Johan 21:15 - সান্তালী বাইবেল

¹⁵ Adoko jom sạtketʼ khan Jisu do Simon Patrase metadea, “E Jona hopon Simon, noko khon bạ̃ṛtim dulạṛedeń kana?” Simon Patrase menkeda, “Hẽ Probhu, baḍaegeam tinạkʼ iń dulạṛetʼmea mente.” Jisu do uniye metadea, “Ińren bhiḍiko gupikom.”

Santali Common Language New Testament

¹⁵ Adoko jom sạtketʼ khan Jisu do Simon Patrase metadea, “E Jona hopon Simon, noko khon bạ̃ṛtim dulạṛedeń kana?” Simon Patrase menkeda, “Hẽ Probhu, baḍaegeam tinạkʼiń dulạṛetʼmea mente.” Jisu do uniye metadea, “Ińren bhiḍiko gupikom.”

Johan 21:15 Iomraidhean Croise

Genesis 33:13

Jakob do uniye metadea, “Am ińren kisạ̃ṛ dom baḍaegea, noko gidrạkoakʼ umer do komgetakoa. Ona chaḍa okoeko ḍaṅgra ar bhiḍi akoren hoponko toako nunuako kan onko hõ disạko hoyokʼtińạ. Ente mitʼdinte usạra idileko khan enḍekhan sanamgeko gujukʼa.

2 Samuel 7:20

“Dạud do am ṭhen ar cetʼe men daṛekea? E Probhu Isor, amren guti mam baḍae akadege.

2 Rapajko 20:3

“E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.

Jesaea 40:11

Uni do gukʼpiko leka acʼren bhiḍikoe gupikoa, bhiḍi hoponkoe hobor samṭaokoa ar hoborkateye idikoa, hopon menakʼkotako eṅga do bại bạiteye sotokʼ idikoa.

Jirimiạ 23:4

Onko cetanre nonkan gukʼpikoń bahalkoa okoe do onkoko ńel todarot daṛeako; unre ińren bhiḍiko bako botorokʼa, bako asokʼ ṭayogokʼa ar okoeṭakʼge bako adokʼa. Iń Probhu Isorge niạ kathań meneda.”

Jirimiạ 3:15

Ar ona tayom do ińakʼ kusi leka gukʼpikoń emapea; onko do ạkil ar bud salakʼko calaopea.

Jeheskel 34:23

Onko cetanre mitʼṭen gukʼpiyicʼ, metakʼme ińren guti Dạudiń ojokʼ bahalea; uni acʼge onkoe ńel todarotkoa ar onkoren gukʼpiyicʼe hoyokʼa.

Jeheskel 46:24

Uni do ińe metadińạ, “Noako do culhạ kana; okoe mundil oṛakʼ reakʼ sekʼwa kạmiko kạmi onko do onḍe hoṛkoakʼ samaṅokʼakʼ jinisko isina.”

Mathae 10:37

“Jãhãege, acʼren eṅgat-apat iń khon bạ̃ṛtiye dulạṛkin uni do ińre lek doe baṅkana. Ar jãhãe acʼren gidrạko iń khon bạ̃ṛtiye dulạṛko uni hõ ińre lek doe baṅkana.

Mathae 16:17

Jisui roṛ ruạṛadea, “Jona hopon Simon, am dom bhạgangea, ente okoe manwa hõ am ṭhen noa do bae sodor akada; menkhan ińren sermaren Babageye sodor akatʼmea.

Mathae 18:10

“Ńelpe, noko kạṭicʼko modren mitʼ goṭen hõ alope nihạ̃tkoa; ińiń metapekana sermare onkoren goḍetko do sanam ghạṛicʼ ińren sermare menae Babawakʼ mẽtãhãko ńeleda.

Mathae 26:33

Unre Patras doe roṛ ruạṛadea, “Amre jotokogeko tạkicʼlenre hõ iń do ohogeń tạkicʼlena.”

Mathae 26:35

Patrase menkeda, “Am saõte gujukʼ hoyokʼtińre hõ iń do ohogeń baṅlema.” Ar eṭakʼ celako hõ onka lekako menkeda.

Mark 14:29

Unre Patrase menkeda, “Sanamkoko tạkicʼlenre hõ iń do ohogeń tạkicʼlena.”

Luk 12:32

“Alope botorokʼa, E huḍiń palrenko, ente aperen Baba do apege acʼakʼ rajosṭi emapeye menjoṅkana.

Luk 22:32

Menkhan iń do am lạgitʼ iń koeyeda, jemon amakʼ biswạs alo ḍigạukʼtam. Am do iń ṭhenem ruạṛ hijukʼre amren noko boehakom keṭecʼkoa.”

