Johan 3:32 - সান্তালী বাইবেল

³² Uni do okae ńelakatʼ ar okae ańjomakatʼ ona reakʼ gohageye ema, menkhan okoe hõ uniyakʼ goha do bako aṅgoctaea.

Santali Common Language New Testament

³² Uni do okae ńel akatʼ ar okae ańjomakatʼ ona reakʼ gohageye ema, menkhan okoe hõ uniakʼ goha do bako aṅgoctaea.

Johan 3:32 Iomraidhean Croise

Jesaea 50:2

Ińiń hecʼlenre onḍe do cedakʼ okoege bako tahẽkana? Ińiń hoholetʼre goṅeń lạgitʼ do cedakʼ bako tahẽkana. Ape chaḍaope lạgitʼ ińakʼ ti do cetʼ ḍher khaṭogetińa? Ape bańcaope lạgitʼ cetʼ daṛe hõ komaogetińa? Ńelpe dhomoktege jalapuriń ańjetʼ ocoyeda ar gaḍakoń khaṅkhor ocoyeda; onaren hakoko do dakʼ begorteko seakʼ kana ar tetaṅteko gujukʼ kana.

Jesaea 53:1

Abo emakʼ sombat do okoeye pạtiạu akawada? Probhu Isorakʼ daṛeanakʼ sopo do okoe ṭhen sodorlena?

Mathae 7:8

Ente mitʼke mitʼ kokoyicʼ do milạuaea; ar ńam baṛayicʼ doe ńama ar ṭhopʼ ṭhopʼetʼkạnicʼ do jhicʼaea.

Johan 1:11

Uni do acʼrenko ṭhene hecʼlena, menkhan acʼren hoṛge bako ataṅledea.

Johan 15:15

Iń do golam bạń metapekana, ente kisạ̃ṛ cetʼe cekakan golam do ona bae baḍaea; menkhan iń do gateń metapekana, ente Baba ṭhen khon okań ańjomakatʼ onage apeń baḍae ocoakatʼpea.

Johan 18:37

Pilạt do Jisui metadea, “Enḍekhan am do cetʼ raj kanam?” Jisui roṛ ruạṛkeda, “Am do ṭhikgem menakada, iń doń raj kana. Iń do sạri goha emokʼ lạgitʼgeń janam akana ar ona lạgitʼge dhạrtiteń hecʼakana. Ar okoeye sạriyakʼren kan uni do ińakʼ kathae ańjoma.”

Johan 3:11

Sạrigeń metamkana, ale okale baḍae akatʼ onagele roṛeda ar okale ńelakatʼ ona reaṅge gohale emeda, menkhan ape do aleakʼ goha bape luturakʼ kana.

Johan 3:26

Onko do Johan ṭhen hecʼenteko metadea, “E Guru, okoe do Jordan hanasare am sãoteye tahẽkan ar okoeṭakʼ reakʼ goham emletʼ, ńelme, uni doe bạptisetʼkoa ar sanam hoṛ uni ṭhengeko calakʼkana.”

Johan 3:33

Okoe uniyakʼ gohae aṅgoc akatʼ uni do ona hotetegeye sodoreda je, Isor okae men ona do sạrikana mente.

Johan 5:20

Baba do Hopone dulạṛede kana ar acʼ jãhãnakʼgeye cekayetʼ, ona jotowakʼge Hopone ńel ocoyedea. Uni do noako khon hõ maraṅ maraṅakʼ kạmiko Hopone udukʼaea, jemon Hoponakʼ sanam kạmiko ńeltepe hahaṛakʼ.

Johan 8:26

Ape roṛpe reaṅ ar bicạrpe lạgitʼ ạḍi okocʼge menakʼtińạ. Menkhan okoeye kol akadiń unire eṛeteakʼ do bạnukʼa; ar uni ṭhen khon okań ańjomakatʼ onage manwakoń lạiyako kana.”