Johan 21:22 - সান্তালী বাইবেল

²² Jisu do Patrase metadea, “Ạuriń ruạṛ hijukʼ hạbicʼe tahẽ hataṛokʼ khan amakʼ do cetʼ? Menkhan am do iń pańjańme.”

Santali Common Language New Testament

²² Jisu do Patrase metadea, “Ạuriń ruạṛ hijukʼ hạbicʼe tahẽ hataṛokʼ khan amakʼ do cetʼ? Menkhan am do iń pańjańme.”

Johan 21:22 Iomraidhean Croise

Mathae 16:24

Ona tayom Jisu do acʼren celakoe metatʼkoa, “Jãhãe ińakʼ horte hijukʼ sanayede khan uni do acʼakʼ kusi sanaleka aloe calakʼma; menkhan acʼakʼ kuruse gogma ar ińe pańjańma.

Mathae 24:27

Cetʼleka bijli do purub khon oḍokokʼte pạchim hạbicʼ malkao calakʼ, onkage Manwa Hopon reakʼ seṭerokʼ hõ hoyokʼa.

Mathae 24:3

Jisu Jạitun burureye duṛupʼ akan tahẽkanre celako do uni ṭhen hecʼkate hape hapeteko metadea, “Lạiyaleme, noako do tis hoyokʼa ar oka lekan cinhạko hotetele bujhạu daṛeakʼa amakʼ hijukʼ ar jug mucạdokʼ reakʼ okte do seṭer akana mente?”

Mathae 24:44

Onate ape hõ sapṛao akan tahenpe, ente bape hudisetʼkan ghuṛirege Manwa Hopon doe hijukʼa.

Mathae 25:31

“Manwa Hopon do acʼren serma goḍetko sãote acʼakʼ ṭhonokanteye hecʼlenre uni do ṭhonok reakʼ siṅghạsonreye duṛupʼa.

Mathae 8:22

Jisu do uniye metadea, “Gocʼkoge akoren gocʼko topa ocoakome, menkhan am do iń pańjayińme.”

Mark 9:1

Ona tayom Jisu do celakoe metatʼkoa, “Sạrigeń metapekana, nonḍe teṅgo akanko modre nonkan hoṛ menakʼkoa one onko do Isorakʼ raj daṛe salakʼ hijukʼ ạuriko ńel hạbicʼ okalekate hõ bako gujukʼa.”

Johan 21:19

Isorakʼ ṭhonok sodortae lạgitʼ Patrasakʼ cetʼleka gujukʼ hoyokʼtaea ona bujhạu ocoy lạgitʼ Jisu do noa kathae roṛkeda. Ar noae roṛketʼ khan Patrase metadea, “Dela pańjańme.”

Johan 21:21

Patras do uniye ńelkedete Jisui metadea, “E Probhu, nuiyakʼ do cetʼ hoyokʼa?”

1 Korinthiko 11:26

Onate uni ạuriye hijukʼ hạbicʼ tinạkʼ dhao noa piṭhạpe jom ar noa bạṭi reakʼpe ńũi unạkʼ dhao Probhu Isorakʼ gujukʼ reakʼ kathape porcara.

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

1 Thessalonikikko 2:19

Ente aboren Probhu Jisui hijukʼre apege cetʼ uni samaṅre aleakʼ as, rạskạ ar ṭhonok reakʼ mukuṭ dope baṅkana?

Jakob 5:7

Onate E boehako, tin hạbicʼ Probhu Isor bae hijukʼ unhạbicʼ jiwi hataṛkate jotowakʼ sahaope. Cetʼleka casa do khet reakʼ damanakʼ phosol lạgitʼe ńel horetʼkan ar pạhil ar mucạtʼ dakʼ lạgitʼe sombhuriyetʼ, ona mape ńeletʼkange?

Jakob 5:8

Ape hõ onkage sombhuripe ar ontorre teṅgo ṭak akae tahenpe, ente Probhu Isor do ạḍi usạrageye hijukʼ kana.

Johan sodor 1:7

Ńelpe, uni do rimilteye hijukʼkana. Ar mitʼke mitʼ mẽtʼ do uniko ńelea; ar okoeko sobokʼ bhugạkʼlede onko hõ uniko ńelea ar dhạrtiren sanam jạtrenko do uni iạte koṛamko ceṭagokʼa. Ar onage hoyokʼ ma baṛe, Amen.

Johan sodor 2:25

Eken apeakʼ okaṭakʼ menakʼ, ona do iń ạuriń hijukʼ hạbicʼ kajakte sapʼ dohokakʼpe.

Johan sodor 22:20

Okoe noako reaṅe gohayetʼkan uni doe meneda, “Sạrige iń do ạḍi usạrageń hijukʼkana.” Amen. Probhu Jisu, dela hijukʼme.

Johan sodor 22:7

Jisui meneda, “Ńelpe, iń do ạḍi usạrageń hijukʼkana. Noa puthi reakʼ sanamakʼ katha, metakʼme Isorakʼ kathako okoeye manao uni doe bhạgangea.”

Johan sodor 3:11

Iń do ạḍi usạrageń daraekana. Amakʼ oka menakʼtam ona do sapʼuricʼ akae tahenme, okoe hõ amakʼ jitạukʼ reakʼ kuṛại do alo jemonko recʼme.