Johan 5:10 - সান্তালী বাইবেল

¹⁰ Onate Jihudi mukhiyạko do uni hoṛko metadea, “Teheń do jirạukʼ mãhã kana; ar dhorom reakʼ niạm lekate aṭetʼakʼ kuṭuṅ baṛae do lek baṅkana.”

Santali Common Language New Testament

¹⁰ Onate Jihudi mukhiạko do uni hoṛko metadea, “Teheń do jirạukʼ mãhã kana; ar dhorom reakʼ niạm lekate aṭetʼakʼ kuṭuṅ baṛae do lek baṅkana.”

Johan 5:10 Iomraidhean Croise

Jesaea 58:13

“Jirạukʼ mãhãpe manao ar ińakʼ sonot dinre apnar tirpitokʼ lạgitʼ bape kạmi; menkhan jirạukʼ mãhã do hạ̃sakʼ ar Probhu Isorakʼ din do manotanakʼ mentepe bujhạu, ar apnar kusileka sen baṅkate ona dinpe sonot ar apeakʼ kusileka bape kạmi se bạṛicʼ kathako bape roṛ,

Jirimiạ 17:21

Probhu Isore meneda, ‘sontor akae tahenpe; jirạukʼ mãhãre jãhãn bojha alope idi ạguiya se Jerusalem reakʼ phaṭok bhitrite alope adera.

Jirimiạ 17:27

Menkhan ińakʼ katha bape ańjom ar jirạukʼmãhã iń ńutumte bape begar dohoy ar Jerusalem phaṭok duạrte enhilokʼ bojhakope ader, enḍekhan Jerusalem reakʼ sanam phaṭok duạrkore seṅgeliń lagaoa ar ona do Jerusalem reakʼ dolankoe joma. Ona seṅgel do okoehõ bako ĩṛicʼ daṛeakʼa.’ ”

Mathae 12:10

Onḍe do mitʼṭen hoṛe tahẽkana one okoe do mitʼ ti borocʼge tahẽkantae. Phạrusiko do uniko kulikedea, “Dhorom reakʼ niạm lekate jirạukʼ mãhãre jãhãe bogeye do ganokʼgea?”

Mark 2:24

Ona ńelte Phạrusiko do Jisuko metadea, “Dhorom reakʼ niạm lekate jirạukʼ mãhãre oka baṅ ganokʼ ona do cedakʼko kạmikana?”

Mark 3:4

Ona tayom Phạrusikoe kuliketʼkoa, “Jirạukʼ mãhãre bhage kạmi ganokʼa se bạṛicʼ kạmi ganokʼa? Jiwi bańcao se bạṛicʼ giḍikakʼ ganokʼa?” Menkhan Phạrusiko do cetʼge bako roṛ ruạṛadea.

Luk 13:14

Jisu do jirạukʼ mãhãreye bogekedete sunạgogren mukhiyạ doe edreyente hoṛkoe metatʼkoa, “Kạmi lạgitʼ turui din ma menakʼge. Onate jirạukʼ mãhãre baṅ hecʼkate ona turui din bhitrire hecʼkate boge ocokʼpe.”

Luk 23:56

Ona tayom ruạṛ senkate uniyakʼ hoṛmore lạgitʼ mahkaokʼ sunum ar mosolako tearkeda. Ar ona tayom do Moseyakʼ hukum leka jirạukʼmãhã hilokʼ doko jirạuena.

Luk 6:2

Unre adom Phạrusikoko menkeda, “Dhorom reakʼ ạn lekate jirạukʼ mãhãre baṅ ganoakʼ do cedakʼpe onkayeda?

Johan 1:19

Jihudi mukhiyạko do Jerusalem nagraha khon naekeko ar Liwiko Johan ṭhenko kolketʼko khan Johan do onko ṭhen gohae emkeda. Onko doko kulikedea, “Am dom okoe kana?”

Johan 5:11

Unre uni do mukhiyạkoe metatʼkoa, “Menkhan okoeye boge akadiń unige ‘aṭetʼ kuṭuṅkate taṛam baṛaeye metadińạ.’ ”

Johan 5:15

Unre uni hoṛ do calaokate Jihudi mukhiyạkoe lạiyatʼkoa, acʼ okoeye bogeakade uni doe Jisu kana.

Johan 5:16

Jirạukʼ mãhãre Jisu do noakoe kạmiketʼte Jihudi mukhiyạko do goje lạgitʼko kurumuṭukeda.

Johan 7:23

Moseyakʼ ạn alo rạpud lạgitʼ jirạukʼ mãhãre gidrạkope khatnayetʼko khan, enḍekhan jirạukʼ mãhãre mitʼṭen hoṛiń bogekedete cedakʼpe edreạń kana?

Johan 9:16

Noate Phạrusiko modren adomko doko menkeda, “Uni hoṛ do Isor ṭhen khon bae hecʼakana, ente uni do jirạukʼ mãhã hõ bae manaoeda.” Eṭakʼ Phạrusiko doko menkeda, “Cekate mitʼṭen kại hoṛ do nonkan hahaṛawakʼe kạmi daṛekea?” Nonkate onko talare bhinạ bhini hoyena.