Johan 4:23 - সান্তালী বাইবেল

²³ Menkhan okte daraekana, ar ńit hõ kangea, one unre sạri sewako do Jiu ar sạriyakʼte Babako sewawaea. Ar Baba hõ nonkan sekʼwakogeye ńam baṛayetʼkoa.

Santali Common Language New Testament

²³ Menkhan okte daraekana, ar ńit hõ kangea, one unre sạri sewako do Jiu ar sạriakʼte Babako sewawaea. Ar Baba hõ nonkan sewakogeye ńam baṛayetʼkoa.

Johan 4:23 Iomraidhean Croise

1 Bõsbudạ 29:17

E ińren Isor, ińiń baḍaea, am do ontorem biḍạu aṭkaretʼkana ar dhorom iạtem kusikʼkana. Noako jinis do mon ar ontor khon kusiteń em akatʼmea. Ar ńitokʼ do ona ńelteń rạskạkʼ kana, amren hoṛko okoe do nonḍe menakʼko onko hõko kusikʼkana.

Sereńko 147:11

menkhan okoe uniko botorae ar uniyakʼ dulạṛre asko dohoyetʼ, onko iạtege Probhu Isor doe rạskạkʼa.

Sereńko 17:1

E Probhu Isor, dhorom reakʼ katha ańjomme, ar ińakʼ rakʼjoṅ luturakʼme; ińakʼ bin phạsiara moca reakʼ koejoṅ baṛe ańjomtińme;

Sereńko 32:2

Bhạgangeae uni hoṛ, one okoeyakʼ dosko Probhu Isor doe ikạ akatʼtae, ar ontorre jãhãn eṛeteakʼ bạnukʼtae.

Sereńko 51:6

Am do ontorre sạriyakʼ ńeljoṅem khojkana; ar amge ińakʼ ontor reakʼ khạndritetʼre ạkilem cetʼạń kana.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Soros sereń 2:14

E potamtiń, huṭupʼ dhiri lopakʼre tahenicʼ buru cuṛạ pakhakore menamicʼ, amakʼ rup baṛe ńel ocoyińme, amakʼ aṛaṅ baṛe ańjom ocoyińme, ente am dom cehragea ar aṛaṅ do heṛemgetama.

Jesaea 10:20

Enhilokʼ Israelren jiwetʼ tahen hoṛko, metakʼme Jakobakʼ bõsren sarecʼ hoṛ do akoren hạhạnko cetanre ar bako bhorsakʼa, menkhan Probhu Isor cetanre, Israelren uni sonoticʼ cetanre sạrigeko bhorsakʼa.

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

Jesaea 43:21

Onko hoṛko do iń apnar lạgitʼ iń benao akatʼkoa jemon ińakʼ ṭhonokko sodor daṛeakʼ.

Jesaea 58:2

Onko do dinke din ińko ńam baṛańkana ar ińakʼ hor bakʼḍae lạgitʼko rạskạkʼ kana; onko do nonkan jạtren kanako okoe do dhoromko kạmikante Isorakʼ ạn bako bạgiyakʼkan; onko do iń ṭhen dhorom bikʼcạrko khojkana jemon Isor ṭhen hijukʼ lạgitʼko rạskạkʼ.

Jirimiạ 3:10

Ar niạko hoyenre hõ Israelren bepạtiạricʼ boeha kuṛi Jihudạ do acʼakʼ goṭa monte do baṅa menkhan eken iń ṭhen ruạṛ hijukʼ reakʼe bhankeda. Iń Probhu Isorge noa katha doń meneda.”

Jirimiạ 4:2

ar sạriyakʼte, hokte ar dhoromte ‘jiwetʼ Probhu Isor ńutumtem’ kiriạkʼ, enḍekhan boṅgan hoṛ jạtrenko do unireko bhorjoṅa ar uniregeko sarhaokʼa.”

Jeheskel 22:30

“Iń do onko talare nonkan mitʼ hoṛakʼ khojiń hataokeda, okoe do bhite gathao rakab ar disạmren hoykate bhit reakʼ paṛakʼre iń samaṅreye teṅgokʼ jemon disạm do aloń dhaṅdhaser daṛeakʼ, menkhan celege bạń ńamletʼkoa.

