Johan 19:4 - সান্তালী বাইবেল

⁴ Pilạt do arhõ bahrete oḍok hecʼkate hoṛkoe metatʼkoa, “Ńelpe, ape ṭheniń oḍok ạguiyedea jemonpe bujhạu daṛeakʼ, uniyakʼ do jãhãn dosge bạń ńametʼtaea.”

Santali Common Language New Testament

⁴ Pilạt do arhõ bahrete oḍok hecʼkate hoṛkoe metatʼkoa, “Ńelpe, ape ṭheniń oḍok ạguyedea jemonpe bujhạu daṛeakʼ, uniakʼ jãhãn dosge bạń ńametʼtaea.”

Johan 19:4 Iomraidhean Croise

Mathae 27:19

Ado Pilạt tinre bicạr duṛupʼakʼreye duṛupʼ akan tahẽkana unre uniren oṛakʼ hoṛ do kathae roṛgotʼkada, “Uni dhoromicʼ do jãhãnakʼ alom cekayea, ente uni iạte teheń kukmũte ạḍi duk iń ńam akada.”

Mathae 27:24

Pilạt do cetʼ hõ bae dhejeda bickom arhõ gulmal hoyokʼ kane ńelketʼ khan dakʼ hataokate hoṛko samaṅre ti ạbukenteye menkeda, “Nui hoṛakʼ mãyãm lạgitʼ iń do bạń dạyikokʼa; apege ńeljoṅpe.”

Mathae 27:4

“Kại akadạń, ente bin dusạnicʼ gocʼ ocoye lạgitʼ iń soprot akadea.” Onkoko metadea, “Onate aleakʼ do cetʼ? Amge ńeljoṅme.”

Mathae 27:54

Subedar ar uni tulucʼ Jisuko horhoyede tahẽkanko do dhạrti laṛao ar eṭakʼ ghoṭnako ńelkate ạḍi bạṛicʼko botorena arko menkeda, “Sạrige uni do Isorren Hopongeye tahẽkana.”

Luk 23:4

Unre Pilạt do maraṅ naekeko ar sanam hoṛkoe metatʼkoa, “Iń do nui hoṛakʼ jãhãn dosge bạń ńametʼtaea.”

Luk 23:41

Alaṅ ma lek reakʼ ar kạmi akatʼ lekage sạjại laṅ ńametʼkan, menkhan nui do cetʼ hõ bae dosakatʼa.”

Luk 23:47

Noa ńelte Romren subedar do Isor sarhaokedeteye menkeda, “Sạrige uni do bin dusạngeye tahẽkana.”

Johan 18:33

Unre Pilạt do arhõ oṛakʼ bhitriteye boloyena ar Jisu hohowadeteye metadea, “Am do cetʼ Jihudikoren raj kanam?”

Johan 18:38

Pilạt do uniye metadea, “Sạriyakʼ do cetʼ kana? Noa katha menkate uni do arhõ bahrete senkate Jihudi mukhiyạkoe metatʼkoa, “Iń do nuiyakʼ cetʼ dosge bạń ńametʼtaea.

Johan 19:6

Ado Jisuko ńelkede khan maraṅ naekeko ar kạmiyạko do hohowateko menkeda, “Kurus kaeme, uni do kurus kaeme.” Pilạt do hoṛkoe metatʼkoa, “Apege idiyete kurusepe, ente uniyakʼ jãhãn dosge bạń ńametʼtaea.”

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

1 Patras 1:19

ape dope kiriń chaḍao akana niphuṭ ar bedagan Bheḍa Hopon Jisu Mạsiyakʼ mãyãmte.

1 Patras 2:22

Uni do bae kại akada uniyakʼ mocare jãhãn phorphundi hõ baṅ tahẽkana.

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

1 Johan 3:5

Baḍaegeape, aboakʼ kạiko meṭao giḍikakʼ lạgitʼge Mạsi doe sodorlena. Mạsire do jãhãn kại bạnukʼ anaṅ. Okoe Mạsireko tahenkan onko do kạire bako tahenkana.