Johan 3:9 - সান্তালী বাইবেল

⁹ Nikodemus do Jisui kulikedea, “Noa do cekate hoydaṛekokʼa?”

Santali Common Language New Testament

⁹ Nikodemus do Jisui kulikedea, “Noa do cekate hoedaṛekokʼa?”

Johan 3:9 Iomraidhean Croise

Kạhtukko 4:18

Isor botoraekan hoṛkoakʼ hor do aṅga hijukʼkan marsal leka, one ạuri tikinokʼ hạbicʼ tạpis khon arhõ tạpis idikʼkan.

Jesaea 42:16

Kãṛãkoń ạyurkoa, ar bako baḍaekan ar ona suṛucʼ horteń idikoa. Ar ńut do onko laha lahateń marsal ocoya ar harcatʼ hurcutʼ hor doń mitʼsão utạra. Iń do niạkoń nonkaea, ar khạṭigeń nonkaea.

Luk 1:34

Mạriạm do serma goḍete metadea, “Noa do cekate hoedaṛekokʼa? Ińakʼ ma baplage coṅ baṅ hoyakantiń.”

Johan 3:10

Unre Jisu do uniye metadea, “Israelkoren guru hoykatere hõ cetʼ noako bam bujhạueda?”

Johan 3:4

Unre Nikodemus do uniye metadea, “Manwa do haṛamkate cekate arhõe janam daṛekokʼa? Dosar dhao eṅgatakʼ kukhire bolo ruạṛkate uni do cetʼ arhõe janam daṛeakʼa?”

Johan 3:8

Hoe do oka secʼ sanaye ontegeye hoeyeda ar ona reakʼ saḍetetʼem ańjoma, menkhan oka khon hijukʼ kana ar okate calakʼa ona do bam baḍaea. Sonot Jiu khon okoeyakʼ janam hoyakan onko do ṭhik onkageko hoyokʼa.”

Johan 6:52

Noa katha ańjomkate Jihudi mukhiyạko do reṭe peṭekʼko ehopʼena. Onko doko menkeda, “Cekate nui hoṛ do acʼakʼ hoṛmo jom lạgitʼe em daṛekebona?”

Johan 6:60

Ar uniren celako modre ḍher hoṛge noa katha ańjomkateko menkeda, “Noa do ạḍi keṭecʼ sikhạuna kana. Ar noa do okoeye ańjom daṛekea?”