Johan 1:42

Ar Andreas do Jisu ṭhen Simone ạgukedea. Jisu do Simon beṅgetʼadeteye metadea, “Am do Johan hopon Simon kanam, menkhan am do kephasem hoho ocokʼa.” Noa ńutum reakʼ mane do Patras, metakʼme dhiri.

Johan 13:37

Patras do uniye metadea, “E Probhu Isor, cedakʼ ńitokʼ do am sãote bạń calao daṛeakʼa? Am lạgitʼ ińakʼ jiwi hõń emokʼa.”

Johan 16:27

Baba ma coṅ acʼgeye dulạṛetʼpe, ente ape do ińpe dulạṛakadińạ arpe pạtiạu akana, iń do Baba Isor ṭhen khoniń hecʼakana.

Johan 21:12

Jisui metatʼkoa, “Dela hijukʼpe ar jompe.” Menkhan celako modre okoe hõ dilkate bako kuliledea, “Am dom okoe kana mente?” Ente onko doko baḍaekan tahẽkana, uni doe Probhu kana.

Johan 21:7

Ado Jisu okoeṭakʼ celae dulạṛede kan tahẽkan uni do Patrase metadea, “Uni doe Probhu kana.” Unre Simon Patras do koṭogeye tahẽkana. Onate “Probhu kanae” menteye baḍaeketʼ khan aṅgropte paṭheyente doreão dakʼreye don khadleyena.

Johan 8:42

Jisui metatʼkoa, “Isor do sạrige aperen babae hoylentape khan ińpe dulạṛkińạ, ente iń do Isor khoniń hecʼ akana ar ńitokʼ do ape talare minạńạ. Iń apnarte do bạń hecʼakana, menkhan unigeye kol akadińạ.

Aposkạmi 20:28

Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan uni lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.

Aposkạmi 20:29

Ińiń baḍaea je, iń sen tayom hoṛko do hunḍạr leka ape talareko hijukʼa ar palren bhiḍikoko loksankoa.

Romiko lạgitʼ Pạul Apostolakʼ ciṭhi 14:1

Pạtiạure okoeye nijorge uni do ataṅ sãohãyepe; uniyakʼ hudis bundis joṅre uni tulucʼ alope reṭe peṭekʼa.

Romiko lạgitʼ Pạul Apostolakʼ ciṭhi 15:1

Abo okoe do bon daṛeanko kan aboakʼ do dạyik kana bin daṛeankoakʼ nijorakʼkore teṅgo goṛowako, ar eken apnar kusikʼ lạgitʼ do baṅ.

1 Korinthiko 8:11

Onkate amakʼ akel karonte nijoricʼ one okoe lạgitʼ Mạsiye gocʼlen, uni doe nosṭokʼa.

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsiren kan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

Ephesiko lạgitʼ Pạul Apostolakʼ ciṭhi 4:14

Bạṛicʼ bulạuakʼte eṭakʼko bhul horte idiko lạgitʼ oka bhul sikhnạtko emakokan, ona bhul sikhnạt iạte abo do hoete sokojokʼkan ḍheoko leka hante nate alo bon sokojokʼma.

Ephesiko lạgitʼ Pạul Apostolakʼ ciṭhi 6:24

Aboren Probhu Jisu Mạsire okoekoakʼ bin mucạtʼ dulạṛ menakʼ onko sanamkore Isorakʼ daya baṛe tahenma.

Ibriko 13:20

Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

1 Patras 1:8

Mạsi bape ńel akadere hõ enhõ ape do unipe dulạṛede kana; ar ńit bape ńel ńamekanre hõ unirepe pạtiạu akana, ar okaṭakʼ rạskạ lạite baṅ sodorokʼ ar okaṭakʼ do serma reakʼ ṭhonokte perecʼge, ona rạskạtepe rạskạkʼ kana;

1 Patras 2:2

Nãwã janam bale gidrạ leka apeakʼ jiure hara rakabokʼ lạgitʼ khạṭi toa ńam reakʼ gagojokʼpe, jemon onatepe hara rakabokʼte purạpuri bańcaokʼ secʼpe laha idikʼ.

1 Patras 2:25

Bhiḍiko lekape chingạu adokʼkan tahẽkana, menkhan ńitokʼ do okoe apeakʼ jiwikoe ńeletʼkan uni gupiyicʼ ṭhenpe ạcur ruạṛ akana.

1 Johan 4:19

Uni do pạhilre aboe dulạṛ maṛaṅ ketʼbontege abo hõ uni bon dulạṛede kana.

1 Johan 5:1

Jisu do Mạsi kanae mente okoeko pạtiạukʼkan, onko do Isor khonko janam akana. Ar okoe Babako dulạṛ edekan onko do uniren Hopon hõko dulạṛ edekana.

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.