Johan 3:8 - সান্তালী বাইবেল

⁸ Hoe do oka secʼ sanaye ontegeye hoeyeda ar ona reakʼ saḍetetʼem ańjoma, menkhan oka khon hijukʼ kana ar okate calakʼa ona do bam baḍaea. Sonot Jiu khon okoeyakʼ janam hoyakan onko do ṭhik onkageko hoyokʼa.”

Santali Common Language New Testament

⁸ Hoe do oka secʼ sanaye ontegeye hoeyeda ar ona reakʼ saḍetetʼem ańjoma, menkhan oka khon hijukʼ kana ar okate calakʼa ona do bam baḍaea. Sonot Jiu khon okoeakʼ janam hoeakan onko do ṭhik onkageko hoyokʼa.”

Johan 3:8 Iomraidhean Croise

Sereńko 107:25

Mitʼ dhao uniyakʼ kathate maraṅ birbão hecʼena, onate maraṅ maraṅ ḍheoko rakapʼena.

Sereńko 107:29

Uni do birbãoe thir ocokeda, ar jalapuri reakʼ ḍheoko do ḍelḍel thirena.

Sereńko 135:7

Unige pirthimi reakʼ mucạtʼ khon rimile rakapʼ ocoyeda; unige dakʼ lạgitʼ bijliye tear ocoyeda.

Sosolhayic̕ 1:6

Hoe do dạkhin secʼe hoeyeda, ar ona tayom do utạr secʼ ạcur calakʼ kana; ona do ạcur ạcurte acʼakʼ horteye ruạṛ hijukʼ kana.

Jeheskel 37:9

Unre uni do ińe metadińạ, “Am do hoe ńutumte nạbi katha roṛme; E manwa hopon, noa nạbi katha roṛme, Probhu Isore menetʼkana, ‘E hoe, am do beṛhae secʼ khon hijukʼme ar noko gocʼ hoṛkore sahẽtʼ emokʼme jemonko jiwedokʼ.’ ”

Johan 1:13

Noko hoṛkoakʼ janam do mãyãm khonakʼ do baṅ hoyakana, ar jel reakʼ sana se herel hoṛakʼ sana khon hõ baṅa, bickom Isor khonge hoyakana.

Johan 3:7

Dosar karte janamokʼ hoyokʼtapea menteń metatʼmete alom hahaṛakʼa.

Johan 3:9

Nikodemus do Jisui kulikedea, “Noa do cekate hoydaṛekokʼa?”

Aposkạmi 2:2

Unre ackage serma khon tạpis hoe reakʼ hud hud saḍe leka mitʼṭecʼ saḍe hecʼena ar onko okareko tahẽkan ona oṛakʼ do saḍete perecʼena.

Aposkạmi 4:31

Ado oka jaegare onkoko jarwa mitʼ akan tahẽkan, koejoṅ tayom ona jaega do dal dalaoena. Ar onko sanamkoge sonot Jiuteko perecʼente dil salakʼ Isorakʼ katha lạlạiko ehopʼena.

1 Korinthiko 12:11

Noako joto kạmi do ini sonot Jiugeye kạmiyeda. Uni do cetʼleka sanayede onkage onako dan mimitʼko judạ judạye emako kana.

1 Korinthiko 2:11

Manwako modre nonkan okoe menaea, one uni do eṭagicʼakʼ mon reakʼ kathae baḍaekan? Manware okoeṭakʼ Jiu menae eken unige acʼ apnarakʼ monejoṅakʼe baḍaea. Onkage Isorren Jiu chaḍa Isorakʼ monejoṅakʼko do eṭakʼ okoe hõ ohogeko baḍae daṛelea.

1 Johan 2:29

Baḍaegeape, uni doe dhoromgea, ar noa hõ baḍae dohokakʼpe, okoe dhorom kạmire apnarte lạgiyạ paṛao akanko tahen, onko do Isor khongeko janam akana.