Johan 3:34 - সান্তালী বাইবেল

³⁴ Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

Santali Common Language New Testament

³⁴ Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

Johan 3:34 Iomraidhean Croise

2 Rapajko 2:9

Arkin parom calaoen khan Eliạ do Elisaye metadea, “Lạiyạń me, am ṭhen khon ạuriń rakapʼ ocokʼre iń do am lạgitʼ cetʼ iń cekaea?” Elisaye roṛ ruạṛkeda, “Amakʼ jiu reakʼ dobṛa baṛe ińre paṛaokʼma.”

Sereńko 45:7

Am do dhoromem dulạṛeda ar bedhorom dom kurudakʼ kana; Onate Isor, amren Isor do, amren soṅgetenko khon hõ bạ̃ṛti hulạs do sunum leka am cetanreye dul akada.

Jesaea 59:21

Onko lạgitʼ ińakʼ bondobos do noage: ińren Jiu okoe do apere menae ar ińakʼ okako katha apeakʼ mocareń emakatʼ ona do ape, aperen hoponko ar onkoren hoponkoakʼ moca khon baṅ adokʼa; ona do ńit khon jaejug hạbicʼ tahẽ akae tahena. Iń Probhu Isorge noa katha doń meneda.”

Levitikus 7:35

Aron ar uniren hoponko oka hilokʼ khon naeke menkate Probhu Isor sapʼsorae lạgitʼko ojokʼ bahal ocoakan enhilokʼ khonge Probhu Isor ńutumte seṅgelre samaṅicʼ janwarakʼ niạ hĩs do onkoakʼ bakhra menkate ṭhik dohoakana.

Numeri 11:25

Unre Probhu Isor do ona rimilreye pheḍ hecʼente Mose sãoteye galmaraokeda. Ar Mose cetanre okoe Jiue tahekan uni do onko eaegel murubbiko cetanre hõe emena. Ar tinre uni Jiu onkoreye hecʼena unre onko do thoṛa ghạṛicʼ lạgitʼ nạbi lekate kathako roṛkeda.

Mathae 12:18

Ńelpe, ińren guti one uniń bachao akade, unige ińren dulạṛiạ, one unireń kusi akan. Ińren Jiu do unireń dohoyea, uni do boṅgan hoṛ jạtrenko ṭhen hok reakʼ bicạre lại jạhira.

Luk 4:18

“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

Johan 1:16

Abo jotokoge uniyakʼ ona perecʼakʼ khon daya cetan daya bon ńam akada.

Johan 15:26

“Okoe sohotʼicʼ Baba ṭhen khoniń kolape, uniye hecʼlenre unige iń reaṅ gohae ema. Uni doe hoyokʼ kana sạriyakʼren Jiu one okoe do Baba ṭhen khone hijukʼkan.

Johan 16:7

Enre hõ sạri kathageń lạiyape kana, ińakʼ calakʼ do ape lạgitʼ bhagegea, ente bạń senlen khan uni sohotʼicʼ do ape ṭhen bae hijukʼa. Menkhan ińiń senlenre uni do ape ṭheniń kolea.

Johan 3:17

Uni do manwa dusire paṛaoko lạgitʼ acʼren Hopon bae kolakadea bickom Hopon hotete jemon kại khon bańcaoko ńam ona lạgitʼgeye kolakadea.

Johan 5:26

Ente, Baba do cetʼleka acʼre jion menakʼtae onkage uni do Hopon hõ jion tahentae lạgitʼe emakawadea.

Johan 7:16

Jisu do onkoe metatʼkoa, “Oka cecetʼakʼ iń emokʼkan ona do ińakʼ do baṅkana, menkhan okoeye kolakadiń, uniyakʼ kangea.

Johan 8:40

Isor ṭhen khon oka sạriyakʼtetʼ iń baḍae akatʼ onage ape doń lạiyape kana, ar enhõ gojeńpe menetʼkana; menkhan Abraham do nonka bae kạmileda.

Johan 8:47

Okoe hoṛ doe Isorren kan, uni do Isorakʼ kathageye ańjoma. Ape dope baṅkante Isorakʼ katha bape ańjomeda.”

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Romiko lạgitʼ Pạul Apostolakʼ ciṭhi 8:2

Jionren mạlik sonot Jiu reakʼ niạmge Jisu Mạsi hotete kại ar gujukʼ reakʼ niạm khone chaḍao akadińạ.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

Kolossiko lạgitʼ Pạul Apostolakʼ ciṭhi 1:19

Isor doe goṭaletʼa jemon acʼakʼ joto lekanakʼ perecʼtetʼ Mạsire tahen.

Kolossiko lạgitʼ Pạul Apostolakʼ ciṭhi 2:9

Isorakʼ goṭa perecʼtetʼ do Mạsiyakʼ hoṛmo rupteye girobasokʼ kana, ar Mạsi tulucʼpe kolom mitʼakante ape hõ ona perecʼtetʼpe ńamakada.

Johan sodor 21:6

Uni do arhõe metadińạ, “Hoyena. Ińge Alpha ar Omega, etohopʼ ar mucạtʼtetʼ. Okoe tetaṅ edekan uni do jiwetʼ dakʼ reakʼ jharna khon begor damteń ńũ ocoyea.

Johan sodor 22:1

Ona tayom uni serma goḍet do jion dakʼ reakʼ gaḍae udukʼạdińạ. Ona do dhiri hisir leka rilạmala tahẽkana ar Isor ar Bheḍa Hoponakʼ siṅghạson ṭhen khon ạtu oḍokkate nagraha reakʼ kulhi talate ạtukʼkan tahẽkana.