Johan 21:12 - সান্তালী বাইবেল

¹² Jisui metatʼkoa, “Dela hijukʼpe ar jompe.” Menkhan celako modre okoe hõ dilkate bako kuliledea, “Am dom okoe kana mente?” Ente onko doko baḍaekan tahẽkana, uni doe Probhu kana.

Santali Common Language New Testament

¹² Jisui metatʼkoa, “Dela hijukʼpe ar jompe.” Menkhan celako modre okoe hõ dilkate bako kuliledea, “Am dom okoe kana mente?” Ente onko doko baḍaekan tahẽkana, uni doe Probhu kana.

Johan 21:12 Iomraidhean Croise

Mathae 22:46

Onko do okoege mitʼṭen katha hõ bako roṛ ruạṛ daṛeadea ar enhilokʼ khon okoege jãhãnakʼ kuliye bako dillakʼa.

Mark 9:32

Menkhan celako do Jisuakʼ katha reakʼ mane bako bujhạu daṛeada ar kuliye hõko botorena.

Luk 9:45

Menkhan celako do ona katha bako bujhạuleda. Isor do onko ṭhen khone danaṅ akatʼ tahẽkana jemon onko do ona aloko bujhạu daṛeakʼ. Ar celako hõ noa reakʼ jãhãnakʼ katha kuliyeko botorokʼkan tahẽkana.

Johan 16:19

Ado celako noa reaṅ kuliyeko menjoṅ kana menteye bujhạuketʼ khan Jisu do onkoe metatʼkoa, “Ińiń menakatʼ, ‘thoṛa ghạṛicʼ khange bape ńeleńa arhõ thoṛa ghạṛicʼ khangepe ńeleńa,’ noa reaṅge cetʼ ape talare bape kupulikʼ kana?

Johan 21:11

Khan Simon Patras do lạukạreye decʼente aṛete jhạliye or ạgukeda. Ar jhạli do mitʼ sae mõṛẽgel pea lạṭu hakote perecʼ tahẽkana. Menkhan jhạlire nunạkʼ hakoko tahẽkanre hõ ona do baṅ oṛecʼlena.

Johan 21:15

Adoko jom sạtketʼ khan Jisu do Simon Patrase metadea, “E Jona hopon Simon, noko khon bạ̃ṛtim dulạṛedeń kana?” Simon Patrase menkeda, “Hẽ Probhu, baḍaegeam tinạkʼ iń dulạṛetʼmea mente.” Jisu do uniye metadea, “Ińren bhiḍiko gupikom.”

Johan 4:27

Ar inạkʼtege Jisuren celako doko hecʼena, ar mitʼṭen maejiu tulucʼ Jisu galmaraoko ńelkede khan onko doko hahaṛayena. Menkhan enhõ okoege bako metadea, “Am do cetʼem khojkana se cedakʼ uni tulucʼ dom galmaraoeda?”

Aposkạmi 10:41

Menkhan sanamko do bako ńelledea, eken okoe gohako Isor do lahareye bachao dohoakatʼko tahẽkan onkogeko ńelledea, metakʼme gocʼko khon jiwetʼ beretʼ tayom ale do uni sãotele jom-ńũleda ar alege unile ńelledea.