Johan 1:17

Mose hotete ạn-ạriko em hoylena, menkhan daya ar sạriyakʼtetʼ do Jisu Mạsi hotetege hecʼakana.

Johan 12:23

Unre Jisu do Andreas ar Philipe metatʼkinạ, “Manwa Hopon do ṭhonok sodorokʼ reakʼ okte seṭer akantaea.

Johan 16:2

Sunạgog khonko oḍok idipea; ar nonkan okte hijukʼ kana one okoe apeko gocʼpe onko doko monejoṅa, Isorgeko sewawae kana mente.

Johan 16:32

Ńelpe, ona okte do hijukʼkana, hẽ hecʼakangea, unre ape dope chirchạturokʼa ar iń eskarpe bạgi oṭowạńte apan ạpin jaegatepe calakʼa, enrehõ iń do bạń eskara, ente iń tulucʼ do Baba menaea.

Johan 4:21

Jisu do uniye metadea, “Ańjomme ar ińakʼ kathare pạtiạukʼme, ente nonkan okte hijukʼ kana unre Isor Baba do noa burure hõ baṅ ar Jerusalemre hõ bape sewawaea.

Johan 5:25

Sạrigeń metapekana, nonkan okte hijukʼ kana, bickom ńitokʼkangea, tinre gocʼko do Isorren Hoponakʼ aṛaṅko ańjoma ar tinạkʼko ańjom onko doko jiwedokʼa.

Johan 5:28

Noa katha ańjomkate alope hahaṛakʼa, ente nonkan okte daraekana, okoe topare menakʼko onko sanamkoge manwa Hoponakʼ aṛaṅ ańjomteko oḍokʼ hijukʼa.

Romiko lạgitʼ Pạul Apostolakʼ ciṭhi 1:9

Isorren Hopon reaṅ bhage sombat porcarte ińakʼ goṭa ontorte iń do Isoriń sewawae kana. Iń do tinạkʼ dhaoiń koejoṅkan unạkʼ dhaoge apeń disạ akatʼpea, ar onaren goha do unige.

Romiko lạgitʼ Pạul Apostolakʼ ciṭhi 8:15

Ar golamren Jiu do bape ńamakadea, one onatepe botorkokʼ; Ape do Isorren Jiugepe ńamakadea one okoe do hopon hoyokʼ reakʼ ạidạriye emakatʼpe. Ona iạtege Isor do Abba, metakʼme Baba mente bon hohowaekana.

Romiko lạgitʼ Pạul Apostolakʼ ciṭhi 8:26

Noa chaḍa aboakʼ nijortetʼre sonot Jiu doe goṛo abon kana. Ar cetʼ leka koejoṅ lek tabon ona do babon baḍaekana, menkhan oka roṛte baṅ sodorokʼ onkan kũhrạu tulucʼ sonot Jiu do acʼge abo lạgitʼe nehõrokʼ kana.

Galathiko lạgitʼ Pạul Apostolakʼ ciṭhi 4:6

Ape dope hoponko kante Isor do acʼren Hoponren Jiu aboakʼ ontorreye kolkedea. Ar uni Jiu Isor do Abba, metakʼme Baba menteye hohoae kana.

Ephesiko lạgitʼ Pạul Apostolakʼ ciṭhi 6:18

Sonot Jiu hotete ạyur ocokʼte mon ar ontorte jao ghuṛi koejoṅpe. Onate jagwar akae tahente Isorren sanam hoṛko lạgitʼ mitʼ talao koejoṅre jamaṛ akae tahenpe.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Josuạ 24:14

Ona tayom Josuại menkeda, “Ńitokʼ do pạtiạr salakʼ khạṭi ontorte aperen Probhu Isor sewawaepe ar uni ḍobokʼaepe. Aperen hapṛamko phurạt gaḍa hanasa Misor disạmre okoe debotakoko sewawako kan tahẽkan onko do ńitokʼ sạṅgiń giḍikakope ar Probhu Isor sewawaepe.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

1 Samuel 12:24

Ape do eken Probhu Isor botoraepe ar apeakʼ goṭa ontorte pạtiạr salakʼ uni sewawaepe. Hudispe, ape lạgitʼ uni do tinạkʼ maraṅ maraṅakʼe kạmi akada.