Johan 4:41 - সান্তালী বাইবেল

⁴¹ Unre uniyakʼ katha ańjomkate arhõ ạḍi utạr hoṛko pạtiạuena.

Santali Common Language New Testament

⁴¹ Unre uniakʼ katha ańjomkate arhõ ạḍi utạr hoṛko pạtiạuena.

Johan 4:41 Iomraidhean Croise

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

Luk 4:32

Ar hoṛko do uniyakʼ cecetʼakʼteko hahaṛa cabayena, ente uni do ektiạri menakʼtae hoṛ lekae cetʼakokan tahẽkana.

Johan 4:40

Onko do Jisu ṭhen hecʼkate ako sãote tahen lạgitʼko nehõradea. Onate Jisu do onḍe bar dine tahẽyena.

Johan 4:42

Onko do uni maejiuko metadea, “Ńitokʼ do eken amakʼ katha iạtele pạtiạukʼ kana ona do baṅ, menkhan uniyakʼ katha ańjomkatele bujhạu daṛeakʼ kana, sạrige uni do manwakoren babańcaoicʼ kanae.”

Johan 6:63

Manwa hoṛmo do oka kaj reakʼ hõ baṅkana; sonot Jiuge jione emokʼkana. Okako katha ape ṭheniń roṛakatʼ ona do jiu ar jion kana.

Johan 7:46

Adoko menkeda, “Uni hoṛ cetʼ lekae roṛetʼkan onka do okoe hõ tisge bako roṛakada.”

Aposkạmi 1:8

Menkhan sonot Jiu apereye hecʼlenre ape do daṛepe ńama, ar Jerusalemre, goṭa Jihudạre ar Samariạre, hẽ, dhạrti reakʼ mucạtʼ simạko hạbicʼ ińren gohakope hoyokʼa.”

Aposkạmi 15:3

Antiokiạ manḍerrenko do onkoakʼ calakʼ reakʼko bebostakeda. Ado Phoenikiạ ar Samariạ Prodes talate calakʼ jokhecʼ Pạul ar Barnabas do hoṛkokin baḍae ocoketʼkoa, boṅgan hoṛ jạtrenko do Isor secʼ cetʼlekako ạcurokʼkana mente. Ar noa khobor ańjomkate sanam biswạsikoge ạḍiko kusiyena.

Aposkạmi 8:12

Menkhan Philip do tinre Isorakʼ raj ar Jisu Mạsi reaṅ bhage sombate porcarkeda unre hoṛko do uniyakʼ kathareko pạtiạuena ar herel ar maejiukoko bạptisena.

Aposkạmi 8:25

Inạ tayom Patras ar Johan do Probhu Isor reaṅ goha emkate Jerusalemtekin ruạṛ calaoena. Ar calakʼ calakʼte unkin do Samariạkoakʼ aema atokore bhage sombatkin porcar idikeda.

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.