Johan 20:28 - সান্তালী বাইবেল

²⁸ Unre Thomae menkeda, “E ińren Probhu, E ińren Isor.”

Santali Common Language New Testament

²⁸ Unre Thomae menkeda, “E ińren Probhu, E ińren Isor.”

Johan 20:28 Iomraidhean Croise

Sereńko 45:11

Enḍekhan raj do amakʼ mońjtetʼreye hạ̃sakʼa; unige amren kisạ̃ṛ do, ar unige ḍobokʼaeme.

Sereńko 45:6

E Isor, amakʼ siṅghạson do jug cetan jugge; ar amakʼ ḍanṭao do dhorom reakʼ ḍanṭaokana.

Jesaea 25:9

Enhilokʼ hoṛko mena, “Ńelpe, nui kangeae aboren Isor do; abo do uni koyokʼ horrege bon tahẽkana jemone bańcao daṛeabon. Uni kangeae Probhu do; abo do uni koyokʼ horre bon tahẽkana. Dela, abo do uniyakʼ bańcao kạmi iạte rạskạ arbon hulạsokʼma.”

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Mathae 14:33

Ar lạukạre okoeko tahẽkan onko do Jisu sewawadeteko menkeda, “Sạrige am dom Isorren Hopon kana.”

Luk 24:52

Unre onko do uniko sewawadea ar ạḍi rạskạ salakʼ Jerusalemteko ruạṛ senena.

Johan 1:1

Etohopʼrege kathatetʼ tahẽkana, ar kathatetʼ do Isor ṭhen tahẽkana ar kathatetʼ do acʼge Isore tahẽkana.

Johan 20:16

Jisui menkeda, “Mạriạm.” Onate Mạriạm doe ạcurente Ibrite Jisui metadea, “Rạbbuni.” Mane do E Guru.

Johan 20:27

Ona tayom uni do Thomae metadea, “Amakʼ kạṭupʼ nonḍe ạguiytam ar ińakʼ banar ti ńelme ar amakʼ ti tiyạrkate kokhare sogeńme. Ar bin pạtiạricʼ do alom hoyokʼa bickom pạtiạuicʼge hoyokʼme.”

Johan 20:29

Jisu do uniye metadea, “Thoma, am do cetʼ ńel akadińtem pạtiạukʼ kana? Menkhan okoe begor ńelteko pạtiạukʼ onkogeko bhạgana.”

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Johan 5:23

Baba cetʼlekako manotede onkage jemon Hopon hõko manote. Hopon okoe bae manotede, uni do kol akadińicʼ Baba hõ bae manotea.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.