Johan 2:24 - সান্তালী বাইবেল

²⁴ Menkhan Jisu do onko ṭhen bae sodorlena, ente uni do joto hoṛe baḍae akatʼko tahẽkana.

Santali Common Language New Testament

²⁴ Menkhan Jisu do onko ṭhen bae sodorlena, ente uni do joto hoṛe baḍae akatʼko tahẽkana.

Johan 2:24 Iomraidhean Croise

1 Rapajko 8:39

enḍekhan amakʼ tahen ṭhạ̃i serma khon onkoakʼ ańjomtakome ar ikạkakome; ar onkoakʼ kạmiko lekate bicạrtakome, ente am do onkoakʼ ontorem baḍaekana.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

1 Bõsbudạ 29:17

E ińren Isor, ińiń baḍaea, am do ontorem biḍạu aṭkaretʼkana ar dhorom iạtem kusikʼkana. Noako jinis do mon ar ontor khon kusiteń em akatʼmea. Ar ńitokʼ do ona ńelteń rạskạkʼ kana, amren hoṛko okoe do nonḍe menakʼko onko hõko kusikʼkana.

Jirimiạ 17:9

“Mon do sanamakʼ khon ṭhokgea, ona do oka lekate hõ baṅ bogekʼa. Manwa ontor do okoe hõ bae bujhạu daṛeakʼa.

Mathae 9:4

Jisu do onkoakʼ mon reakʼ hudisakʼkoe baḍaeketʼ khane metatʼkoa, “Mone monte bạṛicʼakʼ do cedakʼpe hudiseda?

Mark 2:8

Jisu do unrege onkoakʼ mon reakʼ nạndi gundikʼakʼe baḍaeketʼ khane metatʼkoa, “Mone monete ona katha reakʼ do cedakʼpe hudisokʼ kana?

Johan 1:42

Ar Andreas do Jisu ṭhen Simone ạgukedea. Jisu do Simon beṅgetʼadeteye metadea, “Am do Johan hopon Simon kanam, menkhan am do kephasem hoho ocokʼa.” Noa ńutum reakʼ mane do Patras, metakʼme dhiri.

Johan 16:30

Nitokʼ dole bujhạu daṛeakʼkana, bin baḍaeakʼ do cetʼge bạnukʼtama, ar jãhãege jãhãnakʼe kulime ona reakʼ jạruṛ hõ bạnukʼtama. Ona iạtegele pạtiạukʼ kana am do Isor ṭhen khonem hecʼakana.”

Johan 21:17

Uni do tesar dhao Simon Patrase metadea, “Jona hopon Simon, sạrigem dulạṛ edeńkana?” Patras doe mon dukena, ente Jisu do tesar dhao uniye kulikedea, “Sạrigem dulạṛedeń kana?” Onate Patras do Jisui metadea, “E Probhu am do jotowakʼgem baḍaea, ar noa hõm baḍaegea amiń dulạṛetʼme kana.” Jisu do uniye metadea, “Ińren bhiḍiko gupikom.

Johan 4:16

Jisu do uniye metadea, “Do calakʼme, ar amren jãwãe hoho ạguiyem.”

Johan 5:42

menkhan iń do apeń baḍae akatʼpea. Ińiń baḍaea apeakʼ ontorre Isorakʼ dulạṛ do bạnukʼtapea.

Johan 6:15

Noate Jisui bujhạukeda, hoṛko do raje lạgitʼko jormoṭe lạgidokʼ kana. Onate acʼ eskarge uni do arhõ ona buruteye rakapʼ calaoena.

Johan 6:64

Menkhan ape modre nonkanko menakʼkoa okoe do ińre bako pạtiạukʼkan.” Okoeko Jisure bako pạtiạukʼkan ar okoe hoteteye soprot ocokʼ, ona do Jisu pạhil khongeye baḍaekan tahẽkana.

Aposkạmi 1:24

Ona tayom onko do noa menkateko koekeda, “E Probhu Isor am do joto hoṛakʼ ontorem baḍaekana. Jihudạ hõ acʼakʼ sạjại iạte apostol kạmiye aṛakʼ giḍikeda. Onate ńitokʼ nukin bar hoṛ mod khon ona hudạ lạgitʼ okoeṭakʼem bachao akawan uni baṛe udukʼ aleme.”

Aposkạmi 15:8

Isor do sanam hoṛkoakʼ mone baḍaea. Uni do cetʼleka sonot Jiue danatʼbon tahekan, onkage boṅgan hoṛ jạtrenko hõe danatʼkote gohae emakada je, onko hõ kại khon bańcaoko ńamakada.

Dosar Biboron 31:21

Onko cetanre tinre ḍher duk-kosṭoko hijukʼa unre niạ sereńge onko upạrte goha lekae teṅgona, ente onkoren bõsko do noa sereń bako hiṛińa. Ente kiriạ akawatʼko gokʼakʼ disạmte idiko laharege iń doń baḍaea onkoakʼ ontore cetʼ menakʼa mente.”

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

1 Samuel 16:7

Menkhan Probhu Isor do Sạmuele metadea, “Uniyakʼ rup se tinạkʼe usula ona do alom ńela, ente uni doń nihạ̃t akadea. Manwa okaṭakʼe ńel onate do jãhãnakʼ do baṅ cekakʼa, ente manwa do bahre rupko ńela menkhan Probhu Isor do ontorgeye ńeleda.”