Johan 3:10 - সান্তালী বাইবেল

¹⁰ Unre Jisu do uniye metadea, “Israelkoren guru hoykatere hõ cetʼ noako bam bujhạueda?”

Santali Common Language New Testament

¹⁰ Unre Jisu do uniye metadea, “Israelkoren guru hoekatere hõ cetʼ noako bam bujhạueda?”

Johan 3:10 Iomraidhean Croise

1 Bõsbudạ 29:19

Ińren hopon Solomon do khạtirjoma danaeme jemon amakʼ hukum, amakʼ katha ar amakʼ niạmkoe palon daṛeakʼ ar iń okaṭakʼ dalan benao lạgitʼ iń sapṛao akatʼ ona jemone benao daṛeakʼ.”

Sereńko 51:10

E Isor, amge ińre khạṭi ontor sirjạume; ar ińakʼ mon baṛe nãwã aroytińme.

Sereńko 51:6

Am do ontorre sạriyakʼ ńeljoṅem khojkana; ar amge ińakʼ ontor reakʼ khạndritetʼre ạkilem cetʼạń kana.

Sereńko 73:1

Okoeyakʼ ontor khạṭige onko Israelko secʼ Isor do sạrigeye bhạlạiyicʼ kana.

Jesaea 56:10

Israelren pahradarko doko kãṛãgea, onko do cetʼge bako baḍaea. Onko do guṅgạ seta lekanako, bako bhokʼ daṛeakʼa. Onko do giticʼkateko kukmũya ar jạpitʼko kusiyakʼa.

Jesaea 9:16

Okoe onko jạtrenko horko udukʼako onko do bhul horteko idikoa; ar onko pańjakanko do bako bujhạu daṛeakʼa okateko calakʼ kana mente.

Jirimiạ 31:33

Israelko lạgitʼ okaṭakʼ bondobos iń bandhaoa ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa ar onko do ińren hoṛgeko hoyokʼa.

Jeheskel 11:19

Iń do nonkan ontoriń emakoa onko do eken iń secʼge bul akanko tahena, ar iń do onko talare nãwã Jiu iń emakoa; ar onkoakʼ keṭecʼ ontor ocokʼkate norom ontoriń emakoa.

Mathae 11:25

Ona tayom Jisui menkeda, “E Baba, ot ar sermaren Probhu Isor. Amiń sarhaoetʼmea, ente am do ạkilan ar budanko ṭhen khon noako reaṅ dom oko dohoakada, menkhan kạṭicʼ gidrạ lekanko ṭhen dom sodor akada.

Mathae 15:14

Onko do apnartetʼko kãṛãgere hõ kãṛã ạyurko kanako. Ar kãṛã do kãṛãye ạyure khan banarge ghaḍlakʼrekin ńurokʼa.”

Mathae 22:29

Jisui roṛ ruạṛatʼkoa, “Bhuletʼ kanape, ente ape do sostor hõ bape baḍaea, ar Isorakʼ daṛe reaṅ hõ bape baḍaekana.

Luk 2:46

Ado pe din tayom unkin do mundilrekin ńamkedea. Uni do guruko talare duṛupʼkate onkoakʼ kathae ańjomkan ar onkoe kuliyetʼko tahẽkana.

Luk 5:17

Mitʼ din Jisu do hoṛkoe cetʼakokan tahẽkanre Phạrusiko ar sostor baḍaeko hõ onḍeko duṛupʼ akan tahẽkana. Noko do Gạlil ar Jihudạ reakʼ atoko ar Jerusalem nagraha khonko hecʼakan tahẽkana. Ar rugiko bogeko reakʼ Probhu Isorakʼ daṛe do Jisure tahẽkana.

Johan 3:9

Nikodemus do Jisui kulikedea, “Noa do cekate hoydaṛekokʼa?”

Aposkạmi 5:34

menkhan Gamaliel ńutuman Phạrusi dolren mitʼṭen hoṛ do maraṅ bạisi talareye teṅgoyena. Uni do mitʼṭen sostor baḍae hoṛe tahẽkana ar sanamkoge uniko manotedekan tahẽkana. Uni do apostolko thoṛa ghạṛicʼ bahrere dohoko lạgitʼe hukumkeda.

Romiko lạgitʼ Pạul Apostolakʼ ciṭhi 2:28

Eken bahre secʼte okoeye Jihudikan uni do khạṭi Jihudi doe baṅkana. Ar hoṛmo bahre secʼte khatna akanicʼ hõ khạṭi khatnayicʼ doe baṅkana.

Dosar Biboron 10:16

Ona iạte apeakʼ ontorre baṛe khatnakʼpe; menkan keṭecʼ hoṭokʼanko do ar alope hoyokʼa.

Dosar Biboron 30:6

Ar jemon apeakʼ goṭa mon ar ontorte unipe dulạṛete jiwetʼpe tahen ona lạgitʼ ape ar aperen bõsko ontorreye khatna ocopea.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Kolossiko lạgitʼ Pạul Apostolakʼ ciṭhi 2:11

Ona chaḍa ape do Mạsi tulucʼpe kolom mitʼakante khatna hõpe khatna ocoakana.Jãhãe manwa tite do bape khatna ocoakana, Mạsi acʼgeye khatna akatʼpea; metakʼme hoṛmore jel reakʼ oka daṛe tahẽkan ona daṛe khon uni doe chaḍao akatʼpea.