʼ hõ ińakʼ kangea. Ar onkore ińakʼ ṭhonok do sodor akana.

Romiko lạgitʼ Pạul Apostolakʼ ciṭhi 1:7

Rom nagraharen okoeko hoṛ do Isore dulạṛetʼko ar acʼren hoṛ hoyokʼ lạgitʼe hohoakatʼko, onko sanamko ṭhen, metakʼme ape ṭhenge iń do noa ciṭhiń oletʼkana. Aboren Isor Baba ar Probhu Jisu Mạsi doe mãyã apema ar suluke dan apema.

Romiko lạgitʼ Pạul Apostolakʼ ciṭhi 15:12

Arhõ Jesaeae meneda, okoe doe Jisại reakʼ kahle kan, uni doe hijukʼa, uni do joto jạtrenko cetanre rajokʼ lạgitʼe teṅgona. Ar sanam jạtren hoṛko do unireko bhorsakʼa.

Romiko lạgitʼ Pạul Apostolakʼ ciṭhi 6:22

Menkhan ńitokʼ do kại khonpe sạdhin akante Isorren golampe hoyakana. Onate porho do noage hoyakana, ape dope sonot ocokʼa, ar ona reakʼ mucạtʼ jo do hoyokʼkana jaejug jion.

Romiko lạgitʼ Pạul Apostolakʼ ciṭhi 8:9

Menkhan Isorren Jiu apeakʼ ontorreye berel akan khan ape do kại gobolren dope baṅkana bickom sonot Jiu gobolren kanape. Okoeyakʼ ontorre Mạsiren Jiu bạnui uni do Mạsiren doe baṅkana.

1 Korinthiko 1:3

Aboren Isor Baba ar Probhu Jisu Mạsiyakʼ daya ar suluk do ape sanamko tulucʼ baṛe tahenma.

1 Korinthiko 10:31

Onate ape do jãhãnakʼgepe jom-ńũi ar jãhãnakʼgepe cekae, jotowakʼge Isorakʼ ṭhonokʼ lạgitʼ kạmipe.

1 Korinthiko 16:22

Jãhãe hoṛ Probhu Isor bae dulạṛe khan sarapicʼe hoyokʼma. Maran atha [Probhu Isore darae kana].

1 Korinthiko 6:19

Se bape baḍaea, apeakʼ ontorre okoeye tahenkan ar okoe do Isor ṭhen khonpe ńamakade, uni sonot Jiuakʼ tahen mundilge apeakʼ hoṛmo hạṭińko kana mente?

2 Korinthiko 1:9

Alele hudisetʼ tahẽkana, niạ dhao do khạṭigele gujukʼa. Menkhan ona dosa do noa lạgitʼge paṛaoatʼle tahẽkana jemon apnarre bhorsa baṅkate, okoe gocʼkoe jiwetʼ beretʼetʼko, uni Isorre bhorsa akanle tahen.

2 Korinthiko 13:14

Aboren Probhu Jisu Mạsiyakʼ daya ar Isorakʼ dulạṛ ar sonot Jiu reakʼ helmel ape jotoko tulucʼ baṛe tahenma.

2 Korinthiko 5:14

Mạsiyakʼ dulạṛge ale doe gobol akatʼlea, ente khạṭigele bujhạuakada je, sanamko lạgitʼ mitʼ hoṛe gocʼena, ar ona iạte sanamgeko gocʼena.

2 Korinthiko 5:19

Metakʼme, Isor do manwawakʼ ghạṭko bae lekhayetʼtakote Mạsi hotete acʼ tulucʼe samgeyetʼkoa, ar ona samge reakʼ kathako baḍae ocoko reakʼ dạyik do aleye emakatʼlea.

Ephesiko lạgitʼ Pạul Apostolakʼ ciṭhi 6:24

Aboren Probhu Jisu Mạsire okoekoakʼ bin mucạtʼ dulạṛ menakʼ onko sanamkore Isorakʼ daya baṛe tahenma.

2Timothi 1:12

Ar ona iạte noako dukiń jomakada; ar enrehõ bạń lajaokʼkana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiyakʼ hijukʼ din hạbicʼ rukhiyạ lạgitʼ daṛe menakʼtaea mente.

Ibriko 1:6

Baṅ, ona do bae menakada. Isor do acʼren dulạṛiạ Hopon noa dhạrtite kole jokhecʼe men akada, “Isorren sanam goḍetko do uniko sewawae ma.”

2 Patras 1:1

Iń Simon Patras do Jisu Mạsiren mitʼṭen golam ar apostolge. Aboren Isor ar babańcaoicʼ Jisu Mạsi doe dhoromgea, ar ona iạte ape hõ ale leka inạ bin mucạtʼ damrepe biswạs akana. Ar noa iạtege ape ṭhen niạ ciṭhiń oletʼkana.

2 Patras 3:18

Ape do aboren Probhu Isor ar babańcaoicʼ Jisu Mạsiyakʼ daya ar uni reaṅ akelte hara rakabokʼpe. Ńit ar jaejug hạbicʼ uniyakʼge ṭhonok hoyokʼtae ma. Amen.

1 Johan 2:23

Okoe Hopon bae aṅgoce uni tulucʼ Babawakʼ do jãhãn jopoṛao bạnukʼtaea, menkhan Hopon okoeye aṅgoce uni tulucʼ do Babawakʼ hõ jopoṛao menakʼtaea.

2 Johan 1:9

Okoe Mạsiyakʼ sikhnạtko taṛam parom ar ona sikhnạtre ṭarhao akae bako tahen, onkoakʼ ontorre Isor do bạnugicʼan. Menkhan okoe ona sikhnạtre ṭarhao akane tahenkan uniyakʼ ontorre do Baba ar Hopon bana hoṛge menakʼkinạ.