Johan 21:25 - সান্তালী বাইবেল

²⁵ Jisu do arhõ ạḍi utạrakʼkoe kạmileda. Onako mitʼ mitʼte ollen khan nunạkʼ puthiko hoykokʼa je, ińakʼ bujre noa dhạrtire ohoge sahopʼlena.

Santali Common Language New Testament

²⁵ Jisu do arhõ ạḍi utạrakʼkoe kạmileda. Onako mitʼ mitʼte ollen khan nunạkʼ puthiko hoekokʼa je, ińakʼ bujre noa dhạrtire ohoge sahopʼlena.

Johan 21:25 Iomraidhean Croise

Jobakʼ 26:14

Noako do uniyakʼ daṛe reakʼ ańcar kana, ar abo do eken uni reaṅ khae khoege bon ańjometʼa; uniyakʼ daṛe huḍur do okoeye bujhạu daṛeketaea?”

Sereńko 40:5

E ińren Probhu Isor, ḍhergetama amakʼ hahaṛa kạmiko do! Ale lạgitʼ okaṭakʼem goṭa akatʼ! Onań roṛ sodorlere, ariń lạilere ona do tishõ baṅ mucạdokʼa. Ar am leka do okoe menaea?

Sereńko 71:15

Amakʼ dhorom kạmi ar amakʼ bańcaokʼ reakʼ katha do goṭa dinge ińakʼ mocare tahena, ente onako do baṅge lại cabakʼa.

Sosolhayic̕ 12:12

E beṭa, men cehaokʼme, puthiko olokʼ reakʼ ses do bạnukʼa ar ḍher paṛhaokʼte do hoṛmo laṅgakʼa.

Amos 7:10

Tayomte Bethelren naeke Amasiạ do Israelren raj Jerobiam ṭhen noa khobore kolkeda, “Amos do Israelko talare am upạrte mitʼṭecʼe soṛojontroyetʼkana. Disạmren hoṛko do uniyakʼ katha bako sahao daṛeakʼkana.

Mathae 11:5

Kãṛã hoṛko ńeńelkana, leḍha hoṛko taṛameda, murhucʼ jom hoṛko bogekʼ kana ar kala hoṛko ańjomeda; gocʼkoko jiwetʼ beredokʼ kana ar reṅgecʼ orecʼko ṭhen do bhage sombat reakʼ katha lạiyạgokʼ kana.

Mathae 19:24

Arhõń metapekana, kisạ̃ṛ hoṛ Isorakʼ rajte bolokʼ khon sui bhugạkʼte ũṭe bolo tabokʼge algawa.”

Mark 5:16

Noa ghoṭna okoeko ńelletʼ onko do bạṛcʼ jiu capaṛ akawade hoṛ ar khạṛ sukriko reaṅko lại baṛakeda.

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Aposkạmi 20:35

Iń okań ceka akatʼ ona sanamakʼge ape koń udukʼakatʼpea je, nonkan kajak khaṭao hotete nijorko goṛowako do lek kana ar Probhu Jisuakʼ noa katha jemon disạ dohokʼ baṅma, ‘hatao khon emokʼrege bickom ḍher bhor do ńamokʼa.’ ”

Ibriko 11:32

Noa khon bạ̃ṛti do ar cetʼ iń lạiya? Gideon, Barak, Samson, Jeptha, Dạud, Sạmuel ar nạbikoakʼ katha galmarao lạgitʼ ińakʼ somoe do bạnukʼa.